Hechos 2:22 - Sinia' Jlamtis 1994

²² Pedro yinat'iyi ape'e ti iyo'ate: —'Yina k'iuyek'imna'a ti asa'am ti Israel jlele'ase'm, siunie jayo ti jayamti, ti jajwi'il siunie Jesús Nazaret jlele. 'Najanayi ti jlam ti lajk'ipa ka k'iejliyeyi paka Sinia' iwet'ianaja'm, 'yaka ji'wena' ni iyo ti ilisane niwak siuniwa isis tajle pa Sinia', ti kaskelit ti a'wena, siu'neje niwa a'wena ti a'tisk'iji'n.

Hechos 2:22 ပူးပေါင်းရင်းမြစ်များ

Mateo 12:28

Siuti janak akiene ti anojwatk'i kisie'e niwa imose'l jana Sinia' jikimet ti 'es, janak 'yakajanit pet siunie jika anechijiayas pa Inia' pajk'i ti yi' aska kiowe'e.

Mateo 2:23

Ti 'nesat'ipi yamitayi japa Nazaret, japak'ne ti iyo 'weta. Pakayi ti yiyeyi japak jloma siupi iyot'iyipi papo Sinia' jijwejlanawos ti kiak ja tiwonaja'ni 'ate Nazareno.

Mateo 9:8

Jlam jnots'inayijits'i'ni papo i'nio' ti i'winayis. Sekyi'i iyunitis'ne pa Sinia', siunie ti jlam ti iwijna'm pa yi'i pa ka kiak iwoyi ka lesane 'ate iyo niwaka.

Lucas 11:20

'Yaka naka jla'am ni Sinia' jijweye ti akiene ti anojwank'i kisie'e, je int'ayeyiji'n pet ti 'nets'ase ni jika anechijiayas ni Sinia'.

Lucas 18:37

Tijwelajam'ne ti iyo'ate: —Namisk'i ni Jesús, Nazaret jlele.

Lucas 24:18

Iyo'ne 'ate siojo jle' iyo'ate Cleofas ti isiujlie: —¿Amkatat'e ti jlejyi jana Jerusalén ti je 'najane pa ka wone siukia iyo ki po'?

Juan 1:45

Felipe yam'ne ti ijioyi ja Natanael, yiyi ti iyonayi 'ate: —A'wena siojo ijwilt'ipi ta'a siupa Moisés siu'neje papo injwejlanawos siupuwa 'yit'iyijpe. Je 'wena pa i'nio' ka jikiechaye naka Jesús, José jlas, Nazaret jlele.

Juan 10:37

'Yejne'n, siuti ja ke 'yakajli ka ilisane siuniwa Inia' ilisane, ká ak'iuyek'i'm.

Juan 11:47

Sekyi'i'ne siojopo Fariséojos initotiek'i wita'm, siu'neje japo pa'yijis jika anechiyasas, siu'neje japo ijnosikis jiwos. Initotis'ne wita'm, ti iyoyits'i 'ate: —¿Tepat'e jayonaja? 'Nak siu'nie, je jlase' siuniwa a'wena ti iyo ti i'winki'n.

Juan 15:24

Lajtak'iyi pa ka jitis iwo, ka lajak'iyi pet pa ka ilisane jikiowe'e ti jlamis, ki iyo siunie a'wenki'n, ti lajk'i pa ka kia'iwo, ni awoyi. 'Yina i'winisieta niwaka, yamjliyi ki iyo ti ne'wajask'i'm, jla'yi ti ne'wajasi ni Inia'.

Juan 19:19

Pilato takajlunie'ne ka tilisanaja siukiwa inamtis ka tena'a jlaja jika cruz ka iwo'ate, “JESÚS TI NAZARET JLELE, JUDÍOJOS JIKA ANECHIYAS”.

Juan 3:2

Jakajimpe ti ijioyi ja Jesús ti ajnaj. Sekyi'i iyone'ne 'ate: —Inka'neyasajnawo, je kast'ayiji'n ti am ti inka'neyasajnawo'wa'm ti jitiajle pi Sinia'. Ijiate lajk'ipa ka inkajli ka inlesane iyo siuniwa ji'wenki'n siuti ja Sinia' ja ke inejiap.

Juan 4:48

Jesús isiujlie ti iyo'ate: —Siuti je 'wena niwa wask'i'nelaja ka ti'wenkina'ase'm, siu'neje niwa ti inesi'lieta, jikakiunieyi.

Juan 5:36

'Yina po' 'neje siunie jwamjla'a ti 'yaka'm ape'e ja Juan ti sijwe'el: 'naka siu'nie awo. Siunie awo ti Inia' ijliuyijk'i'm, naka'ne ti 'yakajanit ti sijliu' ni Inia'.

Juan 6:14

Iyone'ne 'ate japo i'nio' ti i'winayis siukia iyo ki i'winki'n: —Ijiatp'aneje ti 'naka 'ni tijwela'nijpe, siupa injwejlanik jiwo ti ja'nes ajnat'e.

Juan 6:27

Ke injwesiejayiji'n ka akimajyi'n ape'e siunie asak ti je t'o'n, jlam ijiate jla'am siunie je netia'n ka paja, siu'neje ti iwi'nase'm jana a'wasankiye ti laj jlaja. Nak siunie inak ti I'nio' Jlas janwe'nase'm, lapakawo ti Sinia' jlam ti ijniejiet'e.

Juan 7:31

Je pini'ne japo ti je 'yakakiuyis, iyoyis'ne 'ate: —Siuka 'nest'inie'e pi Injwajieti ti Sinia' jijliujwanik, ¿jot'e ka kia'iwo, ni'ne ka inkamna'a ape'e siunie iyo niwa i'winki'n?

Juan 9:33

Siut'itie ka je intal Siniayi, ka je inkajlataja ka inlesane siunie iyo.

Hechos 13:16

Pablo takasitiet'ipi, jikio' yejayi ape'e papo i'nio' ka ink'iuyits'i 'ate, sekyi'i 'esieje'n ti tamti, ti iyo'ate: —Israel jika kia'lis, siu'neje japo je ilijyi ti iyunit pa Sinia', k'iuyek'i'm ti jayamti.

Hechos 14:27

Ti 'nesat'i'nijpe, tanat'iyipi papo i'nio' Sinia' jilis ti initotisk'i wita'm ti ijwijla'm wikie'eyi siupuwa Sinia' iyone, jla'yi ti iyo 'niayija papo i'nio' je Judíojos, ka kia'iwo ka intankiunisi pet pa Sinia'.

Hechos 2:19

Ja'winkina siuniwa ja'nakaj poliyi ti jankelitk'i napo i'nio', jla'yi siuniwa ja'nakaj pet 'ne ajnat'e ti a'tisk'iji'n, 'woyis siu'neje ni jwat, ja ke jlasiye ni tosieja.

Hechos 2:43

Wikie'eyi papo i'nio' jnots'ijnits'i siupa iyo japo injlojwajnas, ti je yi'i japa ka jlomaye ka ti'wena siupuwa iyo ti a'tisk'iji'n, siu'neje puwa ti inia'an k'iye siupuwa ja'nakaj.

Hechos 21:28

'Yina tanayi japo i'nio' ti iyo'ate: —¡Israel jika kia'lis, joniemet, noyeyits'e'm! ¡Siu'nie i'nio' yamk'i'ni napo ti 'yiyasane siuniwa wask'i'nelaja ti teje selia'm ti Judíojosts'e'm, teje'yi ilia'm ni Moisés jika'neyasajnaye, siu'neje jana 'najla'wet! ¡Je najata, siu'neje ni iyo ti iliaki jana 'najla'wet, ti jla'yis'ni napo i'nio' je Judíojos ti 'yuyisietaja kiajwe!

Hechos 22:8

“Awo'ne 'ate ti akiujlieyi, “'Yaka anechiyas, ¿te'na'm?” Siojo ina'lap ti pesieje iyo'ne 'ate, “Ya'am, Jesús Nazaret jlelek'i'm, siunie jitie'yi ilia'm.”

Hechos 24:5

A'wena siu'nie i'nio' ti itiejietk'i wita'm napo Judíojos, ti ijioyetaja japa yi'i isi', it'imina'aja napo Judíojos ti po' na jijliak'aliyis. 'Nak iniajnen'ni k'iye siunapo i'nio' Nazarénojos.

Hechos 26:26

Yi 'ne 'na anechiyas Agripa, siu'nie 'yijene pi iyonk'i, siuniwa ajwe'el, it'imina ti je sots'i'n ape'e ti ajwe'el. Je iyo'ate ka je 'nakaj siunie Sinia' iyo ti ilisane, iyo niwa i'wi'in na anechiyas.

Hechos 26:9

“Ajwelp'ampe ka 'esie siukia awoyi ti ata'yi ilia'm siojopo je 'yakakiu pa Jesús Nazaret jlele, siu'neje ti iyoyis jleye.

Hechos 3:12

Pedro, ti i'wina papo ti 'yakapajle, iyone'ne 'ate: —Israel jlele, ¿yot'iyi'ni ti kas'yen'ni? ¿Jijwelt'e ka sama ka ijwiejieta siu'nie i'nio'? ¿Ent'a jijwela' ka sijweye poye, ni'ne ka nakaye ti je aleki ti awunitie pa Sinia', ka nakaye ka int'emina ka injwa'a?

Hechos 3:6

Pedro iyone'ne 'ate: —Wikiniet'aj je a'wen pet. Siu'nie a'we'en jawi'na'm. Naka ni tajle ni jijweye pi Jesús jle', Nazaret jlele: ¡Kasit, askiujni'n!

Hechos 4:10

jajwi'lase'm ja 'najanayi, jla'yi napo Israel jlele. Siunie i'nio' yi 'ne ti ji'wena', lajk'ipa jikiechaye ka 'esieyi ka injwajiet, Jesús Nazaret jlele jle' i'mienit, ti jijweye po'. Naka siunie jik'iejwata'yijpe jana cruz, jlomas 'nak nojwaja'm Sinia' iniujwa'n kisie'e ti tajle ni a'no'.

Hechos 5:35

Sekyi'i ti iyonat'iyijpe 'ate papo jijniujliejwas: —'Napo i'lijwas Israel jlele, siupa jijwelata ka wonayi siu'napo i'nio', joskiyeyijna'a.

Hechos 6:14

Ape'yakpe ti ijwi'il pa Jesús Nazaret jlele je ijiat ka je inetiajnate'n siujlie'e ji'wuk pa Sinia', jla'yi ti janetiajnat siunie iyo pet ni Moisés jika'neyasajnaye, ti ja ink'ieye siupa janwone.

2 Corintios 12:12

Kajeyepa siukia isijmaye ti ijiate ti anilayiti ti awoyi, siukiwa ti tenajapi pi k'iejliyi, siu'neje niwa ti inesi'lietak'i ti ji'wenayeta, niwak sakajanit ti ya'am ti ijiate wek ti injlojwanikk'i'm.