Hechos 22:1 - Sinia' Jlamtis 1994

¹ —I'lijwas, jla'yi japo ti asa'am ti inkijliyejyi'n, k'iuyek'imna'a siunie jayo ti jayamti itipe'e.

Hechos 22:1 ပူးပေါင်းရင်းမြစ်များ

Lucas 12:11

“Siuti ja tikinie'ase ti ja ijnokieyiji napo ijnosikis jiwos, ni'ne ka ijnokiji napo anechiyasas, ni'ne ka ijnokieyiji napo i'ye'en napo jitis wus, ká awo jlak'aliye siupa jawo ti ja amti astepe'e, siupa as'lej janojwata'yi.

Lucas 21:14

Ká ajwela ka awakajlanitie ta'a siupa a'lej jawonayi ti ja amtiye astepe'e,

Hechos 13:26

“I'lijwas ti Abraham jilists'ase'm, siu'neje japo je iliyi ti iyunitis pa Sinia', k'iuyeyi siu'niwa Sinia' jlamtis ti ijwil japa Injwajieti, sa'am ti ijliuts'e.

Hechos 19:33

Tanaja'ni pa Alejandro, Judíojos papok tane, ka Alejandro injwela ape'e papo, ti jlamis ti Judíojos je ini'noti pak jiwet'ia iyo papo i'nio'. Alejandro jikio' yejayi ape'e papo i'nio' ka ink'iuyits'iate.

Hechos 23:1

Pablo jitiej itieteje'ni japo ti iyo'ate: —I'lijwas, atalk'i'ni jiwekie'e, atajlap'e ti 'nelanjie'e, awakieyi 'niji ti akama jiwek itieyi'i pa Sinia'. Kajeyepa ti lajk'i wekie'e pa ka iyo ka je 'esie ka itiej wujwayi'ni ka ts'ajwejle.

Hechos 23:6

Ti Pablo itijnisieyi ti Saducéojos siu'neje japo Fariséojos japo yiji japok ijnosikis jiwos, sekyi'i 'yakets'ijiap'ne ti iyo'ate: —I'lijwas, Fariseok'i'm. Fariséojos 'neje napo i'wit jlele. Je akakiuni siunie iyo siunapo 'yajle'n ti yapits'i pijia'm. Naka'ne siunie titiajlatak'i'm.

Hechos 24:10

Sekyi'i ja anechiyas jikio' iyone'ate ti ijliuye ja Pablo ka intamti pet. 'Yina Pablo iyo'ne 'ate: —'Esiji, 'wanjliyi je ajwek siunie jayo ti jayamti pet. Am ti impaj, pa nojwat'ijia'm puwa aka najkapis ti jlejyi ni akijmaye, ti ji'ye'n ilia'm siunapo i'nio' ti jitis poyeta.

Hechos 25:16

Ti akiujlieyi awope 'ate, “Ti sa'am ti Roma jlelets'e'm, je sake' ka kassesi'lie'yi ka iyoki ka iliana pa, ti je inipe'yayi siupapo ijwi'il. 'Esiji ti jlam pet ti ipi'ya ti iyoyetaja ka intamti ni i'nio', ti iyo ka ini'manit.”

Hechos 25:8

Pablo iyo'ne 'ate: —Ya'am laj itisa'. Ka itis poye pa, ti je ata'yi ilia'm ni Moisés jika'neyasajnaye, tiwet'ianaja ka itie 'neje jiwek ilia'm jana 'najla'wet yi' Jerusalenne, ni'ne ka nakaye ni saka anechiyas ni Roma jlele ka itie'yi ilia'm, jeyi kat'aja.

Hechos 26:24

Ti Festo ipi'yaye ja Pablo ti kia'iyo, iyo'ne 'ate ti 'yakets'ijiap: —¡Ataj p'an je 'es, Pablo! 'Nakayi jla'am ti je lijape wata'a ti jini'neyasan'ni, it'imina ki iyo ni awet'ia.

Hechos 28:17

Jlampa jlomas najapeja kiwa tomk'i ti Pablo 'nes Rómaja, takajlunieyi siojopo Judíojos jlamt'iyijpe ti anechiyasas, ti sek ji'wet'e. Initaj jiwekie'e ti Pablo iyonayi 'ate: —Ja 'najanayi pet ti lajatak'iyi paka iyo ka je 'esie ilia'm napo si'lijwas Judíojos, ni'ne ka niwakaye 'neje siupa iyot'iyipi papo saka kijilas mases, ka itie'yi ilia'm. Ti a Jerusalenne, sek senisi'i ti isimayisk'i'm, ti sekiajlisi japo Románojos.

Hechos 7:2

Esteban isiujlie ti iyo'ate: —I'lijwas, k'iuyek'i'm, jla'yi ti asa'am ti kijilasts'ase'm. Sinia', ti ijnonisik, ini'wenkinat'ijiampe pa sitis Abraham ti yi'i japa ajnat jle' iyo'ate Mesopotamia, ti je yamjli'ijyi ka ne'yi japa Harán, ka iwo 'weta'.

Romanos 2:15

'Yina 'niwak 'yakajanit siuniwa iniwonisi ti siunie Sinia' takajlunie ka tiwoki yiji pet ni jlosik. Jak je iyoyiji ti jitiej yinataja'ni 'ate, nakaye'eje ti 'yakajanit'i ape'e, siunie jitienkiujnieye janwonayina'a 'ate, “Itis po'” ni'ne ka wo'ate, “Laj itisa'” ts'iji jlaja niwa jlomas.

1 Corintios 9:3

Siunie jayo ti jasiujlie pet siunapo ti sakakiuyisi siu'nie awoyi:

2 Corintios 12:19

¿Ent'a jijwela ka pajak'i ka iyojonk'iye ka kasijwela ka kasts'isis? ¡Je'e, je kia'iyo! 'Wenajliyi ti enaja jitieyi'i pa Sinia' siuti kiak iyo akamtijniena, siu'neje ti sa'am ti Sijwajieti jikawosts'e'm. I'lijwas ti yimijna'yase'm, lapakawo ti wikie'eyi niwaka janakaye ti janoye'ase'm ka ineki'n siunie jiwoyeyi.

2 Corintios 7:11

Ijiate ti jinilayitieyi siunie asjlak'ali iyo, 'yina Sinia' nak yimink'i. ¡Ataj ene 'ate siuniwa wask'i'nelaja isis tajle naka! Inia'an siunie ti ijiate ti jikima'yi siukia awo'nase ti ip'isinik atate'ase, siu'neje ti ji'yena. Je wekie'e siunie jiwoyeyi ti jinilayitieyi, ti nak ikajanit ti je asa'am ka astesa', pak it'imina siuti kiak jiwoyeyi, siu'neje ti ine'wajayi niwaka ti inkajyina, kajeyepa ti jloskiyeyi pa Sinia', ka kia'iwo ka jwesieja pet. 'Yina yam'niji kiaka ti jiwoyeyetajank'iye ka si'wena, naka 'neje ti jini'netie ti jlotkinayi siunie jitis iyo ni i'nio' ti iyo ni je 'es, kajeyepa ti jlam je woyeyi ti jlam jla'am ti jitis. Jak je iyoyiji 'yakaja pet ti wikie'eyi niwaka, je asa'am ka intaj'lase, laj astesa', 'yina jlam ti jikimet ti siupa ti iyo ni je 'es.

Filipenses 1:17

Jlampet napoka ti ajwel'ni, ti ijwil kankimk'iji'n, nakata jla'am ti iyo ka ti'wena, sekyi'i ka tijwela kanses, ka nak tonitieje. Awojlitieje ti po' siunie ti je yin kisie'e ti yiji ni jlosik, ti iyo ka womisiji 'ni iwit'ia iyo ti ajyi jla'a insat jiwe, ti wuj ti anilayiti.

Filipenses 1:7

Je ka jiniliakie siunie sitienkiujnieye ni awonaja, awojlitieje ti wuj ti ts'ama'ase. Ent'a naka ti ajyi jla'a insat jiwe, ni'ne ka nakaye ti ani'net'i ape'e ni inka'niye ti 'es, ti ajwele pijia'm ti ijiatk'i jla'am, 'yina awo'ate ti kiak jiwoyeyi pit siunie iyonk'i ni Sinia' ti sip'elisi'n, naka jla'am ti it'imina ni jikijmaye ti awoyi ti iwink'i'm ti ijniejietk'i'm pet.

2 Timoteo 4:16

Siojokia jloma ti 'nelanjie'e senaja jitieyi'i napo i'nio' anechiyasas, tiwet'ianaja ka poye paka inoyijk'i'm ka intamti pet itipe'e, ti si'yasaja'ni. 'Yina pajlat'nine ti yam'ni ti iliyisk'i. 'Esiji ka Sinia' je iwoyi jitisayi kiaka.

1 Pedro 3:15

ja'wenajliyi ti ja ekiajlayi niwa asosikis pi Sijwajieti, jonitie ti jla'am. Niwakajlanitie ta'a ilia'm siunapo jan'yasajyi'n ki iyo ti po' ni asnejejwijiye.