Hechos 20:30 - Sinia' Jlamtis 1994

³⁰ 'Wanjliyijna'a ka poye paka ne'yi pa ka inka'neyasajnayeja', siupa ka je ijiatak'i, ti jawojonk'iye ka intoni jlek'i papo Sinia' jilis.

Hechos 20:30 ပူးပေါင်းရင်းမြစ်များ

1 Jn 2:19

Ti talts'e'm japok i'nio', sekyi'i'ne ti 'yakajayi ti je wikie'eyi ka intal siwa'm. Jlam'ne ka ijiatayi ka intal siwa'm, je kia'iyotaja'ni ka intal'ne saka kiowe'e jakayi.

Hechos 11:26

I'win'ne ti yamat'iyijpe ti ijioyi Antioquíaja. Ijwienjli pa najkap ti itij'wisia'm ti yiyisiap papo Sinia' jilis, 'loj papo ini'neyasajne'n. Pakayik'i'ne papo i'nio' yi' Antioquíaja ti 'nelanjie'e iyo jleye papo Sinia' jilis ti iyone 'ate “Sijwajieti jika kia'lis”.

Apocalipsis 2:6

'Yina i'nesi pet siunie ti jiwet'iane naka jikijmaye pet napo t'eyasajnas ni Nicolás siunie iyo, siunie ti kia'awo awet'iane.

2 Juan 1:7

Je jlase' siunapo i'nio' ti iniu ape'e 'ni ajnat ti je ijiat paka injwelis, ka inekisi kanjwelis pi Jesús ti 'nes t'ipi ajnat'e ti iniwojwa'n i'nioye. I'nio' ni kia'iyo, nak i'nio' ti ijiuski'la'n, Sijwajieti jitiejiejwa.

2 Pedro 2:18

Wuj ti initoniti'n jlam jiwek ti je pini' puwa jlamtis, 'yina ti lajk'ipa ka 'esie ka intajle. Wuj ti iliaki napo ijia ti ik'emijietk'i, ti itiojna'm ni siunie je 'es, iyo pit ni jikijmaye ni ts'isie'n siunapo ti k'iejli iyota jlosikis ink'iejyisa', ti i'yiltantak'iye siuniwa iyo pit ni jikijmaye.

1 Timoteo 6:5

Laj jlaja ti tejets'i wita'm, 'yina napoka napo ti initiajnat naka ni jlosik ti 'es, netia'n ki iyo ti 'yijene naka ijiatk'i. Ijwilayis ka ijiatayiji ka 'esieyi ka 'naka siunie kan'yakanisi ti iyoyisi siunie jitienkiujnieye ti 'es.

1 Timoteo 5:13

Ijwienjli yijnap'e niwa 'wukiu'ul ti yamk'i'ni, je iyo ka k'iejliyeyi paka inkima ji'wet'e. Je najata, jla'yi ti jitiej ijiutie papo ijia, ti k'iejliyita pa je lajts'e ini'notieyi pet, je paj ka 'esiek'i paka iwoyi.

Hechos 21:38

¿'Yina amt'e siupa Egipto jlele siupa inilane papo anechiyasas, ti cuatro mil papo tokis inwak jiwos jikawos yi'i japa ajnat laj i'nioye'e?

Mateo 23:15

“¡Aswet'ia japoye asa'am ti Fariséojosts'ase'm, asam'neje ti jiwosts'ase'm pet nak Moisés jika'neyasajnaye! ¡Ijnoski'lanajyi'n! Jikinieye'ni ti jlekiajla'ni ape'e ni ajnat, jla'yi ti jlekiajla'ni ape'e ni i'niat jlajlik'i, ti jiwoyejyi'n napo i'nio'. ¡'Yina asamk'e'm ti ji'wena ni ijwienjli sekyi'i ti nakaye ti jit'iyasanayi ni aske' siunie jiwoyeyi, jak je iyoyi ti jikajlayeta nakaye ti jit'iminayi'iji ti 'yakamata ape'e ni jitis iyo, jlam'ne ka asama ti 'yu'wase'm ka intatajayi naka ni siunie inlaye 'wet ti laj jlaja!

2 Corintios 11:13

'Yina je napoka napo ti ijiateje ti Sijwajieti jijliujwajnas, napoka napo ti je ijiat ka injlojwajnasa'. Iliaki napo i'nio' ni iyo ni jloski'la, jla'm initewitanisisk'i siunapo Sijwajieti jijliujwajnas.