Hechos 20:7 - Sinia' Jlamtis 1994

⁷ Siojokia jloma inkijmaye, anitotiek'i'ne wita'm ti anikijwana ti a'yaki jakia Saka'niona Jlak ti 'Es. Pablo iyo jlamtikie' k'iye japo i'nio', paj ti je k'iejeyeyi'i, paj ti ajnaj kioweja ti je iliyi. 'Yina ti 'yakatate ti iyo jlamtikie', kajeyepa ti iyo ka nek jakayi siukia ti k'iejli mot.

Hechos 20:7 ပူးပေါင်းရင်းမြစ်များ

Marcos 16:9

[Jlampa pajak'i ti yi' kisie'e ti tajli pi a'no', siojopa jloma ti inia'ne jla'a inkijmaye ti ajnaj 'wanjle ajnat'e, María Magdala jleliki japak iniane ti Jesús ini'wenkijna'm, siujlieja ti ijwiejietjimpe ti imose'l yiji ti iniujwank'i kisie'e.

Lucas 22:19

Isimat'iyi'ijyi japa woye, iyoye'eje jinikanitieyija' ti iwine pa Jinia', sekyi'i ti its'isajaja. Iwijna'm japo t'eyasajnas ti iyone'ate: —'Nak 'isie'n ti tekiajla astepe'e ka insisieyi, ti janetia'n. Kiak janiwonayipi, tankiuniepe ijyik'i.

Lucas 24:35

Kiak iyoyet'iyi'ijyi pet siojopo times, ti takajwejlajna'm japo ijia, siupa i'nio' ti yisitk'iye, siu'neje ti jiwekie'aja t'ipi ti itiant'iejesi ti paka Jesús, ti its'isajaja'm japa woye.

Juan 20:1

Siojokia tajlaja'm ti k'iejli mot, ti ajnaj 'wanjle ajnat'e, María Magdala jleliki ijio a'noyi. Ti yiyeyi, siujlieja sisaj tip'onajaja'm jet'i k'iejets'i'nijpe ti totie ts'ijiye.

Juan 20:19

Siukia jloma ti tajlaja'm, ti ajnaj, siupapo t'eyasajnas initaj'ne seka'a yi'i siujlieja 'wuk yiyis kiajwe, ti ip'ionisiamk'i jawa jika 'wuk kiwitawa, ti je ijwiyisink'iye siojopo Judíojos jika anechiyasas. Sekyi'i ti Jesús inikajanitie jikiowe'e japo t'eyasajnas, iyo'ne 'ate: —¡Kamaja!

Juan 20:26

Tijwajyi jakia inkijmaye ijwienjli, yikiajlayi'iji ti initaj kiajwe jlaja 'wuk. Jakayi'ne ti Tomás sekyiye'e. Siojowa 'wuk kiwitawa wikie'eyi ti tip'onajamk'i. Jesús inikajanit 'ne ti takasiti'n jikiowe'e japo. Iyo'ne 'ate ti itijwilayi: —¡Kamaja!

Hechos 16:10

Ti kasts'ajanayi ki iyo ki Pablo jijwejlik, jlam awokiek'i'ni 'ate ti aniwakajlanitie ti jajiok Macedóniaja, lapakawo ti jlam je awoki ti kassetia'n pa Sinia' ka iyok samtikie' ka ijwila niwa jlamtis ti isis.

Hechos 2:42

Ilisanisiji siupa jika'neyasajnaye siojopo injlojwajnas, inik'isajasi siupuwa jikijmatis, yamjliyi ti iyoyis t'ajlayeja', jla'yi ti inikijwanis ti ti'yekiujni'n.

Hechos 2:46

Kiajatak'i'ni puwa jlomas initotk'i'ni wita'm kiajwe japa Sinia' ji'wuk yi'i japa Jerusalén. Ni'ne ti yinisi 'wet'e siuti ti'yekiujni'n inikijwanisie. 'Yina siuti kiak iniwonisi sekyi'i jijweye poye, pakata jla'am ti 'yuyits'i pa 'es ti iyoyisi.

Hechos 20:11

Sekyi'i ti apilieja'aja pijia'm ti alesanaja jakia Saka'niona Jlak ti 'Es, sekyi'i ti atowaja. Atemaja ti Pablo iyoyeyi'ijyi ka iwo jlamtikie', paj ti jloma 'yakajayiji'n jiwekie'eja ti ya'am.

Hechos 20:31

Ká anikiwalinitie. Astaj wunitiek'ipe siukiwa jlomas yam'niji ti najkapis najape ti a'yasap, jloma ajnajpe ti 'eyasanajyi'n, je ts'ome yi'i pa jloma ti ap'ase'm ti awota'ni asosikie'.

Hechos 20:5

Inian'ni'ne sik'ioye japo si'lijwas ti awak kasejkanaja', its'iuyisi'n sik'ioye yi'i jlaja Troas.

Hechos 20:9

Jwemik siojo jle' iyo'ate Eutico yi'iji'n ja 'wuk kiwet jlas tomi pijia'm ti imia'a, ti Pablo itioyi'i ti iyo jlamtikie', paj ti jika ijnieti poye, iniujwen'ne ti taj'l ape'e jlaja 'wuk siujlieja tomi pijia'm. 'Yina 'yal'ne kiaka jwemik masa, ti ti'yenajayi.

Hechos 28:23

Jakiak siojokia jloma ti yitinisi k'iye, ti 'loj japo Judíojos ti ijioyi'ni ja Pablo siupa yi'i. Yapijle'e ti yamtiyi k'iye japo i'nio' kiwa Sinia' jlamtis ti ijwi'il pa Sinia' jika anechijiayas. 'Yiyasane kiwa Sinia' jlamtis kajeyepa ti ijialaskintaja pet ka intant'iejesi pa Jesús, ti yijnapeje pa Moisés jika'neyasajnaye, siu'neje puwa injwejlanawos jilisajnat'ipi.

1 Corintios 10:16

Siuti poyeta jana Saka'niona Jlak ti 'Es, sinikanitieyi awenajayi ni Sinia' ti akimajataja janaka inat jiwe, 'yina siuti a'yakietaja sekyi'i pi Sijwajieti kasjwanjliyik'i, iyo pit pi ji'woyis. Siu'neje ti atowajata jana woye ni siunie ak'isaki'n, nak kasjwanjliyik'i pet ki iyo ni t'isie'n.

1 Corintios 15:10

'Yina lapakawo ti Sinia' ijiate ti sip'elisi'n it'imina ti awo injlojwanik'i'm; 'yina je ka sip'elisine wek, kajeyepa ti ya'm ijiate ti akijme'n. Aka'm ape'e siunapo ijia injlojwajnas, kia'awo akijme'n, 'wanjliyi je yamata ka yama siu'nie awoyi, Sinia' jikap'ijliuskiye naka jla'am ti iyoyi siu'nie awoyi ti akijme'n.

1 Corintios 16:2

Ti jawayeyi siojona i'nio 'wanjlijyi'n, siojona jikajlajyi ti jikimats'iji'n ja'wenakitieyipi pet pa Sinia' ti ja ekiajlayi. Apejlati'n astepe'e ti asa'am, ja'nakayeyi ti ja wakajla ta'a siuka yiktiejna'a ti nak jajiojwi.

2 Timoteo 4:2

'Esiji ka woyi siunie ajloye'a'm, 'esiji ka woyi amtikie' niwa Sinia' jlamtis. Siuti po' jana jloma ti a'wet poyi wata'a, siuti ja laja a'wetayi ejlo'o wek. 'Yina ja inwakal jiwekie'e. Lesaniji siunie jlamtiyi k'iye napo i'nio', 'nakayi ti jan'wenis pet ti ijiate siunie jiwoyi. Wo jlosikie', jalaskine, ke ineyate'e siuti jit'iyasajne'n.

Apocalipsis 1:10

Siojokia jloma ti Saka'niona jika jloma, 'yina siojopa Sinia' jikimet ti 'es ti yi' itipe'e, sekyi'i ti ape'yayeyi siojo jla'lap siupa i'yask'i ti to'm i'niajk'i, 'yina ijiok'i'ni siojo jla'lap iyo, iyo'ate siujlie'e wakiak'iu' ti tipajwukk'i,