Hechos 20:4 - Sinia' Jlamtis 1994

⁴ Siojopo 'yunink'i ja Pablo, japoka Sofater, Pirro jlas Berea jlele, siu'neje ja Aristarco jla'yi ja Segundo ti tajlis Tesalónicaja, Gayo ti tal Dérbeje, jla'yi ja Timoteo, Títico, Trófimo ti tajlis Ásiaja.

Hechos 20:4 ပူးပေါင်းရင်းမြစ်များ

Hechos 14:20

Sinia' jilis nojweje, sekyi'i ti iniyet'ipi pijia'm, yapiliet'ijyi isija'm. Siupa ti jlomayet'ijyi, Pablo jla'yi ja Bernabé yamat'i'nijpe ti tejeyis 'niji yi'i japa isi' jle' iyo'ate Derbe.

Hechos 14:6

Pablo siu'neje ja Bernabé 'yijenayi pi iyonisi, ti t'olanajasi. I'yiltan'ni'ne ti ijioyis 'niji yi'i siupuwa isi'il yiji japak ajnat Licaonia, siojopa Listra siu'neje japa Derbe, siu'neje puwa ijiojwape'n.

Hechos 16:1

Pablo ijioyis 'niji yi'i japa Derbe, siu'neje japa Listra, sek i'winits'i'ne siojo i'nio' jle' iyo'ate Timoteo. Kia'iyo inamtik jiwo, jlet japa Judía ti iyoyi pa inamtik. Sinia' jilis siupapo sekyi'i i'winis jak jwemik ti 'es, 'yijen jlosiki, jak je iyoyiji'ni ja Pablo ti iyo ka ina'asi. Siupapo Judíojos ti 'yijenayi pa iyone ti je Judío pa jinia', it'imina'ne ja Pablo ti iyo ka tejwak'i pa t'isie'n jiwa ja Timoteo, ka ijiatayiji ka Judíoja'.

Hechos 16:6

'Yina ti Sinia' jikimet ti 'es je itiliak'i k'iye ja Pablo siu'neje japo jla'yis ka ijnoyisi jlaja Asia, jak je iyoyiji ti iniuyis 'niji yi'i jlaja Frigia, siu'neje jlaja Galacia.

Hechos 17:1

Pablo jla'yi ja Silas iniuyisk'i jaka 'nayi siojo teje'ni yi'i jlaja isi' jle' iyo'ate Anfípolis, siu'neje jlaja Apolonia, paj ti yiyeyis 'niji yi'i japa Tesalónica, isi' ti wuj. Siupapo Judíojos t'ajla'wet po' japa sekyi'i, yi'i japak isi'.

Hechos 17:13

Siupapo Judíojos Tesalónica jlele ti 'yijenayisi pi iyonisi, ti Pablo iyo jlamtikie' Beréaja, yam'ni'ne ti ijiutisik'iji'n, ti jla'm iyo ka jwesinis papo i'nio' sek yi'i.

Hechos 19:29

Jlampa iyoyets'i'ni papo i'nio' yiji japak isi'. Yamisi'ni ja Gayo siu'neje ja Aristarco, siojopo Pablo jla'yis, ji'wet yi' Macedóniaja, ijioyisi'ne ts'e yi'i'ni papo ti kia'iyo ti initotk'i wita'm.

Hechos 2:9

Siuti atajla 'niji yi'i jana Partia, 'nak awak'i. Siu'neje napo tajle jana Media, Elam kia'iyojliyi. Mesopotamia, Judéaja, siu'neje napo tal Capadóciaja. Siu'neje napo tal Póntojo, siu'neje napo tal Ásiaja.

Hechos 20:16

Kiak iyoyi siukia awoki, kajeyepa ti Pablo je iyo ka pajaja'n Ásiaja, it'imina ti je yam Éfesoje, ti neyat ts'iji Jerusalenne, ti je iyo ka inetiajnati siojokia jloma ti Pentecostés.

Hechos 20:18

Iyone'ne 'ate ti 'nesa'ni: —Mejla'ala ka je 'najanayi siunie awo ti a'yi aska kiowe'e, ti 'nelanjie'e a'nesape Ásiaja. 'Yejne'n ki k'iek'i'ni ti je aleyi ti anoyeje pa Sinia' ni jikijmaye, 'yina ka kia'iwo ka iyo ka initoniti, je'e. Yi'i na jloma ap, kajeyepa ti a'we'en siunie inkajejlasaye ti iyotaja ka wonk'iji napo Judíojos.

Hechos 21:29

Ji'lij kia'iyonisi kajeyepa ti i'winis siojo Éfeso jlele, ja jle' iyo'ate Trófimo, ti jla'yi ja Pablo isija'm, ti ijwil ka Pablo ina'asi'ni ti 'yuyetaja jlaja 'najla'wet.

Hechos 27:2

Akiniek'i 'ne siujlieja kasejkana, siujlieja tajle pet jlaja yajap'ejen'ni jle' iyo'ate Adramitio, ti awak'i ape'e ti iyo kanek ti yapilie'eje 'niji yi'i siojowa yajap'ek'ijin'ni yi' Ásiaja. Jakayi ti sa'yi ja Aristarco, ji'wet yi' Tesalónicaja, siujlieja yiji pet jlaja Macedonia.

Romanos 16:21

Timoteo siu'nie iniuyijk'im'ni itijwi'lase pit. Siu'neje 'napo saka ajnat ijwienjli pet, 'ni sikiecha Lucio, siu'neje 'na Jasón, siu'neje 'na Sosipater, 'napoka ti itijwi'lase pit.

Romanos 16:23

Gayo kia'iyojliyi itijwi'lase pet. A ji'wet'e, inineni'i'ni napo Sinia' jilis ti initotisk'i'ni wita'm. Erasto kia'iyojliyi itijwi'lase, siojo wikiniet'awo yi'i jla'ak isi', siu'neje 'ni sikiecha Cuarto, itijwi'lase pit.

2 Corintios 1:1

Asampey, i'lijwas ti jleyejyi jana isi' Corinto, ti kia'iyo Sinia' jilists'ase'm pet, asam'neje ti jleyejyi jana Acaya, ti Sinia' jika kia'lits'ase'm. Ya'am Pablok'i'm, ti Sijwajieti Jesús jijliujwanikk'i'm, jayo'ate atajla'm siunapo ti ijiatt'iyijpe ti t'eyasajnas, lapakawo ti tajle jla'am pi Sinia' ka kiak iyoyi. Yi'ijiap 'ni sikiecha Timoteo, yam'neje ti 'eti' siu'nie imp'esinik.

2 Corintios 1:19

Kajeyepa ti nakape ti awoki samtikie', japo Silvano siu'neje ja Timoteo, ti awak aska kiowe'e, ajwel ni Sijwajieti Jesús ti Sinia' jlas. 'Yina je naka ni siunie ‘ji'lija itimisiete’, 'yina naka ni siunie Sinia' jlonisik ti iyoyi siunie ijiatk'i.

Efesios 6:21

Po'ala siunie sikiecha Tíquico, ti wuj ti kasts'amaja, jla'yi ti ats'ilkaja ti iniuyeje pa Sinia' ti iyoyi niwa jlamtis. 'Nak janjwe'lase'm siu'nie awo 'ni a'yi, siu'neje ni awo ti akijme'n.

Filipenses 2:19

Ka intaltajanie'e pa Saka'niona Jesús siu'nie, 'yina ka 'wenanie ilia'm ta'a 'ni sikiecha Timoteo ti nak jajliujwi. Sekjane'yi ka wujwana'a ti jats'ajkaj'ni, kajeyepa ti ja ijie'yase siupi jiwoyeyi pit.

Colosenses 4:10

Aristarco, siu'nie iliaye iniuyi wita'm ti awaki jla'a insat jiwe, itijwi'lase pit. Marcos kia'iyojliyi, siojo Bernabé jikilia jlas. 'Yina je int'ayeyiji'n siunie awotaja ka wonayi ni sikiecha, siuti kiak jawo ti jajno'wase 'esiji ka 'yena'yi ilia'm.

Colosenses 4:7

Siojo sikiecha Tíquico ti wuj ti kasts'amaja, ti je tiwonaja jla'am ti ya'yi'ni ti iniuyijk'i'm ti akima ni Saka'niona jikijmaye, jla'am ti jawoye aska'niyeja' ti janjwe'lase siu'nie awoyi ti a pet 'ne.

1 Timoteo 1:1

Ampey isiecha Timoteo, ya'am Pablok'i'm, yam ti ajlo'wase 'ni ip'isinik. Ti Sijwajieti jijliujwanikk'i'm, ka iyot'e 'ate siunie Sinia' ti Sijwajieti jikawo siunie jlame ti je toj'we ti jla'am ti kiak siwoneje siu'neje pa Saka'niona Jesús ti jlam ti sinijijwiye. A'am ti jiwoye 'ate ka yasa'a'm ti tajle ki iyo ni sitienkiujnieye ti 'es ti wuj ti emina. 'Esiji ka Sinia' jla'yi pa Sijwajieti Jesús ti Saka'niona, 'esiji ka inwe'na'm ni siunie 'es, siu'neje ka imp'elisimpe, jla'yi ka inlesa'n.

2 Timoteo 4:12

Jlampet ja Tíquico ajlo' 'niji Éfesojo.

2 Timoteo 4:20

Erasto 'wanjle pet Coríntojo, jlampet ja Trófimo aleyi pet Milétojo, kajeyepa ti a'we'en ti je 'esie'.

Tito 3:12

Siuka nak ijliutiejenie'e 'ni Artemas jane'yi pa, ni'ne ka 'nakaye Tíquico, ke int'o'nina'a. Jlam woni'ni 'ate ka na'am 'yenk'i siunie'e, ti jayi ts'iji yi'i jlaja ajnat Nicópolis, 'yina ti sek awotaja ka yiji ka wi'yitipata.

Filemón 1:24

Kia'iyo 'ni Marcos, Aristarco, Demas, Lucas, napoka ti isijmape'n pa Sinia', itijwi'lase pit.

3 JuanMary Thureson 1:1

Ampey, isiecha ti yiminik Gayo. Ya'am ti kijilk'i'm, ti awo niwa Sinia' jlamtis, i'lij atate'a ti lajk'ipa ka int'emina ti emi'n, ti kasjwanjliyik'i siunie iyo ni ijiatk'i.