Hechos 21:3 - Sinia' Jlamtis 1994

³ A'wenaja'ni jiwekie'e jlaja Chipre. Ti akinieja'ni, alekieyi 'niji si'lieme, ti atayeja 'nijiye siujlieja isi' jle' iyo'ate Tiro, ajnat ti yiji jlaja Siria. Sek tijwosa'aja'n siojowa wask'i'nelaja yiji jlaja kasejkana.

Hechos 21:3 ပူးပေါင်းရင်းမြစ်များ

Mateo 11:21

'Yina iyo'ne 'ate: —¡Asa'am ti as'wet jana Corazín, kia'iyojliyi ti asa'am pet ti as'wet jana Betsaida, aswet'ia japoye! Ka napokaye t'ipi jla'am siunapo yiji jana Tiro, siu'neje napo yiji jana Sidón, kan'wenis siuniwa iyo niwa ji'wena, kiak je iyotaja'ni jla'am, 'yina je k'iejets'i'ni jla'am ka iwo jlosikis ink'iejyisa'. Je kia'iyotaja'ni jla'am ka je 'nots'iji'n niwa ji'wuye siuniwa je isis, jla'yi ka tijlat intatis jitipe'e, ka 'nakajanit ti ilik'i ni jike' iyo, yapilisi ni Sinia'.

Mateo 4:24

Jesús jle' itijwi'ni siujlieja ajnat Siria, ti t'ijieyeje. Tiniamajaja'ni siupapo ti wuj ti inilayiti puwa iyot'iyipi puwa jikie'el ti je ijwienjli, siu'neje papo imose'l iliaki, siu'neje papo jitiej je isis, siu'neje papo je t'ojni'ni, je iyo ka je injwajiete'n.

Lucas 10:13

“¡Ja imp'elisisa' wata'a asa'am ti jleyejyi jana Corazín, asa'am 'neje ti jiwayejyi jana Betsaida, aswet'ia japoye! Jlam'ne t'ipi ka janakaye Tiro siu'neje jana Sidón ka sek tenaja'a niwak siuniwa ti ti'wenkinaja'm napo i'nio' iyo'ate siuniwa a'wenki'n ti ji'wena', jlam pajtak'i'ne ka iwo jlosikis ink'iejyisa' siunapo i'nio' yiji. Je k'iejets'i'ni ka 'nots'iji'n siuniwa ji'wuye ti je isis, jla'yi ka intatisi'ni jitipe'e ni tijlat. Kiak janiwonisi kajeyepa ti ijiate ti ilik'i ni jike', yapilisi pa Sinia'.

Lucas 2:2

Pakat'iyijpe ti siupa i'nio' jle' iyo'ate Cirenio yi'i ti iyo anechiyasa' yi'i jlaja Siria, ti 'nelanjie'e iyoyeyi papo i'nio' ti tetitinak'i.

Hechos 11:19

Jlampa titimajat'iyijpe pa Esteban ti tiliana, iyoyeyi siupa iyo papo i'nio' Sinia' jilis, ti wuj ti inilayiti, ti tejeye ilia'm siupa iyoyisi. Jak je iyoyiji'ni po' papo i'yiltan'ni 'niji yi'i japa Fenicia, ijia papo i'yiltane japa ajnat jle' iyo'ate Chipre, ijia papo ijio Antioquíaja. Yiyi siupa i'yiltanisi jlam ijwiljlijia'm puwa Sinia' jlamtis, papokata tijnayits'i papo Judíojos.

Hechos 12:20

Herodes wuj ti jiwak yi'ne papo ji'wet japa Tiro, siu'neje papo yiji japa Sidón. Jak je iyoyiji'ni ti inikiujlis ti iyo ka ijnoyisi pa anechiyas. Inip'elisinisi siupa jikawo jle' iyo'ate Blasto, ti kia'iyo anechiyas pet, ti yitieyi'i, ijioyisi ti i'yasisi ka inoyeje. Ti'yasanisi ka inkamajas, kajeyepa siupapo Tiro jlele siu'neje papo Sidón jlele pak 'esisi, jlak tajlijisi'ni japa jika ajnat.

Hechos 13:4

Sinia' jikimet ti 'es ijliu' 'niji yi'i japa Seleucia. Sekyi'i ti yiyet'iyispe kasejkanaja, ti ijioyis 'niji yi'i japa ajnat jle' iyo'ate Chipre, i'niat lajlik'i tijwajiape'n.

Hechos 15:23

Itiunkinisi siu'nie jip'esinik ti iyo'ate: “Asampey i'lijwas, asam ti je Judíojosts'ase'm, ti as'wet pet jana Antioquía; asam'neje as'wet jana Siria, siu'neje napo ti jleyejyi jana Cilicia. Wuj ti atejwila'ase. Sam ti injlojwajnasts'e'm. Sam'neje ti kijilasts'e'm pet.

Hechos 15:39

Wuj wata'a siupa iyoyisi ti je ijniul wita'm japo Pablo, paj ti ini'wenakitiet'iyispe. Bernabé jla'yi pet ja Marcos ti yamisk'i japa kasejkana ti ijio Chípreje,

Hechos 15:41

Iniuyis 'niji yi'i jlaja Siria, ijiuti ape'e jlaja Cilicia, wuj ti iniuyeje japo i'nio' Sinia' jilis.

Hechos 18:18

Pablo 'loj puwa jlomas ti je t'eki Coríntojo, 'yina yit'i'yipe japa jloma ti iyoyeyi ka intajla papo i'nio' sekyi'i, isieja kiojiamk'i ti inijwe'el ti janek'ni. Siujlieja Priscila jla'yi ja Aquila yamisk'i, ti yamat'i'nijpe ti ijioyisi japa kasejkanayis yajap'ejen'ni, jle' iyo'ate Cencrea je tojwape'n japa Corinto. Pablo ti je tisiojmajiamk'iji iyo jika awusieja' ti yine'eyi, ti 'yakajanit ti ijiatk'i siunie iniwone ti inipe'yayi pa Sinia', siupa iniwonisi. Itime ti jiwekie'aja ti yam'ni ti yamk'i japa kasejkana, ti ijio 'niji yi'i jlaja Siria, jla'yis japo Priscila, Aquila 'neje.

Hechos 21:16

'Nak nojwaja'm japo si'lijwas tal Cesaréaja 'yuninsek'i. A'nesa'ni ti kassokiejayiji ja sikiecha Mnasón, tajle jlaja ajnat jle' iyo'ate Chipre, inamtik jiwo paj t'ipi. Awakiap'ne kajeyepa ti iyo si'weta'.

Hechos 21:2

Ti a'nesaja'ni, a'wenak'i jiwekie'e jlaja kasejkana ti janek ti ijio Feníciaja, sekyi'i jlajak akiniejak'iji.

Hechos 21:7

Atajla Tírojo ti anok i'niatk'i, paj ti awakieyi siujlieja ajoki Tolemaida. Awaki japo si'lijwas ti atejwilajayi, 'yina saka jloma ijwienjli wekie'e ti kas'wanjleje'n.

Hechos 27:4

Sek atajla'a ti akinieja'ni ti atajla Sidone, ti awak kasejkanaja'. 'Yina ti ataye ilia'm ki jlajwu, kas'manit 'ne jlaja Chipre, ajnat siujlieja i'niat itijwape'n, ti je 'yejents'e'm wata'a ki jlajwu.

Hechos 4:36

Iyoye'ate iyot'iyipi ja i'nio' jle' iyo'ate José, (injlojwajnas iyont'iyisi'nijpe 'ate Bernabé, ti iyo'ate “Je k'ijliaja”), tajla'm papo Leví t'ipi, ji'wett'iyijpe japa Chipre, i'niat iniujwape'n.