Hechos 2:30 - Sinia' Jlamtis 1994

³⁰ David injwejlanik jiwojimpe, it'imina ti 'yijene ta'a pi iyone siupi jitieyiji, kajeyepa ti Sinia' ijwijla'm ti iyo'ate, “Jayone anechiyasa' pa janjwanjli napo ales ti jantal aswa'am.”

Hechos 2:30 ပူးပေါင်းရင်းမြစ်များ

Mateo 22:43

Sekyi'i Jesús iyo'ne 'ate: —Tepa jawo ka kiak je iwo, ¿tepi iyo pa David, ti Sinia' jikimet initataja'm, sekyi'i ti yamtijiena ti iyo'ate, “'Yaka'niona”? Niwak jlamtis ti iyo'ate:

Mateo 27:35

Jlampa yinayis pijia'm ti its'iejwatits'i jlaja cruz, sekyi'i ti tiliakinits'i ape'e ki ji'wu', ti inik'isajayisi.

Marcos 12:36

Siupa David, siojopa Sinia' jikimet initataja'm ti yamtijie'n ti iyoye 'ate: “Saka'niona iyone 'ate ni Ika'niona, Wejen 'niji ijwiyeje, 'yina je ijiate ka je yinna'a akiajwe napo atajiejwas ti ja 'ask'i'ni.”

Lucas 24:44

Ti itimat'iyijpe sekyi'i iyonat'iyijpe 'ate: —Siukia awo 'neye, ki tiwonak'i, siuniwa ajwe'lasem'ne ta'a ti je atal aska kiowe'e, ti awo'ate, “Janeyi siojona jloma ti ja'nakaj siunie iyo ti sijwe'el ni Moisés jika'neyasajnaye, siu'neje niwa yi'i pet niwa jilisajna' t'ipi pet papo injwejlanawos, jla'yi ti yi'i niwa sálmojos.”

Hechos 1:16

—I'lijwas, lapakawo ti yiyi jana jloma tenat'iyipi, Sinia' jikimet ti 'es iyont'iyijipi pa David ti ijwi'il pet, ti yi'i ni ji'wet, ti ijwi'il kia Judas masa. Kiak sa'yitape, ti iniutiejeje ja Jesús kawo jlamtikie' niwa Sinia' jlamtis. 'Yina je pajtaja ti iyoyeyi siunie iyo, ti iniank'iye japo i'nio' ti isimisie'e ja Jesús.

Romanos 1:3

'Yina je 'wena paka injwe'el, naka jlas Sijwajieti Jesús ni Saka'niona, siunie ti je istiejenit ti kia'iyo i'nio', naka ti je 'wena papo ka intajle, tajla'm papok David jilis ti tomik'i pijia'm. Jlampet siunie ti 'yakajanit'i ape'e ti jla'am ti Sinia' jlas, naka pet ti Sinia' jikimet yijap, siu'neje ti iniu kisie'e ti tajli ki a'no', je lajk'i 'ni iyo ni Sinia' jijweye ti je jlase'.

Romanos 15:12

Isaías kiakjini iyopi'iji pet: “Ja'nes siunie Isaí jilis siunapo tomik'i pijia'm jika kia'le, ti jawo anechiyasa' k'iye napoka i'nio' ti je Judíojos, jla'yi ti pak jant'emina ti japoye siupa jinijijwiye.”

2 Timoteo 2:8

Ataj enayijpe 'ate ti Sijwajieti Jesús iniu kisie'e ti tajli pi a'no', jla'yi ti jla'am ti tajla'm papo David jilist'ipi. 'Naka'ne siu'nie ti awoyi'ni yamtikie',

Hebreos 1:1

Ti pajk'i, Sinia' je ijwienjliyiji ka ji'lij je inwenatajam'ni papo sitise'l t'ipi, ti ijliuyi'ni papo jijwejlanawos. Po' japa jloma ti 'wena iyone ti ji'lij iwijna'm.

Hebreos 3:7

Jak je iyoyiji ka je iwoyi 'ate siojona Sinia' jikimet ti 'es ti yi'i niwa inamtis t'ipi: “Ka pe'yayeyi 'nakayi pa Sinia' siupa jawo,

Hebreos 4:7

Paj ti ji'lij iwinats'e ti sa'am, jlampa je piniye niwa najkapis yam'nijiye, iyo niwa David jilisajna' siuniwa ajwe'ejle ti awo'ate: “Siu'nie jloma ti jape'yaye ni Sinia' siunie jawo, 'yina ká at'onitie'yi k'iye.” Siuti iyo'ate “Siu'nie jloma”, janaka siojona jloma ti jla'am ti tipayiji jloma ti ink'ie'.

Hebreos 6:17

Naka ti a'wena ti siunapo ja jikimita janak siojona Sinia' ijwijla'm, lapakawo ti iyo ka 'nakajanitiame ti ijiatk'i siunie iyoyi, 'yina je pajna'a ka iwats'ilati siunie iyo ka woyi ti ijwi'il. Tempi it'imina ti jlam jla'am ti yapi'li ti kiak iniwone ti isime ni jle' ti ji'lij iliyi.

Hebreos 7:21

'yina jlampet pi Jesús je kia'iyo. Jla'am Sinia' ji'lij iliyijap siupa jawoyi, jak je iyoyi ke inwone 'ate: “I'lij aleyi ajap, 'yina ja ke pajana'a ka iwiets'ilati siu'nie jayoyi. Jajok'i'ni ti ja pa'yija'a'm.”

2 Pedro 1:21

Tepa jawo ka kiak je iwo ti siupa injwejlanik jiwo je jla'am ka jlamtisie' siupuwa ijwile pijia'm ti ijwijla'm papo i'nio', 'wenajliyi ti Sinia' tajle siupi iyo. Sinia' jikimet ti 'es japaka ti iyo ji'lijaye papo injwejlanawos t'ipi.

Apocalipsis 17:14

'Yina papoka'ne ti janilanisi ni 'wolepo 'woma. Siunie 'wolepo' ji'woma, siu'neje napo je iliyi ni Sinia' jla'yi ti pajk'i ta'a ti isi'mik'i, siu'neje ti tanits'i, kantojmatayisijna'a isia'm papoka. Lapakawo ti siunie 'wolepo 'woma naka ti yi' ape'e papoka inka'nionas, siu'neje papo anechiyasas, kia'iyo jika anechiyasis pet.”

Apocalipsis 19:16

Po' niwa inamtis yi'i ja ji'wu', yi'neje ts'e jlekijna'a jawa ijia, ti iyo'ate, JIKA ANECHIYAS NAPO ANECHIYASAS SIU'NEJE JIKA'NIONA NAPO INKA'NIONAS.