Hechos 18:23 - Sinia' Jlamtis 1994

²³ Jlampa paja'ni seka'a, ti yikiajlayi'iji ti ijioyits'i papo ti ijwienjli tajlap'e, ti iniuyeje papo Sinia' jilis ti 'yakela, siupapo yi'i Galáciaja, siu'neje papo yi'i Frígiaja.

Hechos 18:23 ပူးပေါင်းရင်းမြစ်များ

Lucas 1:3

Teófilo ti i'nes, kia'awo ti atemayi ti a'ye'en ti alesaniji, ti atajlap'e siuki iyo ti 'nelanjie'e. A'wen'ne ti 'esi'n siukia alesane pet, sekyi'i ti awoyeyi ka ijliu'wa.

Lucas 22:32

'Yina pajatak'i wek ti 'ajlana'ni ka je anetiajnata ni astankiujnieye ti 'es. 'Yina siuti ja apik'i, 'esiji ka noyejejna'a napo a'lejwas ka jwajla woyisi'ni.

Lucas 22:43

[Pakayi'ne siupa injlojwanik poli jlele inikajanitieja'm ti iyo jweyeja'.

Hechos 14:22

'Yakela papo i'nio' sek ji'wet'e ti iyone'ate: —Je pajna'a ka aleyeyi ti astaj jiwomayi ni Saka'niona, lapakawo ti siunie i'nio' ni iyo ka ijnoyi ni Sinia' jika anechijiayas wuj ti janilayiti, niwa jiwet'iaye ti jajnoyi.

Hechos 15:32

'Yina ja Judas jla'yi ja Silas, ti po' pa yiyisi ti Sinia' iyojwa'n jijwejlanawosa', it'imina'ne ti wuj ti 'yakela japo ijia.

Hechos 15:41

Iniuyis 'niji yi'i jlaja Siria, ijiuti ape'e jlaja Cilicia, wuj ti iniuyeje japo i'nio' Sinia' jilis.

Hechos 16:40

Ti iniuyek'i kisie'e ti tajlis insat jiweje, sekyi'i tijnayisi siujlieja asejnia jle' iyo'ate Lidia, ti ijioyis ji'wete. I'win'ne japo ijia Sinia' jilis seka'a. Itime ti 'yakela, sekyi'i ijwilaja'm niwa Sinia' jlamtis sekyi'i ti yama'ni ti itimayisi.

Hechos 16:6

'Yina ti Sinia' jikimet ti 'es je itiliak'i k'iye ja Pablo siu'neje japo jla'yis ka ijnoyisi jlaja Asia, jak je iyoyiji ti iniuyis 'niji yi'i jlaja Frigia, siu'neje jlaja Galacia.

Hechos 19:1

Apolos je t'eki pet Coríntojo, jlampa Pablo yama'aja ti ijio Éfesojo, iniu 'niji yi'i japa ajnat tikijnakiyis yi'i. 'Yina sek i'wi'ne papo Sinia' jilis,

Hechos 2:10

Frigia jlele, Panfilia jlele, siu'neje Egipto jlele, siu'neje napo tajlits'i siuniwa iniujwape'n pet jana Libia, ti je tojwape'n jana Cirene. Po'neje napo tal 'niji Rómaja.

1 Corintios 16:1

Jayiyiji'ni siojona wikiniet'aj, ti jajiutie'ni wita'm k'iye siunapo Sinia' jilis yiji jana Judea. 'Yina wonayi 'ate siunie awo ka woyi japo Sinia' jilis yiji pet jana Galacia.

Gálatas 1:2

Ya'am, wikie'eyi siu'napo si'lijwas yi' ijiap, atejwila'ase, asa'am ti jleyejyi janak ajnat Galacia, ti Sinia' jilists'ase'm.

Gálatas 1:9

Pajatak'ipe ti ajwe'lase'm, 'yina ja yikiajle'eje 'nakayi ti jayo'ate: siuti po' ni i'nio' ti jawoyi jlamtikie'ase siunie ti je ijliene ni iyo niwa Sinia' jlamtis iyo ti pajk'i ti yi'ase, ¡Sinia' je ijlie'en ti jawo jitisayi naka!

Gálatas 4:14

Ka kia'iwo ka 'omaja ijyilia'm siuti si'wenaye ti je ts'es ti kiak anine'ne ti amti'yase'm. 'Yina kiaka'ne ti ajwe'el ti ijnejlita, jla'yi ti je siwonayi 'ate siunie i'nio' jiniliak ti ijio'wase, 'yina siwonayi 'ate ni injlojwanik poli jlele ti Sinia' ijliu', siu'neje ti iyot'e 'ate ti jla'am pa Sijwajieti Jesús.

1 Tesalonicenses 4:18

It'imina ti awo'nase 'ate: nikelayi siuniwa Saka'niona jlamtis.

1 Tesalonicenses 5:14

Kia'iyo, i'lijwas, siunapo 'netaj ka inkimk'iji'n, jloye ka woyi ni jikijmaye. Siunapo t'ask'i isia'm ti isimtak'iji'n, noyeje. Siunapo laj jit'iuniye siupi ja k'iejliyeyi ti janeyi, 'esiji ka inilayiti.