Hechos 2:2 - Sinia' Jlamtis 1994

² 'Yakelitk'i papo i'nio' siupi iyo pi ipi'yayis ti tal poliyi iyo'ate na jlajwu ti wujwi pi jla'lap iyo. Itijwayiji'n kiajwe japa 'wuk siupi yiyits'i.

Hechos 2:2 ပူးပေါင်းရင်းမြစ်များ

Lucas 2:13

Sekyi'i ti 'yakajat'ijyi siupapo injlojwajnas poli jlele ijia ti 'loj. Jnots'inayijits'i'ni papo sontas jiwos ti i'winayisi papok injlojwajnas poli jlele, ti takasitis ape'e pi jikiecha, ti iyunitis pa Sinia', ti iyo'ate:

Juan 3:8

Siunie jlajwu ti yejwutataje tajli pi tajli, 'wanjliyi tipe'yakietak'i'ni lapawo ti je ti'niejenaja siupi tajliyi siu'neje pi ijiojwi. 'Yina kiak iyo'ni siunapo ti k'iejli yik'iji'n ti tajle pet jana Sinia' jikimet.

Hechos 2:3

Sekyi'i ti 'yakaja t'ipi siupuwa jwat jla'al 'yiniye puwa impajnatis ti ijwienjlijamk'i ape'e papo i'nio'.

Hechos 2:6

I'nio' ijios ti ipi'yayet'iyisipi siupi iyo ti pesieje. Istieyeyi'i'ni paka jitienkiujnieye iwonisi kajeyepa ti ipi'ya papo i'nio' ti iyo siupi ji'lijis pet.

Hechos 4:31

'Yina ti itimayisi ti iyo t'ajlayeja', ti'wesiyet'ipi siojopa 'wuk ininenisi kiajwe. Sekyi'i Sinia' jikimet ti 'es tipoyijits'i, jak je iyoyiji'ni ka ijnots'iniji'n ti ijwilayis puwa Sinia' jlamtis.

1 Pedro 1:12

'Yina siupa ti iyoyisi jlamtikie', Sinia' ijwijla'm ti je jlamis ka ijna'yi, 'wenajlit'iyijpe ti asa'am ti tijna'yase'm ka insisieyi. 'Yina 'naka'ne siu'nie tijwela'ase ni Sinia' jika'niye ti 'es, ti iyot'iyisijpe jlamtikie' papoka ti Sinia' jikimet ti 'es jijweye yijap, ti tal poliyi. ¡Niwaka'ne siunapo injlojwajnas poli jlele ijialasista pet kan'wenis!