Hechos 17:7 - Sinia' Jlamtis 1994

⁷ ¡'Naka jla'am 'na Jasón ti iyo 'weta' ti yin jlajap! ¡Je iyo lajaye siunie saka anechiyas Roma jlele siunie iyo ka iyoki, kajeyepa ti ijwilis ti po'neje siupa anechiyas jikiecha, siupa jle' iyo'ate Jesús!

Hechos 17:7 ပူးပေါင်းရင်းမြစ်များ

Lucas 10:38

Sekyi'i pa Jesús yamat'ijyi ti iniuk'i puwa isi'il, yiyet'iyipi siupa yi'i siujlieja asejnia jle' iyo'ate Marta. Jlajak wuj ti 'es ti isi'm ilia'm.

Lucas 23:2

Sekyi'i ti ijyijlitat'iyisijpe ti takajwejlanisia'm siupi iyo pi itiajlatisie, ti iyo'ate: —A'wenajaja siu'nie i'nio', ti itiejietk'i wita'm napo saka kia'lis. Ijwil je 'esiji ti akat'ina'ni ape'e niwa inkat'ijnieyejes, 'etsakaja ti ijwil ka nakaye ni Injwajieti ni Sinia' jijliujwanik, ka anechiyasa'.

Juan 19:12

Sekyi'i ja Pilato ti iyoyetajayi'n siupi ka inwone ka inojwa'n kisie'e ja Jesús. Siojopo Judíojos iyo'ne 'ate: —¡Ka anojwantana'a kisie'e, ka akojwayena'a ni saka anechiyas Roma jlele! ¡Kajeyepa siunie iniwojwa'n anechiyasa' iyoye'ate ti jla'am ti teje'yi ilia'm ni saka anechiyas!

Hechos 16:21

'Yiyasanisi napo i'nio' siunie iyo ni jikeyis pet, ti Roma jlelets'e'm je sake' ka iyoki.

Hechos 17:5

Siupapo Judíojos kakiujnietas tanat'iyipi siupapo i'nio' jlam sek yik'i'ni yi'i japa isi', ti kajlojoties, ijliuye'ne ka ijwesinis papo i'nio'. Ijioyis'ne ji'wete pa i'nio' jle' iyo'ate Jasón, ti iyoyistajyin'ni ja Pablo ti iyotajas ka intonis kisie'e kan'wenis, kanekiajle papo i'nio'.

Hechos 17:8

Kat'ajat'iyijpe papo i'nio' ti ipi'yayis ti kia'iyo je ijwiyeyijits'i'ni.

Santiago 2:25

Siojopa Rahab t'ipi i'nioki ti ijia jwa'yis jiwoki. Kia'iyo Sinia' pak i'yene siupi iyoyi ti ijiajne'n ji'wet'e siupapo Josué jikawost'ipi. Jak je iyoyi ti iyoyi ti iyoyeyi kanek'ni, i'winkinayi siupi 'nayi ti 'wena iniujwap'e japa isi'.

1 Pedro 2:15

'Yina nak Sinia' iyotajank'iye kawoyeyi ni 'es, ja 'nakayeyi siunapo i'nio' ti lajk'iyi pakawo, ti je 'yijejne'n, ja ke 'najanayisijpe siuniwa ji'lija jiniliaja ni janojwatits'i ka injwelis kanta'yi aselia'm.