Hechos 2:38 - Sinia' Jlamtis 1994

³⁸ Pedro isiujlie papo ti iyo'ate: —Woye asosikis ink'iejyisa', janwopi pa ka ijiatayi, pak tiniejienajape, ti janetijnapeje ni Sijwajieti Jesús jle', ja 'nakayeyijna'a ka Sinia' inetiajnat niwa askeyis iyo. Sekjane'yi ka wena'asemna'a jana Sinia' jikimet ti 'es.

Hechos 2:38 ပူးပေါင်းရင်းမြစ်များ

Mateo 28:19

'Yina maye'ni, joyek'i'ni napo i'nio' yi' ape'e 'ni ajnat ka wo ika kia'lisa' pet. Najienajyi'n, najiene ni Inia' jle', jla'yi ni Jlas jle', siu'neje jana Inia' jikimet jle'.

Mateo 3:2

—¡Woye asosik ink'ieye, siunie Sinia' jika anechijiayas je pa tojwa ilia'm!

Mateo 3:6

ti ininekiajlisi'n jla'yi ti tiniejienaja'n seka'a yi'i pa tewuk.

Mateo 4:17

Pak siupa jloma iyoyeyi kawo jika'niyeja', ti iyo'ate: —¡Woye ajosikis ink'iejyisa', je pa tojwa' ilia'm ni jika anechijiayas ni Inia'!

Marcos 1:15

Ti iyo'ate: “Yiyi jla'a jloma, siunie Sinia' jika anechijiayas je to'ilia'm. ¡Woye asosikis ink'iejyisa'! ¡Apilieyi ni Sinia', kima'yi ilia'm siu'nie jika'niye ti 'es, ká akakiuye!”

Marcos 16:16

Siupa ja ke inkakiu'n paka ja tiniejienajape, pak janjwayepe, jlam pet siupa ti jankakiu'n, jitis japoye pet.

Lucas 24:47

Sekyi'i ji'lij iwijna'm pet napo jika kia'lis ka wo jika'niyejayi napo ijia ka wone'ate, “Woye asosikis ink'iejyisa', 'nakayeyijna'a ti Sinia' jamp'elisina', ka je intajlat'ase'm ni aske'.” 'Yina iyo jla'am niwa Sinia' jlamtis ka tiniajnata napo Jerusalén jlele ka tiwok jika'niyeja' yiji 'niwaka, 'yina paj ka ineyeyinie'e siunapo i'nio' yijits'i wikie'eyi niwa ajnatis.

Lucas 3:10

Sekyi'i papo i'nio' i'yasisin'ne pa Juan ti iyo'ate: —¿Tepat'e janiwonaja?

Hechos 10:43

Pajt'ik'ipe ta'a papo jijwejlanawos ti ijwilis ja Jesús, ti iyo'ate, “I'nio' pa ja ke inkakiu, pak ja ke titiajlatajayijpe siupa jitis iyo.””

Hechos 10:48

Takajlunie'ne ka tiniejienaja'n, ka teyinaja pa Saka'niona Jesús jle' ti Sijwajieti. Itimisi ti ijialaskinayisi ja Pedro ka 'nak inojwaja'm puwa jlomas ka sek 'wanjliye'e kiu'.

Hechos 13:38

It'imina, 'napo i'lijwas, ajwe'lase'm ti Jesús jijweye po' ka inetiajnat niwa inkeyis, 'yina ka lajak'i ti jla'am it'imina ti akajli ti awo yamtikie'ase.

Hechos 16:15

Tiniejiena'ne, kiak iyojliyi japo ji'wet jlele. Inip'elisints'i ti kas salas'ni ti iyo'ate: —Siuti ja ijiatayi ti si'wena' ti awoyi ni inamtik, naja'ni 'eji'nase'm ka ijiok i'wite, sek 'wanjliye'yi kiunie'e. Je kaswen'ne.

Hechos 17:30

Ti pajk'i pa Sinia' yine'ate papo i'nio' siupa iniwonisi, 'yaka je wuj kan'ye'en. 'Nakayi je kia'iyo, 'wenajliyi ti iyo ka iwo jlosikis ink'iejyisa', wikie'eyi napo i'nio' yi' ape'e 'ni ajnat.

Hechos 20:21

Je sikip'e ti ajwejla'm napo Judíojos siu'neje napo je Judíojos, ti awone 'ate, “Woye asosikis ink'iejyisa', tankiunieyi pa Sinia' jlas Jesús.”

Hechos 22:16

Nisiamaja'ni, ká anijwatanitna'a; ninajie'n nineyine pa Saka'niona, kanlej niwa ajoski'la iyo.

Hechos 26:18

'Nakayeyijna'a ka 'yiniyijna'a ka 'ajlinitiamk'i niwa jitiete siunie iyo ti yiji na ajnatiok, sekjane'yi ka neyeyisinie'e pet na jloma; jla'yi ti janleyisi ka ineyis kiajwe ni imosik jijweye iyo, 'wenajlitieje jla'am ka neyis kiajwe pa Sinia'; 'nakayijna'a ka initiajnat niwa jikeyis, siu'neje ka ji'niayi poye ka ijnojwa'm siunapo isis Sinia' jilis, ka tiwoktana'a ji'wajietiye, lapakawo ti nakaye jla'am ti jant'emina ti ja ke sakakiuyis”.

Hechos 26:20

Jak je iyoyiji'ni ta'a'ne ti anajnate siojopo yi' Damáscojo, ti ajoyi ti awo yamtikie', sekyi'i ti atojmatayik'i siojopo yi' Jerusalenne, ti ajoyi. 'Wanjli'ne isia'm napo i'nio' yiji jana Judea, siu'neje napo i'nio' 'wenayi ti je Judíojosata. Jak je iyoyiji ti ayetaja, a'yasa ape'e ti awo'ate, “Woye asosikis ink'iejyisa'. Apilieyi pa Sinia'. 'Wenkinayipe pa akijmayeja' ka in'wenaja ka ijiatayi ti jiwoye asosikis ink'iejyisa'”.

Hechos 3:19

“Ji'yu, 'napo i'lijwas, woye asosikis ink'iejyisa'. Ataj ekiajlayi pi Sinia', 'nakayeyijna'a ka inetiajnat niwa askeyis, janjloyena'ase ni askamankiye ti 'es.

Hechos 5:31

'Yina ti jla'am pa Sinia' ti isi'me, ti iyojwa'n anechiyasa' ti wuj, yijne'n jijweyeje, jla'yi ti iyojwa'n Injwajietiwoye, Israel jlele ja 'esieye siuti janwoyis jlosikis ink'iejyisa', sekjane'yi ka Sinia' inetiajnatana'a k'iye niwa jikeyis iyo.

Hechos 8:12

Je 'esiji ti poye pet siupa iyo ti je takakiunisi siojo Felipe iyoyi jika'niyeja' pa Sinia' jika anechijiayas iyo siu'neje pa Sijwajieti Jsús, 'yina tiniejienajan'ne, asejnia kia'iyojliyi wikie'eyi.

Hechos 8:20

Pedro isiujlie ti iyo'ate: —¡Alaye janoj wita'm jana aka wikiniet'aj ti janetia'n! ¡'Yina siunie akiowe jiwone, ti jiwota ka aki siunie Sinia' iyo ji'wajieta'!

Romanos 6:3

Inkiwaliyet'i'yi ti siuti ani'nopijietajayiji pit pi Sijwajieti Jesús ti aninajienajape, siliaye iniuk'i wita'm ti ajoki pet ni jiliaye iyo ti tiliana.

Efesios 1:7

Jla'am pi Sijwajieti ti initojmat sitipe'e 'yina ti iyo kajwieye it'imina ti tisa'ni ki ji'woyis, sekyi'i ti initiajnata kiwa sakeyis. ¡Ijiate ti je jlase' ni jikap'ijliuskiye ni Sinia'!

Tito 3:5

sekyi'i kasjwajieten'ne. Je ka pakaye kat'emina ka iyoki pi k'iejliyi ka sikijmayeja' ka wujwa ka 'esie ti kasjwajiete'n, 'wenajliyi jla'am siunie ti jikap'ijliuskiye po', naka'ne ti kasts'esi. Sekyi'i ti kasleja ki iyo niwa sakeyis, sekyi'i ti ekiajlayi'iji ni awoki siunie iyo ti 'nelanjie'e atajlaja'm jana set. Jlampet siojona Sinia' jikimet ti 'es janaka pet ti iwints'e'm ni si'wasankiye ti ink'ie'.

1 Pedro 3:21

Paka i'niat t'ipi, pak ti'yenajap pet ni i'nio' ti tiniejiena, naka'ne ti it'imina ti jijwaye 'nakayi. Siunie ti tiniejienapa je ka inlej niwa 'najwes, 'najata ti t'ajlajaje pi Sinia' siunie ijnosik ti ink'ie' ti 'najleje'n. Siu'neje ti kasjwajiet pa Sinia' ti kasts'isisi pi Saka'niona Jesús ti iniu kisie'e ti tajli pi a'no',