Hechos 18:5 - Sinia' Jlamtis 1994

⁵ Silas jla'yi ja Timoteo 'nes'ni 'ne ti tajlis Macedóniaja, sekyi'i ti Pablo iliyeyi ti isima puwa 'nejes, pajataja jla'am ti 'yu'we ti iyoye'ni jlamtikie', ti ijwil pa Jesús, ti pak Injwajieti ti Sinia' jijliujwanik.

Hechos 18:5 ပူးပေါင်းရင်းမြစ်များ

Lucas 12:50

Ka pajatana'a jayiyi siunie ti ja ijiatayi ti ja ke 'esie, 'naka 'ni siu'nie silia'an, jla'yi ti akjliyi.

Lucas 16:28

ijwienjli sikio' itij'we japo i'niayi ijwienjliyi sekyi'i, japoka'ne japo ka 'esieyiji ka injloye'ni ka 'najanisi pet ti je 'esiji ka 'nak ijnoyits'i, siu'nie ji'wet 'ni inlaye.

Juan 1:41

ta'a ti ya'am ti ijioyi ja ji'yini, yiyi ti iyonayi 'ate: —A'wena siojo Injwajieti ti Sinia' Jijliujwanik, yits'e.

Juan 10:24

Judíojos nojwayisiji ja Jesús ti iyonisi 'ate: —¿Tepat'iyi ka anijwelts'e'm ka ama siupi Injwajieti ti Sinia' jijliujwanik? Jlam woni'ni 'ate: nijwelts'e'm.

Juan 15:27

'Yina asam'neje ti ja sijwela', lapakawo ti jleye ta'a ijiap ti 'nelanjie'e.

Juan 3:28

Asam'ne ti sipe'yaye ti awo'ate, “Je ya'am siunie Injwajieti Sinia' jijliujwanik, 'wenajliyi pet siunie isijmaye ti tiwenak'i'm ka niank'iye.”

Hechos 10:42

Iyotaja ka iyok saka'niyejayi napo i'nio' yi' ape'e 'ni ajnat, ti jla'am ti Sinia' isi'me ka i'ye'en siupapo pajk'i ti 'yalt'ijimpe, siu'neje napo 'wasajne'n.

Hechos 15:22

Ti itimayi ja Santiago ti tamti, siojopo injlojwajnas siu'neje japo i'nio' jle' po', wikie'eyi japo Sinia' jilis, iyoyet'iyisipi ka inkimits'i japo ti i'yejni'ni siojopo yiji, ka iwoyis jla'yija ja Pablo, jla'yi ja Bernabé, ti ijioyis 'niji yi'i jlaja Antioquía. Isimits'i'ne ja Judas, siukia jle' kiecha iyo'ate Barsabás, siu'neje ja Silas, times napoka ti wuj ti ijia jitiej iyoma.

Hechos 16:1

Pablo ijioyis 'niji yi'i japa Derbe, siu'neje japa Listra, sek i'winits'i'ne siojo i'nio' jle' iyo'ate Timoteo. Kia'iyo inamtik jiwo, jlet japa Judía ti iyoyi pa inamtik. Sinia' jilis siupapo sekyi'i i'winis jak jwemik ti 'es, 'yijen jlosiki, jak je iyoyiji'ni ja Pablo ti iyo ka ina'asi. Siupapo Judíojos ti 'yijenayi pa iyone ti je Judío pa jinia', it'imina'ne ja Pablo ti iyo ka tejwak'i pa t'isie'n jiwa ja Timoteo, ka ijiatayiji ka Judíoja'.

Hechos 16:12

'Yina sek atajla'a ti ajokie 'niji yi'i jlaja Filipos, isi' ti Románojos wuj ti ijiunitis, kajeyepa ti Roma jlele papok yiji jlajak ajnat. Sek kas'wanjliye'e paj ti jlomas 'nak nojwaja'm ti sek awak'i.

Hechos 16:9

Ti ajnaja Pablo jijwejlik poye, i'wi'in pa Macedonia jlele ti takasiti'n ape'e ti iyone'ate, ti inip'elisini ti ijialas'ni: —Ká akamna'a sitipe'e ti awak Macedóniaja, noyijts'e'm wata'a.

Hechos 18:28

Wuj ti ini'net ti teje'yi ilia'm papo Judíojos, jak je iyoyiji'ni ti je ikakiuyis, lapakawo ti tajle niwa Sinia' jlamtis 'yakajanit'i ape'e pa Jesús, ti pak Injwajieti ti Sinia' jijliujwanik ajnat'e.

Hechos 2:36

“It'imina ti asa'am Israel jlele'ase'm, 'esiji ka 'najanayi, siunie Jesús ti jik'iejwata'yijpe jana cruz, Sinia' iyojwa'n anechiyasa', jla'yi ti jijliujwanik ti Injwajieti.”

Hechos 20:21

Je sikip'e ti ajwejla'm napo Judíojos siu'neje napo je Judíojos, ti awone 'ate, “Woye asosikis ink'iejyisa', tankiunieyi pa Sinia' jlas Jesús.”

Hechos 20:23

Najata jla'am ts'ajane pi awone ti siojopa isi' jajioyi iyo jana Sinia' jikimet ti 'es ti ijwilk'i'm ti jajioyi jana insat jiwe, siu'neje pa iwit'ia jawo, ti inijijwijyi'n its'ioye.

Hechos 20:24

Ejlojli wekie'e, 'yina je awoyi yitinikie' niwaka, kajeyepa ka ikajli wata'a ts'iji ka yitak'i siu'nie yaj jane'yi, siu'nie awo ti akk'i, jla'yi ti aki ni inka'niye ti tajle ni Sinia', siunie Saka'niona Jesús yikialk'i, naka ni Sinia' jikap'ijliuskiye. Wuj ti ts'ajkaj'ni ti kia'iyo.

Hechos 4:20

Jeyi kat'aja, je kasts'ajane paka iyonaja ka iliki ti awoki saka'niyeja', 'yaka a'wena jla'yi ti ape'yak.

Hechos 9:22

Saulo jla'm ini'netjli ti ijwijla'm papo Judíojos sek ji'wet'e yi'i jlaja Damasco ti Jesús jla'am ti Injwajieti ti Sinia' jijliujwanik. Iyoyet'iyispe 'ate: —¿Ten siunie iyo ni i'nio'?

2 Corintios 1:19

Kajeyepa ti nakape ti awoki samtikie', japo Silvano siu'neje ja Timoteo, ti awak aska kiowe'e, ajwel ni Sijwajieti Jesús ti Sinia' jlas. 'Yina je naka ni siunie ‘ji'lija itimisiete’, 'yina naka ni siunie Sinia' jlonisik ti iyoyi siunie ijiatk'i.

2 Corintios 11:9

Siuti a'yi aska kiowe'e ti lajatak'ipa ka'wi'in, 'yina je asam'ne ka i'winakitie'ni ka k'iejliyeyi japaka 'yasane, jla'm ijiatayi wek jla'am siunapo yi' Macedóniaja ti po' siojokia atajlajaje jakiaka'ne ti ts'esi. 'Yina awotajank'iye ka je iliki siunie aniwonaja ti je a'wenakitie'ni.

2 Corintios 5:14

'Yina Sijwajieti jlemijnaye naka ti awoki saka anechiyasa', jakayi ti kasts'ajanayi pa awonaja ti po' siunie ijwienjli i'nio' ti iniwe'n ape'e wikie'eyi napo i'nio' ti no'we ti iyo masesa'.

Filipenses 1:23

Kajeyepa ti timesi siuniwa yik'i. 'Yina ti a'ye'en, siut'itie ka kiak iyo ka iyik ka iyijap pa Sijwajieti, nak wuj ti 'es.

1 Tesalonicenses 3:6

'Nakayi Timoteo 'nes ti nak tajli, saka'niye po' ti lajk'ipa ka woyeyi ni jleye'yi pet, je liyeyi ni jiwoyeyi ti jitienkiunieyi pi Saka'niona, jla'yi ki iyo ni asemijnaye ti je t'ikijieta. Ijwilts'e ti asa'am wuj ti jitienkiuniets'i'ni, jla'yi ti jiwoyeyi ka kas'we'en pet, iyo'ate awoki ti awokink'iye ka i'wina pet.

1 Pedro 5:12

Isiecha 'ni iniuyijk'i'm ti 'eti' siu'nie imp'esinik ti je itioyi'i siu'nie awoyi, 'naka Silvano. A'we'en ti ijiate wek jla'am ni iyo. Awotajank'iye ka 'yijijie'nase'm wikie'eyi siuniwa yiji 'ni ip'isinik ka ikajanitk'i ask'ioye siunie ti Sinia' wuj ti imp'elisina'. Kia'iyo, ká aleyeyi siunie jiniwonayi ti jleyejyi siunie jlemijnaye ni Sinia'.