Hechos 2:45 - Sinia' Jlamtis 1994

⁴⁵ Iyot'iyipi pa iwi'in pa jika ajnat, wikie'eyi siupuwa i'wi'in jikijmatis iwin'ni, japak iwijnamk'i siupapo jwajla'a je i'win pet.

Hechos 2:45 ပူးပေါင်းရင်းမြစ်များ

Mateo 19:21

Jesús isiujlie ti iyo'ate: —Siuti jiwojonk'iye ka i'nes, maj wen'ni wikie'eyi siuniwa wask'i'nelaja ji'we'en, wejnamk'i napo p'ijliusis, kajeyepa jane ts'iji poliyi niwa akijmatisie'. Sekyi'i jiwekie'ajana'a ka ana'm ijyik'i.

Lucas 16:9

Jayo'nase 'ate, 'esiji ti jikienayi niwak jikijmatis pet ni ajnat ni je 'es, ja'nakayeyijna'a ti japoye napo asjajnajwasa', 'wanjliyijna'ape ka no'we niwa askijmatis 'ne ajnat'e, 'yina ja 'ajla ask'ioye ts'iji yi'i niwa 'wukiu'ul siuniwa je paj ka netia'n.

Lucas 18:22

Jesús ti ipi'ya ti kia'iyo, sekyi'i iyone'ne 'ate: —Mawat ijwienjli ni netia'n. Wen'ni siuniwa wask'i'nelaja niwa ji'we'en, tej'wena'a siojona ja lajaye ka wenajamna'a napo p'ijliusis, jane ts'ijiye niwa akijmatis poliyi. Ka jla'm ijiatayijna'a ka naj, ka anamana'a ijyik'i.

Lucas 19:8

Sekyi'i pa Zaqueo takasit'ne ti iyonat'iyijpe 'ate pa Jesús: —'Yaka'niona, siu'nie jloma jajyiwitajna'm pet k'iye napo i'nio' p'ijliusis ni k'ie na a'we'en. Jlampet siojona ajale napo ti akajlan kiajwe, janak jayikiajle, ja'yakajmate wat ape'e siuti jajnojlits'i niwa jayikiajle.

Hechos 4:34

Lajk'ipa ka ne'yi paka insetia'n paka k'iejliyeyi, kajeyepa ti iwin'ni puwa jika ajnatis jla'yi puwa ji'wuki'l, siojopa laja

Hechos 4:35

yikiajlisi japo injlojwajnas, ti iwijnamk'i pet siupapo jwajla'a je i'win pet.

2 Corintios 9:1

Jlampet siojona jlotie'ni wita'm ti jiwoyeyi ji'wajieta' pa Sinia' ka 'esieyi pet napoka Sinia' jilis, ijiate lajk'ipa ka i'lija' ka ijwi'lase'm ka yiyiji pet naka,

2 Corintios 9:9

Iyo niwa Sinia' jlamtis ti iyo'ate: “Siunie i'nio' ti ijiate jla'am ti 'es, inka'a siunie iyone napo p'ijliusis ti iyo 'wajieta', 'yina siunie iyo ti tijnajyi laj jlaja.”

1 Jn 3:17

Siuti po'o ni i'nio' jwajla i'wi'in, 'yina i'winata ni jikiecha ti p'ijliusie pet, ka pakayeyi ka inwejna'm pet siupi isitia'n. ¿Tepa janwo kanjwe'el ka Sinia' jlemijnaye nejyi ni jlosik?