Hechos 20:16 - Sinia' Jlamtis 1994

¹⁶ Kiak iyoyi siukia awoki, kajeyepa ti Pablo je iyo ka pajaja'n Ásiaja, it'imina ti je yam Éfesoje, ti neyat ts'iji Jerusalenne, ti je iyo ka inetiajnati siojokia jloma ti Pentecostés.

Hechos 20:16 ပူးပေါင်းရင်းမြစ်များ

Hechos 12:13

Pedro ipiejam'ni pa 'wuk kiwet ti yiyeyi, siupa tome kisie'e jika'wuyi japa isi'. Siojopa jlosie jle' iyo'ate Rode japak i'ye'n ilia'm, ti itijnistieje ka i'nio' 'wenayeyi pa.

Hechos 16:6

'Yina ti Sinia' jikimet ti 'es je itiliak'i k'iye ja Pablo siu'neje japo jla'yis ka ijnoyisi jlaja Asia, jak je iyoyiji ti iniuyis 'niji yi'i jlaja Frigia, siu'neje jlaja Galacia.

Hechos 18:19

'Yina ti yiyeyis Éfesojo, Pablo inijwele'ni papo ijia jla'yis, siupapo sek 'wanjle'e. Yam'ne pet ti ijio Judíojos t'ajla'wete, ti takamtijniene papo Judíojos sekyi'i.

Hechos 18:21

Iyone'ne 'ate, ti inijwelayi: —Je ijiat ka je ini'wenajna'a, ka Sinia' iwotajanie'e ka ijio'wase. Sekyi'i ti tisiojmayejamk'i, tejeye 'niji Cesaréaja.

Hechos 19:1

Apolos je t'eki pet Coríntojo, jlampa Pablo yama'aja ti ijio Éfesojo, iniu 'niji yi'i japa ajnat tikijnakiyis yi'i. 'Yina sek i'wi'ne papo Sinia' jilis,

Hechos 19:21

Jlampa yama 'niji siupa iyoyisi, Pablo itienkiun'ni ti iyo'ate: —'Estaja ka ijio Macedóniaja, sekjane'yi ka ijioyena'aja Acáyaja, kayoyena'a 'ate 'niji Jerusalenne. Paj ka yiyena'a Rómaja.

Hechos 2:1

Ti yiyet'iyipi siojopa jloma inlakijnieye jle' iyo'ate Pentecostés, wikie'eyi papo i'nio' Sinia' jilis initotisk'i wita'm.

Hechos 20:13

Anana'ni sa'am ti akiniek'i jlaja kasejkana ti ijio 'niji yi'i jlaja isi' jle' iyo'ate Aso, kajeyepa ti Pablo iyo'ate: —Yam ja ke iyina'a kasejkanaja, ka yikta, jla'm ijiat ka ijyilta'ase ts'iji Ásojo, ka yiyena'a pet kasejkanaja, siojopa jawayejyi.

Hechos 20:18

Iyone'ne 'ate ti 'nesa'ni: —Mejla'ala ka je 'najanayi siunie awo ti a'yi aska kiowe'e, ti 'nelanjie'e a'nesape Ásiaja. 'Yejne'n ki k'iek'i'ni ti je aleyi ti anoyeje pa Sinia' ni jikijmaye, 'yina ka kia'iwo ka iyo ka initoniti, je'e. Yi'i na jloma ap, kajeyepa ti a'we'en siunie inkajejlasaye ti iyotaja ka wonk'iji napo Judíojos.

Hechos 20:22

“'Yejne'n, 'nakayi siojona Sinia' jikimet ti 'es 'yijienk'i'm ka ijio Jerusalenne. Siupa iliaye jawo seka'a je ts'ajane.

Hechos 20:4

Siojopo 'yunink'i ja Pablo, japoka Sofater, Pirro jlas Berea jlele, siu'neje ja Aristarco jla'yi ja Segundo ti tajlis Tesalónicaja, Gayo ti tal Dérbeje, jla'yi ja Timoteo, Títico, Trófimo ti tajlis Ásiaja.

Hechos 20:6

Ti yama 'niji siojokia jloma ti inlakijnieye, ti titiuwajata niwa woyejes laj jijlinkitajets'i, akinie'ni 'ne ti atajla Filíposse. Ja ke iyoyiji'ni jlomas ijwienjli sikio' itij'we ti ejejlajayi ts'e Tróasse, sek kas'wanjle'e'ne paj ti saka i'nio 'wanjlijyi'n ijwienjliye ti sek awak'i.

Hechos 21:4

Sek kas'wanjle'e'ne, paj ti saka i'nio 'wanjlijyi'n ijwienjliye. Awokieyijyin'ni japo si'lijwas ti Sinia' jilis pet sek ji'wet'e. 'Yina siojopa Sinia' jikimet 'yakajanitia'm pet ka je inwenis ja Pablo kajno Jerusalenne.

Hechos 24:17

“Siukiwa najkapis yamts'iji, wuj ti askiujni'n ti atejwits'i niwa ajnatis, 'yina pa k'iet'iyik'ipe ti apilie'eje ika ajnate ti ekiajle japo i'lijwas siojokia ijiutis wita'm japo ijia ti iyo 'wajietiye. Sekyi'i ajo 'najla'wet wujwe ti ani'notatiji k'iye pa Sinia', iyo ki Moisés jika'neyasajnaye iyo ka tiwoki, jla'yi ti ekiajle siukia a'we'en pa Sinia'. Lajatak'iyipe papo i'nioye, jla'yi ti lajk'ipa k'iejliyeyi, ti iyo ti kijlami, ti jlam pak iyots'i'ni. 'Yina jlampa iyoyep'ampe 'ate siojopo Judíojos tal Ásiaja si'wenis'ne ti a 'najla'wete. Japoka'ne siojopo ti 'esiji'ne ti nam'ni ka injwelis siupa itiajlatisk'i'm ti tejeyis ijyilia'm.

1 Corintios 16:8

Siuti jayi' Éfesojo, jayamite siojona inlakijnieye Pentecostés, ti ja ke si'wejts'i kiu',