Hechos 22:16 - Sinia' Jlamtis 1994

¹⁶ Nisiamaja'ni, ká anijwatanitna'a; ninajie'n nineyine pa Saka'niona, kanlej niwa ajoski'la iyo.

Hechos 22:16 ပူးပေါင်းရင်းမြစ်များ

Juan 13:8

Pedro isiujlie'ne pet ti iyo'ate: —Ja ke iwi'na'm ka paja 'niwa isietis ka lejk'iji'n. Jesús ti isiujlieyi'iji, iyo'ne 'ate: —Siuti je wo ka ilijk'iji'n niwa asatis, ja ke ayejenie'e siu'napo isimet pet.

Hechos 2:21

'Yina i'nio' na jantajne'n k'iye ni Saka'niona, nak janjwa'a.”

Hechos 2:38

Pedro isiujlie papo ti iyo'ate: —Woye asosikis ink'iejyisa', janwopi pa ka ijiatayi, pak tiniejienajape, ti janetijnapeje ni Sijwajieti Jesús jle', ja 'nakayeyijna'a ka Sinia' inetiajnat niwa askeyis iyo. Sekjane'yi ka wena'asemna'a jana Sinia' jikimet ti 'es.

Hechos 7:59

'Yina ti sisajas titietajajan'ni pa Esteban, jlam iyojli t'ajlayeja', ti iyo'ate: —'Yaka'niona Jesús, ki'm ilia'm ni isiak'al.

Hechos 9:14

'Nakp'an pa yiye'e, lapakawo ti pa'yijis jika anechiyasas 'yajlinit k'iye, jla'yi ti tijliukie kanki'mek'i wikie'eyi siunapo inwunit, ka tikinieje'ni Jerusalenne.

Hechos 9:18

Ta'a t'ipi ti iniuk'iji'n siupuwa yi' ape'e puwa jitiete'l 'yiniye niwa si'yus jlotis, sekyi'i 'esiji'ni, yikiajlayi'iji ti i'wijne'n. Inippijiam'ne, sekyi'i ti tiniejienaja.

1 Corintios 12:13

Wikie'eyi, 'wanjliyi ka napokaye Judíojos, siu'neje napo je Judíojos, siunapo inkipijnas, siu'neje napo ti je inkipijnas, ti kasnajienaja'n ti kaswomk'i wita'm pa Saka'niona, ti iyo ka kasjwanjlik'i, jla'yi ti ijwienjli siojopa Sinia' jikimet ti kasts'esi ti kassetijnape. Jla'yi ti kaswikie'eyi ti kas'yayinaja siunie ti jla'am janak Sinia' jikimet.

1 Corintios 6:11

Ti pajk'i, siuniwa ajwel'ni je awo'ate je woyeyipi, siuti asa'am po' siunapo yit'ijyipi. 'Yina 'nakayi insisie kajeyepa ti Sinia' pajk'i ti inlejajyi'n, jla'yi ti initiajnat ask'ioye ki astes iyo, ka lajak'i pet ni jle' iyo ni Saka'niona Jesús ti Sijwajieti, siu'neje japa Sinia' jikimet.

Gálatas 3:27

'Naka 'neje jla'am siunie ti inajiejnasts'ase'm, sekyi'i ti injwanjliyeyik'i pi Sijwajieti, jiwoyeyi as'wuye ti jla'am.

Efesios 5:26

Kiak iyone kajeyepa ti iyo ka ilesa'n pa Sinia' napo jilis. Iliji pi i'niat pakayi ti tiniejienaja'n, siu'neje ti iliji niwa Sinia' jlamtis.

Tito 3:5

sekyi'i kasjwajieten'ne. Je ka pakaye kat'emina ka iyoki pi k'iejliyi ka sikijmayeja' ka wujwa ka 'esie ti kasjwajiete'n, 'wenajliyi jla'am siunie ti jikap'ijliuskiye po', naka'ne ti kasts'esi. Sekyi'i ti kasleja ki iyo niwa sakeyis, sekyi'i ti ekiajlayi'iji ni awoki siunie iyo ti 'nelanjie'e atajlaja'm jana set. Jlampet siojona Sinia' jikimet ti 'es janaka pet ti iwints'e'm ni si'wasankiye ti ink'ie'.

Hebreos 10:22

Jak je iyoyiji jajioki pi Sinia', ja'nialkitak'i na sosik, siu'neje na sitienkiujnieye ti 'es jalisanaja'n. Siunie iyo ti je akakiuk jajwienkitak'i, 'yina ke k'iejliyeyi paka iyoki sitienkiujnieyejak'i wita'm ka jiniliakie pa, lapakawo ti pajk'i siuniwa ts'ajwes ti tilijiki'n, ti tilijiki siunie i'niat ti 'es.

1 Pedro 3:21

Paka i'niat t'ipi, pak ti'yenajap pet ni i'nio' ti tiniejiena, naka'ne ti it'imina ti jijwaye 'nakayi. Siunie ti tiniejienapa je ka inlej niwa 'najwes, 'najata ti t'ajlajaje pi Sinia' siunie ijnosik ti ink'ie' ti 'najleje'n. Siu'neje ti kasjwajiet pa Sinia' ti kasts'isisi pi Saka'niona Jesús ti iniu kisie'e ti tajli pi a'no',