Hechos 2:10 - Sinia' Jlamtis 1994

¹⁰ Frigia jlele, Panfilia jlele, siu'neje Egipto jlele, siu'neje napo tajlits'i siuniwa iniujwape'n pet jana Libia, ti je tojwape'n jana Cirene. Po'neje napo tal 'niji Rómaja.

Hechos 2:10 ပူးပေါင်းရင်းမြစ်များ

Mateo 2:15

Sek je tajlits'i paj ti 'yalat'ipi pa Herodes. Tepa jawo ka kiak je iwo ti kiak iyo kiwa Sinia' jlamtis ti ijwijla'm papo jijwejlanawos, ti yiyet'iyipi japak siojopa jloma tenaja, ti iyo'ate, “Ane ni yas ti yi' Egíptojo.”

Mateo 23:15

“¡Aswet'ia japoye asa'am ti Fariséojosts'ase'm, asam'neje ti jiwosts'ase'm pet nak Moisés jika'neyasajnaye! ¡Ijnoski'lanajyi'n! Jikinieye'ni ti jlekiajla'ni ape'e ni ajnat, jla'yi ti jlekiajla'ni ape'e ni i'niat jlajlik'i, ti jiwoyejyi'n napo i'nio'. ¡'Yina asamk'e'm ti ji'wena ni ijwienjli sekyi'i ti nakaye ti jit'iyasanayi ni aske' siunie jiwoyeyi, jak je iyoyi ti jikajlayeta nakaye ti jit'iminayi'iji ti 'yakamata ape'e ni jitis iyo, jlam'ne ka asama ti 'yu'wase'm ka intatajayi naka ni siunie inlaye 'wet ti laj jlaja!

Mateo 27:32

Jlampa yama'ni ti yamisk'i, 'nayiji sek isiutieyisi'i ni i'nio', siojo jle' iyo'ate Simón, Cirene jlele. Jaka'ne ti its'iuyeje ti itijlia jlajak Jesús jika cruz, kajeyepa ti tijliukieje.

Marcos 15:21

Yit'i'yipe siojo 'nayiji ti isiutieyisi siojo i'nio' jle' iyo'ate Simón, Cirene jlele, Alejandro siu'neje pa Rufo jiniayis, ti k'iejli yapitie tal 'lajna'm, 'yina tokis t'as'ne k'iye ti ijliuye ka ink'iuyeje jlaja jika cruz ja Jesús ka intejlia.

Hechos 11:20

'Yina po' pet siupapo tal Chípreje, siu'neje papo tal Ciréneje, ti tijnayits'i pet jlaja isi' Antioquía, ti iyoyis jlamtikieyi siupapo je Judíojos ti ijwi'il pa Jesús ti Saka'niona.

Hechos 13:1

Sinia' jilis ti yiji jlaja Antioquía po' japo Sinia' jijwejlanawos yiji, siu'neje japo inka'neyasajnawos. Japokajimpe japo Bernabé siu'neje ja Simón, siojo tiwonat'iyi'nijpe 'ate “Isiojwats'i”, siu'neje ja Cirene jlele Lucio, jla'yi ja Manaén, (jijniujliejwa pa Herodes ti iyo kia'lisa', siupa iyo anechiyasa'a jlaja Galilea), siu'neje ja Saulo.

Hechos 13:13

Paj ti yamat'i'nijne ja Pablo siu'neje japo jla'yis, ti tajlayisia'm japa Pafos, ti tejeyis 'niji yi'i japa isi' jle' iyo'ate Perge, ti yiyis kasejkanaja, yiji pet siojopa ajnat Panfilia. 'Yina Juan Marcos ilik'i japo Pablo, sekyi'i yapi 'niji Jerusalenne.

Hechos 13:43

Ti pajlatat'ik'ipe kisie'e siupapo i'nio' nak nojwaja'm papo Judíojos, siu'neje pa jike' iyonisi papo Judíojos, yamisk'i ja Pablo siu'neje ja Bernabé. Sekyi'i japo Pablo iyonisi'ne 'ate ti ijliuyisie'ni: —Ká akakiunieyi siunie Sinia' jikap'ijliuskiye ti yi'nase'm. Ni'netie, ataj ká alana'yi ti jiwoyeyi.

Hechos 14:24

Ti yamat'iyis'nijpe, iniuyet'iyispe 'niji yi'i japa ajnat jle' iyo'ate Pisidia.

Hechos 15:38

'yina Pablo je itiliak'i ti kia'iyo, lapakawo ti i'wi'in ti yiyis Panfíliaja ti Marcos tajla, ti iliyi seka'a pa jikijmaye.

Hechos 16:6

'Yina ti Sinia' jikimet ti 'es je itiliak'i k'iye ja Pablo siu'neje japo jla'yis ka ijnoyisi jlaja Asia, jak je iyoyiji ti iniuyis 'niji yi'i jlaja Frigia, siu'neje jlaja Galacia.

Hechos 17:21

Tepa jawo ka kiak je iwoyisi ti, pakata jla'am ti iyoyisi, papoka Atenas jlele, siu'neje papo jlam pak talk'i'ni, ti its'iuyisijyin'ni ka ink'ieye paka inka'neyasajnayeja' paka impe'yayis, jla'yi ka ink'ieye paka injwelis papo i'nio'.

Hechos 18:2

Sek i'wi'ne'ne siojo i'nio' Judío jle' iyo'ate Aquila, Ponto jlele, ti 'nesayis'ni. Je pajk'i pet ti 'nes'ni ti tajlis 'niji yi'i jlaja Italia, jla'yiki jlaja jik'iemjla Priscila. Pakayi ti Claudio anechiyas ti wuj Roma jlele ji'lij ka wikie'eyeyi papo Judíojos ka nek'ni. Japoka siojopo Pablo ijioyi.

Hechos 18:23

Jlampa paja'ni seka'a, ti yikiajlayi'iji ti ijioyits'i papo ti ijwienjli tajlap'e, ti iniuyeje papo Sinia' jilis ti 'yakela, siupapo yi'i Galáciaja, siu'neje papo yi'i Frígiaja.

Hechos 2:11

'Yina siu'neje napo ti ijiate ti Judíojose, siu'neje napo jlam iniwojwa'n jiwekie'aja Judíojosa'. Po' napo ijia tajla'm jana Creta, siu'neje napo tal Arábiaja. ¡Ji'wena', 'yejne'n, si'lij 'wenayeta lapakawo ti anipe'yaki 'yakaj iyo ki si'lij ti ijwilis siuniwa iyo ni Sinia' ti wuj ti isis!

Hechos 23:11

Ajnaj ti Saka'niona ini'wenkinat'ijiampe ja Pablo, ti iyone'ate: —Pablo, jwajla'a paka wo. Wone'ate ti 'nak jle'yi 'ne yi'i jla'a Jerusalén ti sijwe'el, ka atiejna'a Rómaja.

Hechos 27:5

Sekyi'i ti alk'ataja'm ja i'niat lajlik'i, anewajla'a siojowa ajnatis jleyis iyo'ate Cilicia siu'neje jlaja Panfilia, awakieyi jlaja isi' jle' iyo'ate Mira, yiji jlaja ajnat Licia.

Hechos 28:15

Jlamp'an 'ne pajp'ank'i ti t'ijiets'e japo si'lijwas Sinia' jilis ti ja'nisa'ni, namat'ipi selia'm ts'e yi'i jlaja Foro de Apio, awaki jlaja In'ya'a Ji'wet Najape'eje'n, sek ani'wenajayi'iji napo ijia. Pablo, ti i'wina japoka si'lijwas, iyoye jinikanitiejayi pa Sinia', sekyi'i ti jijweye poye'eje.

Hechos 6:5

'Yina inikiul'ne papo i'nio'. I'nio' pa jle' iyo 'ate Esteban pak isimits'i, i'nio' ti 'es, ti yame pa inamtik ti iyo, jla'yi ti Sinia' jikimet ti 'es tipoyiji. Siojopo jla'yis jleyis iyo'ate Felipe, Prócoro, Nicanor, Timón, Parmenas, siu'neje ja Nicolás Antioquía jlele siojo ti pajk'i ti iniwojwa'n Judíoja'.

Hechos 6:9

Siupapo Judíojos t'ajla'wet jle' iyo'ate “Inkipijnaspe T'ajla'wet”, papok siupapo iniewiti pa Esteban. Cirene jlele, Alejandría jlele, ijia papo tajle siupuwa ajnatis Cilicia, jla'yi japa Asia.

Romanos 1:15

Tempi it'imina ni awoyi ti siwa'asitieyi'ni ti awo ka yikiji'n ka yamtiyi ask'ioye pet ti jleye Rómaja, nak Sinia' jika'niye ti 'es.

2 Timoteo 1:17

Jak je iyoyiji ti yiyepe Rómaja, ka kia'iwo ka ji'wetjliyeyi'n'ni ti siwojyi'ni 'yina paj ti ijyiwitak'ipi.

Apocalipsis 11:8

'Yina napok i'nio' mases janoyik'iji'n ts'e yi'i niwa jika'wulis jana isi' wuj, tenat'iyi'ipe kia jika anechiyasis ti tik'iejwata'a pijia'm japa cruz. 'Yina yikial pijia'm janak isi' siuniwa jleyis t'ipi pet niwak isi'il Sodoma siu'neje jana Egipto.