Hechos 2:47 - Sinia' Jlamtis 1994

⁴⁷ Jla'am iyunitisjli pa Sinia', wikie'eyi papo i'nio' ti ijiunit, ti isis. Kiajatak'i'ni puwa jlomas Sinia' jla'm iyomjliyi'iji papo jilis, ti tijwajyi'n.

Hechos 2:47 ပူးပေါင်းရင်းမြစ်များ

Lucas 19:48

Ijialasista pa kanwonisi kanlanis, yamjliyi ti iyoyisijyi'n siupa ka inwonisi ka 'esiejape'n. Lapakawo ti etie ti tamti pa Jesús papo i'nio' wuj ti its'iuyisie.

Lucas 2:52

Ijliasjli'ni pijia'm pa Jesús, kia'iyojliyi ti 'yije'en, jla'yi ti ikanit'ni pa Sinia' siu'neje papo i'nio'.

Hechos 11:21

'Yina Saka'niona jijweye yijap, jak je iyoyiji'ni ka je 'lojwa papo i'nio' iyo jlosikis ink'iejyisa', ti je 'yakakiuyis pa Saka'niona.

Hechos 11:24

Bernabé ijiate jla'am ti itienkiuni pa Sinia', jla'yi ti Sinia' jikimet ti 'es tipoyiji, it'imina ti 'loj papo i'nio' ti isieneje pa Saka'niona.

Hechos 13:48

I'nio' siupapo je Judíojos ipi'yayis ti kia'iyo, wuj ti inkase'n. Iyoyet'iyispe 'ate: —¡Wuj wata'a ti 'es 'ni Saka'niona jlamtik! 'Yina siupapo Sinia' ijniejiet'e japa in'wasankiye ti laj jlaja, papok'ne siupapo iyo jlosikis ink'iejyisa'.

Hechos 14:1

Ti Pablo jla'yi ja Bernabé yiyis Icóniojo, 'yuyisi'ni papo Judíojos ti yiyis kiajwe japa t'ajla'wetis. Iyo'ate ti yiyis Antioquíaja, ti tipe'yakie ti iyoyis jlamtikie', 'loj papo i'nio' iyo jlosikis ink'iejyisa', Judíojos siu'neje papo je Judíojos.

Hechos 14:21

Ti iyoyet'iyispe jlamtikie'e japa Derbe, 'loj papo ininekial ti iniwojwa'n Sinia' jilis ink'iejyisa'. Jlam sek ji'niayisiji yi'i japa Listra, siu'neje japa Iconio, siu'neje japa Antioquía yiji pet japa Pisidia.

Hechos 16:5

Jlam ini'netjliyists'i ape'e siupa jitienkiujnieyejes ti 'es ti iyoyisi, jak je iyoyiji ka je 'lojwa papo i'nio' ti iyoyi pa inamtik, jlomas ti iyomeje'ni.

Hechos 17:12

'Loj papo je 'yakakiuyis, Griégojos 'nijiye ti je 'yakakiuyis, siu'neje papo asejnia ti jle' po' ti tonitie, ayijnies kia'iyojliyi po'.

Hechos 2:39

Asa'am ti askimeta siuniwa ijwi'il ni Sinia', asles kia'iyojliyi jikimet, siu'neje napo i'nio' ji'wetis tose, kayot'itie 'ate siunapo Saka'niona Sinia' iyo ka intane.

Hechos 2:41

Ijiatjliyi siupapo je takakiunisi siupi iyo ti tamti, papok tiniejienajan'ne. Pak siupa jloma ti tres mil papo i'nio' ti t'opiyiji papo Sinia' jilis.

Hechos 4:21

Siupapo anechiyasas, ti ipi'yayis ti kia'iyo, iyoyis'ne 'ate, “Leyeyi siunie jiniwonayi, 'lojwinie'e ka tisiejek'iase'm.” 'Yina je i'winis'ne paka intajlatisie ka je 'esie, it'imina'ne ti inkio' tiliena'ak'i. Kajeyepa ti i'wi'in papo i'nio' ti iyunitis pi Sinia', lapakawo ti i'winis siupa i'nio' ti tijwa'a,

Hechos 4:33

Kat'ajat'iyijpe japo injlojwajnas ti jijweye po' ti iyoyetajas jika'niyeja' pa Jesús ti iniu kisie'e ti tajli pa a'no', jla'yi ti je jlase' pi iyo ti Sinia' iniuyeje.

Hechos 4:4

Je iwit'iane 'loj papo i'nio' siupapo its'iuye siupa ijwi'il, papok je 'yakakiu. Japak tajlap'e siojopa jloma jle' Pentecostés ti po' papo iyo Sinia' jilisa', siupa nojt'ijiampe papok i'nio', ti 'najli papo ayijnies ti 'yakaj, ti tetina cinco mil.

Hechos 6:1

Japak jloma jlampa 'lojwat'ipi papo i'nio' iyoyi pa inamtik. Siupapo tijnats'i pet pa Griego 'lij ti iyo, sek jantaj'le ti iyoyeyi siupi iyo ti iwit'ianayi pa jikijmaye iyone siupapo tijnats'i pet pa Arameo 'lij. Iyoyet'iyispe 'ate: —Je 'esiji siu'napo i'yena ni inak, je ijiate ka 'yenis ilia'm napo ask'ilieki tal pet siwa'm.

Hechos 6:7

Jla'am ijliasjlit'ijimpe puwa Sinia' jlamtis, lapakawo ti tikiniejeje'n ti tijwela. Jlam iyomjliyiji papo ijia i'nio' siupapo iyoyi pi inamtik yiji japa Jerusalén. Je papokata, 'loj 'neje siupapo pa'yijis ti isimits'i ilia'm, 'yaka je takakiunisi.

Hechos 9:31

Jak je iyoyiji'ni 'yakamaja siojopo Sinia' jilis yijits'i wikie'eyi siojowa ajnatis t'ipi Judea, Galilea, Samaria. Jlam yamjlijyi'n puwa Sinia' jlamtis, wuj ti toskiyisie pa Sinia', Sinia' jikimet ti 'es iniuyeje, it'imina'ne ti 'loj papo i'nio' t'opiyiji, ti iniwome.

Hechos 9:35

It'imina'ne ti wikie'eyi siupapo ji'wet jlaja Lida, siu'neje papo ji'wet jlaja Sarón, ti i'winis ti 'es pa i'nio', iyoyis jlosikis ink'iejyisa'.

Romanos 14:18

Jak je iyoyiji siunie i'nio' ti iyoyi niwaka, ti iniuyeje ni Sijwajieti, 'yina 'yakanit'ni ni Sinia', jak je iyoyiji pet siunapo i'nio' iyoyis pet 'ate, “Jla'm ijiate ti 'es.”

Romanos 8:30

Siuti kia'iyo ti iwiakajlanit ta'a ti 'nelanjie'e siunie jawonts'eje, sekyi'i ti tanats'iji. Jak je iyoyiji siuti sa'am ti tants'e kia'iyo kaslesanaja 'neje. Siuti kaslesajne'n, sekyi'i ti iwinats'e'm siunie jiwunitieye ti 'es.

Romanos 9:27

Siupa injwejlanik jiwo Isaías kiak iyo iyot'ipi 'ate ti ijwi'l papo Israel jika kia'lis ti iyo'ate: “'Wanjliyi ka je piniye, ka wo'ate siunie jolo' yiji ni tewuk, 'yina ja 'nak nojwaja'm jiwekie'eja napo janjwa'.

1 Corintios 1:18

Siunapo i'nio' ijioyi ti janetia'n, napoka napo ijwi'il ka laja lajaye siuniwa Sinia' jlamtis ti ijwi'il ni Sijwajieti jiliaye iyo ti yi' ape'e japa cruz. 'Yina jlampet ti sa'am ti atayeje jana sijwajieti, kasts'ajane ti siuniwa Sinia' jlamtis naka jijweye jla'am.