Hechos 20:23 - Sinia' Jlamtis 1994

²³ Najata jla'am ts'ajane pi awone ti siojopa isi' jajioyi iyo jana Sinia' jikimet ti 'es ti ijwilk'i'm ti jajioyi jana insat jiwe, siu'neje pa iwit'ia jawo, ti inijijwijyi'n its'ioye.

Hechos 20:23 ပူးပေါင်းရင်းမြစ်များ

Hechos 9:16

Ja'winkijna'm ti jayama ti jat'imina ti ja wujwa ti janilayiti siunie ja tiwonaja.

1 Tesalonicenses 3:3

'Nakayeyijna'a ja lajak'i pa ka intasit ilia'm siunie tiwonaja ti wuj ti inilayiti siu'neje ti ja ke inleyi pi Saka'niona. 'Yina 'najanayi pi jiwonayi ti sa'am ti Sinia' jilists'e'm, nak atayeje ni jiliaye ti janilayitieje.

Hechos 21:4

Sek kas'wanjle'e'ne, paj ti saka i'nio 'wanjlijyi'n ijwienjliye. Awokieyijyin'ni japo si'lijwas ti Sinia' jilis pet sek ji'wet'e. 'Yina siojopa Sinia' jikimet 'yakajanitia'm pet ka je inwenis ja Pablo kajno Jerusalenne.

Hechos 21:33

Siojo tokis jika anechiyas yamitayi ja Pablo, sekyi'i ti takajlunieyi ka timesiek'i puwa wikijnies ka tilie'nitieje, 'yina i'yasam'ne japo i'nio' ti iyo'ate: —¿Ten siu'nie i'nio'? ¿Tempa jitis iyo?

Hechos 21:11

Ijiots'e yi'i siojo awak'i, isimayi ja Pablo jika'wak ti inits'ejwane jikioye, jisietis, itij'we ti inits'ejwa'n jla'am, sekyi'i iyo'ne 'ate: —Siojona Sinia' jikimet ti 'es iyo'ate ti ijwi'l, siunie jika'wak ni aki'meje, ti kiak ja tiwonaja siuka aniwoniji'ijyi ka netiena'a Jerusalenne. Siunapo Judíojos janekiajle napo i'nio' 'wenayi.

Hechos 14:22

'Yakela papo i'nio' sek ji'wet'e ti iyone'ate: —Je pajna'a ka aleyeyi ti astaj jiwomayi ni Saka'niona, lapakawo ti siunie i'nio' ni iyo ka ijnoyi ni Sinia' jika anechijiayas wuj ti janilayiti, niwa jiwet'iaye ti jajnoyi.

2 Timoteo 2:12

Siuti kia'iyo anokieje siunie iyo ti inilayiti, kiak jawo je ijiat ka je iwiekiap yi'i pi ji'wet ti iyo anechiyasa'. Jlampet ti jayok'iate, “Je sitiant'ieje”, kiak iwoyeyinie'e pet 'ate, “Je sitiant'ieje napoka”.

Hechos 8:29

Sinia' jikimet iyone'ne 'ate: —Maj ka esitk'iye siojona kaleta.

Juan 16:33

“Wikie'eyi siuniwa ajwe'lase'm jant'eminajna'a ka akamankiye atajlayiji ti je sakakiuye. Ja ke jlasiye ni asjlak'ali ape'e 'ni ajnat. 'Yina ke ajlasatayijna'a isia'm siunie jiwoyeyi, 'yina pajk'i ti 'a'n ape'e ki iyo ni yi'i 'ni ajnat.”

Lucas 16:28

ijwienjli sikio' itij'we japo i'niayi ijwienjliyi sekyi'i, japoka'ne japo ka 'esieyiji ka injloye'ni ka 'najanisi pet ti je 'esiji ka 'nak ijnoyits'i, siu'nie ji'wet 'ni inlaye.

Hechos 18:5

Silas jla'yi ja Timoteo 'nes'ni 'ne ti tajlis Macedóniaja, sekyi'i ti Pablo iliyeyi ti isima puwa 'nejes, pajataja jla'am ti 'yu'we ti iyoye'ni jlamtikie', ti ijwil pa Jesús, ti pak Injwajieti ti Sinia' jijliujwanik.

Hechos 20:21

Je sikip'e ti ajwejla'm napo Judíojos siu'neje napo je Judíojos, ti awone 'ate, “Woye asosikis ink'iejyisa', tankiunieyi pa Sinia' jlas Jesús.”

Hechos 20:24

Ejlojli wekie'e, 'yina je awoyi yitinikie' niwaka, kajeyepa ka ikajli wata'a ts'iji ka yitak'i siu'nie yaj jane'yi, siu'nie awo ti akk'i, jla'yi ti aki ni inka'niye ti tajle ni Sinia', siunie Saka'niona Jesús yikialk'i, naka ni Sinia' jikap'ijliuskiye. Wuj ti ts'ajkaj'ni ti kia'iyo.

1 Timoteo 4:1

'Yakajk'i ki iyo jana Sinia' jikimet ti 'es, ts'iji jlomas niwa tome jlaja japoye siunapo janleyi ni inamtik, ja 'wenajliyeyi jlam ti janeki ki iyo niwaka siuniwa imose'l, ti jank'emijietk'i napo, jla'yi ti janeki ki iyo siunie t'eyasajnaye niwaka.