Hechos 21:16 - Sinia' Jlamtis 1994

¹⁶ 'Nak nojwaja'm japo si'lijwas tal Cesaréaja 'yuninsek'i. A'nesa'ni ti kassokiejayiji ja sikiecha Mnasón, tajle jlaja ajnat jle' iyo'ate Chipre, inamtik jiwo paj t'ipi. Awakiap'ne kajeyepa ti iyo si'weta'.

Hechos 21:16 ပူးပေါင်းရင်းမြစ်များ

Hechos 10:24

Jloma kiecha ti 'nesat'i'nijpe Cesaréaja, jlam'ne ja Cornelio its'iujwin'ni k'iye. Je pakata, siu'neje papo ijiat'i pet, siu'neje papo i'yasits'i t'ajajnajwas t'ipi.

Hechos 10:48

Takajlunie'ne ka tiniejienaja'n, ka teyinaja pa Saka'niona Jesús jle' ti Sijwajieti. Itimisi ti ijialaskinayisi ja Pedro ka 'nak inojwaja'm puwa jlomas ka sek 'wanjliye'e kiu'.

Hechos 11:19

Jlampa titimajat'iyijpe pa Esteban ti tiliana, iyoyeyi siupa iyo papo i'nio' Sinia' jilis, ti wuj ti inilayiti, ti tejeye ilia'm siupa iyoyisi. Jak je iyoyiji'ni po' papo i'yiltan'ni 'niji yi'i japa Fenicia, ijia papo i'yiltane japa ajnat jle' iyo'ate Chipre, ijia papo ijio Antioquíaja. Yiyi siupa i'yiltanisi jlam ijwiljlijia'm puwa Sinia' jlamtis, papokata tijnayits'i papo Judíojos.

Hechos 15:39

Wuj wata'a siupa iyoyisi ti je ijniul wita'm japo Pablo, paj ti ini'wenakitiet'iyispe. Bernabé jla'yi pet ja Marcos ti yamisk'i japa kasejkana ti ijio Chípreje,

Hechos 15:7

Jlampa je k'iejeyeyi'i ti tamtits'iji'n, Pedro takasit'ne ti iyo'ate: —I'lijwas, 'najanayi ti siuti a' aska kiowe'e, Sinia' pajk'i ti isimk'i'm ti ijniejietk'i'm siunie isijmaye ka yikiji siunapo 'wanjli witame ti iyoyi ni je 'es niwa Sinia' jlamtis, ja 'nakayeyi pet ti jantant'iejesi ni Sinia'.

Hechos 21:8

Jloma kiecha ti akinieja'ni ti ajok Cesaréaja. Ajok ji'wete ja Felipe ti inka'niye ti 'es jiwo, tajla'm siojopo ijwienjli sikio' itij'we times tom'niji iniuyeje'ni japo injlojwajnas, jak awakiap'ne.

Hechos 4:36

Iyoye'ate iyot'iyipi ja i'nio' jle' iyo'ate José, (injlojwajnas iyont'iyisi'nijpe 'ate Bernabé, ti iyo'ate “Je k'ijliaja”), tajla'm papo Leví t'ipi, ji'wett'iyijpe japa Chipre, i'niat iniujwape'n.

Hechos 8:40

Felipe yiyet'iyi'iji siojopa ajnat jle' iyo'ate Azoto. Itijwits'i puwa isi'il jilis ti ijioyits'i ti iyo jlamtikie', ti ijwil puwa Sinia' jlamtis, paj ti yiyet'iyisipi jlaja ajnat Cesarea.

Romanos 16:7

Atejwile ja Andrónico jla'yi jlaja Junias, ti ijwienjli atajla'a pet siojona ajnat si'wet pet, ya'yispe ti awak insat jiweje. Napok 'yakajats'i ti iniuyeje napo injlojwajnas, ti je awojli'ijyi ijiusik ink'ieye, ta'ape jla'am ti iyoyisi ni inamtik ti itienkiunisi pa Sijwajieti.