Hechos 2:23 - Sinia' Jlamtis 1994

²³ Je woyejliyi ti tekiajlaja'ase, kajeyepa ti pajk'i ta'a jlam pa Sinia' ti itime siupi janwone; siupi jiwonayi ti jik'iejwata'yi japa cruz ti jiliana', ti jijliuyeyeje papo i'nio' siupapo lajk'iyi paka woyi, ti je isis.

Hechos 2:23 ပူးပေါင်းရင်းမြစ်များ

Mateo 20:19

Janekiajlayinie'e napok Roma jlele ti janlakiyis siunie janwonisi, ti jank'ajas'ni, siu'neje ti jank'iejwatits'i jana cruz. 'Yina jloma janajapeja janapi pijia'm ti jantajli ni a'no'.

Mateo 26:24

Siunie I'nio' Jlas janejiam'ne siunie jawo ti janilayiti siunie ja jiliayeja' ti ja tiliana, iyo jla'am niwa inamtis t'ipi. 'Yina ¡jap'ijliusieja' nak siunie ti janwe'en, kajeyepa ti jitis japoye! ¡'Est'itiejepi ka laja ape'e 'ni ajnat!

Mateo 27:35

Jlampa yinayis pijia'm ti its'iejwatits'i jlaja cruz, sekyi'i ti tiliakinits'i ape'e ki ji'wu', ti inik'isajayisi.

Marcos 15:24

Ijiatjliyi yinayits'i pijia'm jlaja cruz. 'Yina siojopo tokis ti iyo ka inik'isajasi kiwa ji'wuye tiliakinis'ne ape'e jak je iyoyi ti siojopo ijyiwiteje japok inijwankitamk'i'ne.

Lucas 22:22

Siunie I'nio' Jlas janejia'm ni siunie ja jijliak'aliye, siunie Sinia' ijniejiet'e ti 'nelanjie'e. 'Yina awo'ate, ¡ja wujwa wat ti ja p'ijliusieja' ni i'nio' ni janekial ni jiwet'ia jawo pet!

Lucas 22:37

'Yina jajwi'lase'm ti je 'esiji ka je kiak iyo, ti janeyi janak jloma ti tenat'ijyipi its'ioye, ti iyo'ate niwa inamtis ti yiji ni ji'wet, “Iliaye iniuyi wita'm siunapo i'nio' inkeyis jiliajnis.” Wikie'eyi niwa inlesajna' ti sijwe'el ti jane wita'm 'nakayi.

Lucas 23:33

Ti yiyeyisi siupa ajnat jle' iyo'ate Ijnetik Jleli 'Wet, sek tena'a'ne pa Jesús ti tik'iejwata'a japa cruz, tijwanaja'a siupapo times kajlajnatas. Titiujmataja 'niji jijweye pa ijwienjli, jikiecha pa titiujmataja ji'lieme pa Jesús.

Lucas 24:20

Siunapo pa'yijis jika anechiyasas siu'neje napo saka anechiyasas jlam ti iwinis ka tiliana, it'imina'ne ti tik'iejwata'a jana cruz.

Juan 19:18

Sek tena'a ti tik'iejwata'a jlaja cruz, tijwanaja'a siojopo times, ijwienjli ja titiujmataja ji'lieme ijwienjli 'neje siojo titiujmataja jijweyeje.

Juan 19:24

iyoyis'ne 'ate ti initajlatayisi: —Je 'esiji ka iyok jijwala', jla'am ijiate jla'am ka iliakijnie ape'e, jajnewite pi jajnewite pak jikimitayijijna'a. Sekyi'i ti yiye kisie'e siuniwa inamtis t'ipi ti iyo'ate: “Inik'isajasi kiwa ji'wuye, tiliakinits'i ape'e siukia ji'wu' tatijla wek jikiusk'i.” Kiak siukia iniwonisi japo tokis.

Hechos 13:27

Siupapo i'nio' ji'wet japa Jerusalén, siu'neje papo anechiyasas sekyi'i, je po' japa jlomaye ka intant'ieje pa Saka'niona Jesús, ti Injwajieti. 'Wanjliyi jlomasata ti ipi'yayis siupuwa injwejlanawost'ipi jlamtis ti yiyetaja siojopa jloma i'nio 'wanjlijyi'n, ti yiyis 'wuk kiajwe. 'Yina ti yinayits'i pa jitis pa Jesús, pakayi ti yiyeyi siupa k'ie' siupapo injwejlanawos ti ijwi'il.

Hechos 15:18

Kia'iyo siuniwa jlamtis pa Saka'niona, jla'am ti 'yakajanit niwaka wask'i'nelaja ti 'nelanjie'e.”

Hechos 2:36

“It'imina ti asa'am Israel jlele'ase'm, 'esiji ka 'najanayi, siunie Jesús ti jik'iejwata'yijpe jana cruz, Sinia' iyojwa'n anechiyasa', jla'yi ti jijliujwanik ti Injwajieti.”

Hechos 3:18

'Yina Sinia' yame siupa iyont'iyijipi papo jijwejlanawos, ti ijwijla'm puwa jlamtis ti iyo'ate, “Ja'nes ni Injwajieti ti Sinia' janjlo', jlam wuj ti janilayiti ti ja tiliana.”

Hechos 4:28

Ijiatjliyi 'yina siupa jiwoyet'iyipi kawo, siu'niwa jlomas 'nak yiyi, ti iyo napo i'nio', siunie ti a'm jiwakajlanit t'ipi.

Hechos 5:28

—Je awenata'asempe ka woye jleye pa Jesús, jla'yi ti jit'iyasajnayi napo i'nio'. ¿Ten na siunie jiwoyeyi? Siunie jiwoyeyi jit'iyasanayi napo i'nio' itijwi'ni jana Jerusalén, siu'neje ti jlotkints'e ti jijwela' ka sama ka liana siupa i'nio' jijwela'.

Hechos 5:30

Sitise'l Jiniajimpe pet paka'ne pinitia iniujwa'n kisie'e ti tajli pa a'no', siupa ti jlena pijia'm ape'e japa cruz, ti jilianayepe ja Jesús.

Hechos 7:52

¿Tepa yi'i papo injwejlanawos t'ipi aska kijilas je iyo wet'iaye? Lajk'iyi pa ka nayisi'i kiapo injwejlanawos ti ilianisi'n, siupapo inianta k'iye siupa ijiate ti 'es. Jlajmiliet ti 'nesa, jlekiajlaye, sekyi'i ti jilianaye.

Romanos 2:12

Siupapo i'nio' je Judíojos siunie Moisés jika'neyasajnaye je yijap, 'yina ti iyoyisi siunie jloski'la, 'yina paj ka netianana'a wek ti ja ke inejiap kiak Sinia' jikajluniet. Jlampet siunapo Judíojos ti yijap kiak inka'neyasajnaye, 'yina ti iyoyi siunie jloski'la, Sinia' jankiene ni inka'neyasajnaye ti jankajanit sek jane'yi jane'ne ni jitis.

Romanos 4:17

iyo niwa inamtis ti iyo'ate, “Jayoyi jiniaye'a'm siunapo i'nio' ti je pini' yiyits'i niwa ajnatis.” 'Yina naka Sinia' ti Abraham je 'yakakiu, siunie ti i'wiesankiti'n napo i'nio mases, jla'yi ti 'yakajanit niwak wask'i'nelaja ti je yi kisie'e.

1 Tesalonicenses 2:15

Napok Judíojos ti takajlunt'iyijpe pi Saka'niona Jesús ka tiliana, iyot'iyipi jla'am papo kijilas t'ipi ti iliajnen'ni papo injwejlanawos, je 'wena papo ka kassot'ni napoka. Siuti kia'iyo, 'yina wuj ti ijwisi'n pi Sinia', jla'yi ti je ijwienjli paka inta'yi ilia'm, wikie'eyi ti teje'yi ilia'm.

1 Pedro 1:20

Lapakawo ti Sinia' pajk'i ta'a ti itime ti kiak iyone ti 'nelanjie'e je ilisanjliyi'ijyi ni ajnat, yi' jlajayi niwa jlomas ti jiwekie'eja ti i'winki'n naka'ne ti insisieyi.

1 Pedro 2:8

“Janaka siojona sisaj ti ja ke piniye siunapo ti jant'as kiajwe ja'nopijietk'i isia'm.” Siuti kiak jawo, ti jant'opik'i isia'm, 'yina lapakawo ti jlamayis jla'am ti je its'iuyisie niwa Sinia' jlamtis; lapakawo ti jlam titiejietajape ti 'nelanjie'e.

Judas 1:4

Kajeyepa ti po' siunapo i'nio' ijiuski'lajne'n ti ini'not'i aswa'm ti yi' aska kiowe'e, 'yiniye ka ijiatayiji ka intaj'l aswa'm, lapakawo ti inip'o'nase wek. Sekyi'i ti ijwila ka ijiatayiji ka ineki siunie jikap'ijliuskiye ni Sinia', 'yina nak isienayi siuniwa ti iyo ni siuniwa itiliaja ka iwoyi siuniwa je isis. Ijiate ti 'yakajanitk'i ti 'yakakiu pi Sijwajieti Jesús, ti jla'am ti ijwienjli ti saka anechiyas. Napoka siunapo i'nio' ijwilt'ipi siuniwa inamtis ti isis, ti 'yaka ti jajnoyi ni siunie jiwet'ia napo ti netiajne'n.

Apocalipsis 13:8

'Yina siunapo i'nio' yi' ape'e 'ni ajnat siunapo jleyis je yi'i naka imp'esinik, jip'esinik ni i'nio' 'wolepo 'woma siunie ti tilianape, ja wikie'eyeyi ti janwunitis jaka pinitiok. Naka ni siunie imp'esinik ti jleyis yi'i napoka ti pajk'i ti yiyi janak ji'wasankiye ti t'o'n, pakayi ti 'nelanjie'e Sinia' ilisanayi ni wask'i'nelaja.