Hechos 2:4 - Sinia' Jlamtis 1994

⁴ Sinia' jikimet ti 'es tipoyijits'i, sekyi'i ti ji'lija 'wenayeyi. Lapakawo ka kiak je iwo, ti jlam jla'am siojopa Sinia' jikimet ti 'es ti ji'lij iwijnamk'i, it'imina ti kia'iyo.

Hechos 2:4 ပူးပေါင်းရင်းမြစ်များ

Mateo 10:19

Siuti kiak jawo ti ja inekiajlayi, ke injlak'alayiji'n siupa kawoyeyi ti ja amtiyets'iji'n, siu'neje pa as'lej jawonayi. Sinia' jla'am janwe'nase'm siupa jawoyeyi ti ja amtiyets'iji'n.

Marcos 16:17

Siupapo ja ke inkakiu'n papok in'wenkinana'a pet siuniwa janesi'lietk'i napo i'nio', ti janojwank'i kisie'e siuniwa imose'l yijits'i napo i'nio', lapakawo ti nak jant'emina ni yi'i ti jasetijnape, ji'lija' ja'wenayeyi ti jawoyi.

Lucas 1:15

Kajeyepa ti Sinia' jawojwa'n anechiyasa', ja ke in'yaje pa at'es ja lajak'iyipa siuniwa ti'yakits'i at'esis. Sinia' jikimet ti 'es jampoyiji ti jane tiowiji japa jlet.

Lucas 1:41

Ti Elisabet ipi'yaye jlaja María ti itijwila, siupa kia'le ti'wesiyet'ipi jits'iji japa jlet. Pakayi'ne ti Sinia' jikimet ti 'es tipoyeyiji japa Elisabet,

Lucas 1:67

Siupa jinia' pa kia'le, ti jle' iyo'ate Zacarías, ti Sinia' jikimet ti 'es tipoyet'iyijipi, jlam jla'am japaka ti yamtijie'n ti iyo'ate:

Lucas 12:12

Je ijiate ka je 'najanayi siunie as'lej janojwata'yi, kajeyepa ti janak Sinia' jikimet ti 'es ti janoye'ase'm ti ja i'neyasana.”

Lucas 21:15

'yina ja yama ya'am ti jawi'nase'm ni siunie as'lej jawonayi, siu'neje na 'najankijnieye, 'nakayeyijna'a siunapo astajiejwas ja ke into'ma aselia'm, 'wenajliyijna'a ti ja injwel ka inkiuj'liase'm, 'yina ja ke injlana'ni.

Lucas 4:1

Jesús, Sinia' jikimet ti 'es tipoyiji, ti 'nesat'ipi ti tajle ja tewuk Jordán. Jlam jla'am japa Sinia' jikimet ti 'es ti yame ti ijioyi siupa ajnat laj i'nioye'e.

Juan 14:26

Lapajawo ti japoye janak Sinia' jikimet ti 'es, ti asp'ot, ti Inia' janjlo'wase ti ja setijnape. Janoye'ase'm ka astaj wujwak'i wikie'eyi siuniwa awo'nase, siu'neje ti janaka ti ja'neyasana.

Juan 20:22

Sekyi'i Jesús ipiejwuye ape'e japo, ti iyo'ate: —Kima'yi ilia'm siujlie'e Sinia' jikimet ti 'es.

Hechos 1:5

Ijiate ja Juan ti i'niat ja iniejiejni japo, 'yina ka pajata wata'a kiak ja ke iwo ti asa'am, ja inajienajyi jana Inia' jikimet ti 'es.

Hechos 1:8

Siuti jane'yase jana Inia' jikimet ti 'es ka tekiajla'asenie'e ni asjweye, ka sek atajlaye'ena'a ka kinieye'inna'a ti jawoye asamtikie' ti ja sijwela'. Ka joyenie'e Jerusalenne, ja tejwayena'a siuniwa ajnatis yiji jana Judea, siu'neje jana Samaria, wikie'eyi siuniwa isi'il tose ti yi' ape'e 'ni ajnat.

Hechos 10:46

jla'yi ti ipi'yayis ti ji'lija 'wenayi siupuwa iyoyi, jla'yi ti iyunitis pa Sinia'.

Hechos 10:47

Ti Pedro ipi'yayet'ipi, sekyi'i iyo'ne 'ate: —Ajwel'ni 'esiji ka tiniejienaja'n, 'yina ti Sinia' jikimet ti 'es yiyits'i, iyo'ate awoki.

Hechos 11:15

Ti 'nelanjie'e amti'yi, 'yina Sinia' jikimet ti 'es tisa'yi ape'e, iyo'ate ti 'nelanjie'e yiyets'ipi pet.

Hechos 11:24

Bernabé ijiate jla'am ti itienkiuni pa Sinia', jla'yi ti Sinia' jikimet ti 'es tipoyiji, it'imina ti 'loj papo i'nio' ti isieneje pa Saka'niona.

Hechos 13:52

'Yina wuj ti jikanitieyi po' jla'yi japa Sinia' jikimet ti 'es tipoyiji papo Sinia' jilis.

Hechos 13:9

Sekyi'i ja Saulo, jle' 'neje ti iyo'ate Pablo, ti Sinia' jikimet ti 'es tipoyiji, i'yejne'n 'ne pa aye'wu,

Hechos 15:8

'Yina Sinia', ti itiant'ieje 'niwa inkiojwa'l, i'winki'n ti inka'a ti jlamis, kajeyepa ti iwijna'm jana Sinia' jikimet ti 'es, iyoye'ate iyo ti iwints'e'm.

Hechos 19:6

Ti Pablo jikio' yinak'i ape'e, Sinia' jikimet ti 'es yi'ne ape'e ti jlamis, jlamtis 'wenayi papo i'nio', sekyi'i ti iyoyeyis jika'niyeja' siupa iyo japa Sinia' jikimet ti ijwijla'm.

Hechos 2:11

'Yina siu'neje napo ti ijiate ti Judíojose, siu'neje napo jlam iniwojwa'n jiwekie'aja Judíojosa'. Po' napo ijia tajla'm jana Creta, siu'neje napo tal Arábiaja. ¡Ji'wena', 'yejne'n, si'lij 'wenayeta lapakawo ti anipe'yaki 'yakaj iyo ki si'lij ti ijwilis siuniwa iyo ni Sinia' ti wuj ti isis!

Hechos 2:3

Sekyi'i ti 'yakaja t'ipi siupuwa jwat jla'al 'yiniye puwa impajnatis ti ijwienjlijamk'i ape'e papo i'nio'.

Hechos 4:31

'Yina ti itimayisi ti iyo t'ajlayeja', ti'wesiyet'ipi siojopa 'wuk ininenisi kiajwe. Sekyi'i Sinia' jikimet ti 'es tipoyijits'i, jak je iyoyiji'ni ka ijnots'iniji'n ti ijwilayis puwa Sinia' jlamtis.

Hechos 4:8

Pedro Sinia' jikimet ti 'es tipoyiji, isiujlie'ne papo ti iyo'ate: —Asa'am ti jika anechiyasts'ase'm napo i'nio', jla'yi ti kijilasts'ase'm:

Hechos 6:3

Jak je iyoyiji'ni, 'napo i'lijwas, 'esiji ka ani'yenanie'e, 'yenayijyi'n papo ijwien sikio' itij'we times tom'niji ka akima'yi, ka jlosikis poye, jwajla'a janwoyits'i'ni, jla'yi ti ja Sinia' jikimet ti 'es jampoyijits'i. Papok ajotkinayijna'a ka jikijmayeja'.

Hechos 6:5

'Yina inikiul'ne papo i'nio'. I'nio' pa jle' iyo 'ate Esteban pak isimits'i, i'nio' ti 'es, ti yame pa inamtik ti iyo, jla'yi ti Sinia' jikimet ti 'es tipoyiji. Siojopo jla'yis jleyis iyo'ate Felipe, Prócoro, Nicanor, Timón, Parmenas, siu'neje ja Nicolás Antioquía jlele siojo ti pajk'i ti iniwojwa'n Judíoja'.

Hechos 6:8

Esteban jla'am wuj ti Sinia' iniuyeje, jla'yi ti iyo jweyeja', it'imina ti 'yakajli siupa iyo ti i'winki'n siupuwa k'iejliyi ti yisi'lietk'i papo i'nio', siu'neje puwa inia'an k'iye siupuwa ja'nakaj ts'ijiye.

Hechos 7:55

'Yina Esteban Sinia' jikimet ti 'es tipoyiji pet, i'yenat'ipi poliyi, sekyi'i i'wine pa jloniye iyo ti 'es, i'wine pa Jesús ti takasiti'n jijweyeje pa Sinia'.

Hechos 8:17

Pedro jla'yi ja Juan ti jikioye yinak'i ape'e, jiwekie'eja t'ipi ti Sinia' jikimet yiyits'i.

Hechos 9:17

Ijiatjliyi Ananías yam'ne ti ijioyi ja Saulo siupa yi'i. Yiyi ti 'yuyeyi, sekyi'i jikio' yina ape'e ti iyone'ate: —Isiecha Saulo, Saka'niona Jesús, siunie ini'wenki'na'm ti jleji na a'nayi ti jlalasta ka ata'yi ilia'm, sijliu'wa 'nakajanena'a ka ekiajle ka 'wejne'n, jla'yi ti Sinia' jikimet ti 'es jampo'a.

Romanos 15:13

'Esiji ka Sinia' siunie ti iyo sinijijwiyeja' ka imponit'i aswa'am siunie asnikanitieyi, siu'neje ni askamankiye, lapakawo ti naka jla'am siunie astankiujnieye ti 'es, ja 'nakayeyi ti siojona Sinia' jikimet ti 'es ti jijweye po', ja'nets'akanit ni asnejejwijiyeja'.

1 Corintios 12:10

Janaka 'neje ti tajle ti po' siunie ti 'yijene pi iyone ti ilisane siupa ti je kia'iyo ka ti'wena'ni; siu'neje na ti iyoyi jika'niyejayi napo i'nio', siunie tiwenaja'm; siu'neje ti po' siunie ti itiant'ieje siunie ti ijiate ti Sinia' jikimet, siu'neje niwa imose'l jikijmatis pet. Siu'neje ti po' ni 'yijene siuniwa inamtis ti 'wenayi; siu'neje na ti ipi'ya siuniwa inamtis je ti'niejenaja, sekyi'i ijwilik'iji'n.

1 Corintios 13:1

'Wanjliyi ka ts'ajane siuniwa ji'lija' napoka ti 'wena 'lij, siu'neje pi ji'lij napo injlojwajnas poli jlele, siuti laj yimijnayeja' iyoye'ate siunie wikinie ti kijlami, jlam jla'lap jiwekie'e.

1 Corintios 13:8

Siunie inemijnaye ja ke paja jla'am ka ino'we. Jlampet siunapo ti ijwile pijia'm siunie iyo jana Sinia' jikimet ja jlaj japoye; kia'iyojliyi siuniwa inamtis ti je tipe'yak, kia'iyojliyi siuniwa tajle ni Sinia' ti po' ni i'nio' ti 'yije'en.

1 Corintios 14:18

Inikanitieyi ekiajle pi Sinia' ti ya'm ijiate wek ya'am ti aka'm astepe'e ti amtiyi siuniwa inamtis ti je tipe'yak, ti iwink'i'm pet janaka Sinia' jikimet.

1 Corintios 14:5

Ijiate ti sitilia'ase'm kanta aswa'm siuniwa inamtis ti 'wenayi ti je tipe'yak ti tajle janak Sinia' jikimet. 'Yina siuti ya'am awotaja ka askijmaye kiak iwo naka siunie jikijmaye iyo ni i'nio' ti yameje'n pet siunie iyo janaka Sinia' jikimet. Siu'neje ni i'nio' ti jikijmaye kia'iyo ti ijwil pet siunie iyo janaka Sinia' jikimet jla'm ijiate wek jla'am ti 'yaka'm ape'e siunie ti itieja'm pet siuniwa inamtis ti je tipe'yak, siuti lajk'ipa ka injwelk'i siupi iyo, ka 'esieyi pet napo ijia siupa jlosik.

Efesios 3:19

siu'neje ka intant'iejayi ti ijiate ti 'yaka'm ape'e siunie ti ajwela ka kasts'ajajne'n. 'Yina ti kiak jawo, ja inkajana'a ti jampo'ase pi Sinia'.

Efesios 5:18

Ká anijnomitiejyi'n siuti ji'yayetaje ni siunie at'es, jlam'ne naka ti ikajyi'n napo i'nio'. Ja 'wenajliyi jla'am ti siojona Sinia' jikimet ti 'es jantejwijyi'n ni asosik.

Efesios 6:18

Je paj ka leyeyi ti jawoyeyi ni asts'ajlaye. Nip'elisine ni Sinia', jlomas niwa ajnajas ti janip'elisinayi, 'yina 'yaka po' janaka Sinia' jikimet ti 'es ti janoye'ase'm. Ni'netiejyi'n, ka ekiajlayisia'm siunie jiwoyeyi, ti jit'iejlana'ni wikie'eyi siunapo Sinia' jilis pet.

1 Pedro 1:12

'Yina siupa ti iyoyisi jlamtikie', Sinia' ijwijla'm ti je jlamis ka ijna'yi, 'wenajlit'iyijpe ti asa'am ti tijna'yase'm ka insisieyi. 'Yina 'naka'ne siu'nie tijwela'ase ni Sinia' jika'niye ti 'es, ti iyot'iyisijpe jlamtikie' papoka ti Sinia' jikimet ti 'es jijweye yijap, ti tal poliyi. ¡Niwaka'ne siunapo injlojwajnas poli jlele ijialasista pet kan'wenis!

2 Pedro 1:21

Tepa jawo ka kiak je iwo ti siupa injwejlanik jiwo je jla'am ka jlamtisie' siupuwa ijwile pijia'm ti ijwijla'm papo i'nio', 'wenajliyi ti Sinia' tajle siupi iyo. Sinia' jikimet ti 'es japaka ti iyo ji'lijaye papo injwejlanawos t'ipi.