Hechos 17:31 - Sinia' Jlamtis 1994

³¹ Kajeyepa ti jla'am ti yitineje k'iye ta'a siojona jloma ti jan'ye'en napo i'nio', jlajma pak ja ke iwonijits'i'ni siuka inetiejenie'e. Kajeyepa ti janjwanjli siunie ja tekiajlaja ti jan'ye'en, ti tijniejieta'a. Naka siunie ti Sinia' iniujwa'n kisie'e ti tajli ni a'no', 'nakayi ti wikie'eyi napo i'nio' ti jan'we'en, ti kiak jawo ti ja ijiatayi.”

Hechos 17:31 ပူးပေါင်းရင်းမြစ်များ

Mateo 10:15

Ijiatk'i siunie jajwi'lase'm ti janeyi janak jloma ti Sinia' jan'ye'en napo i'nio' ni jitis iyo, siunie jawo ti ja tisiejek'i'yi papok i'nio' yiji japak isi', janka'm ape'e siupi jiwet'ia iyot'iyipi papok i'nio' yiji japa Sodoma siu'neje Gomorra ti tisiejek'i.,

Mateo 24:14

Jlampet siunie inka'niye ti 'es ti ijwil ki iyo nak Sinia' jika anechijiayas jantej'w ape'e 'ni ajnat ti ja tijwelaja ape'e, ja 'nakayeyi ti wikie'eyeyi napo i'nio' yi' ape'e 'ni ajnat jampe'ya pet. Jiwekie'ajana'a ka ajnat ino'we.

Lucas 22:22

Siunie I'nio' Jlas janejia'm ni siunie ja jijliak'aliye, siunie Sinia' ijniejiet'e ti 'nelanjie'e. 'Yina awo'ate, ¡ja wujwa wat ti ja p'ijliusieja' ni i'nio' ni janekial ni jiwet'ia jawo pet!

Juan 12:48

I'nio' ni je isi'm ijyilia'm, jla'yi ti je its'iuye niwa yamtis, po' pet ni siunie ti tijna'yi ti jansa'a. Siuniwa inamtis ti amtits'iji'n, niwak jansa'a ts'iji jlaja niwa jlomas.

Juan 16:10

Siunie ti jayik jla'yi ti ja ke si'wena', nak ja'nakajanit ti ts'es.

Juan 5:27

Siu'neje ti yikiajle ka 'nakajanit napo i'nio', ti jla'am ti I'nio' Jlas.

Hechos 17:18

Siunapo i'nio' 'yijejne'n jle' iyo'ate Epicúreos siu'neje papo Estóicos sek inita'a ti ijioyisi ja Pablo. Tom ts'iji pa iyo'ate, ti iliakiyis: —¿Tempi'ne pi ijwil'ni siunie amtijieta? Iyo'ate papo ijia: —Ijwilt'e ape'e napo i'nio' siupa dios 'wenayi. Ji'lij kia'iyonisi, kajeyepa ti Pablo ti iyoyetaja jlamtikie', ijwil pa Jesús, jla'yi ki iyo ni a'no', ti janapits'i pijia'm siunapo 'yajle'n ti yiji.

Hechos 17:32

Ti tipe'yakie ti yiyiji ki iyo na i'nio' ti janapi pijia'm, sekyi'i ti iliakiyeyis'ni. Ijia papo iyo'ate: —'Esiji, je ijiat ka je ipi'yakna'aja ka ekialtaja'ana'aja ka netie'e pa jlomaye.

Hechos 17:6

Ti je i'winis ja Pablo, jiwak yikiajlets'i'ne pa Jasón, siu'neje papo Sinia' jilis, ti itione papo anechiyasas. Iyoyis'ne 'ate ti tanisi ape'e: —Siu'napo i'nio' 'napok 'yakajyi'n napo i'nio' yi' ape'e 'na ajnat, ti je 'yaka paka woyisi, yiyep'anis 'neye.

Hechos 2:32

“Je int'ayeyiji'n jla'am ja Jesús ti Sinia' iniujwa'n kisie'e 'neyek'i, 'yina sampe ti a'wena, jlam je iyo ti ijiatk'i.

Hechos 4:10

jajwi'lase'm ja 'najanayi, jla'yi napo Israel jlele. Siunie i'nio' yi 'ne ti ji'wena', lajk'ipa jikiechaye ka 'esieyi ka injwajiet, Jesús Nazaret jlele jle' i'mienit, ti jijweye po'. Naka siunie jik'iejwata'yijpe jana cruz, jlomas 'nak nojwaja'm Sinia' iniujwa'n kisie'e ti tajle ni a'no'.

Romanos 2:16

Ke iwo pa ti siuti janeyi janak jloma, Sinia' jankajanit'i ape'e wikie'eyi niwa yijits'i niwa jlosikis napo i'nio', Sijwajieti Jesús naka ti titiejkinaja ti jan'ye'en, nak jika'niye ni siunie ajwe'el ti awoyi yamtikie'.

Romanos 2:5

'Yina siuti a'm ti je injlana'ni ti int'o'n ti je wo ka wo ajosik ink'ieye, ijiatjliyi am am ti jitio'n atepe'e siunie jiliayeja' pet ni i'nio' ti ja tisiejek'i ka Sinia' in'yenta na jitis iyo, ti jlam ti tijnajyi siunie jawoyi,

1 Corintios 4:5

'Yina naka'ne siunie ti je 'es ka ananejen'ni k'iye pa Saka'niona, je ijiat ka je i'ye'en jla'am napo i'nio' siupi iyoyi siojona jloma ka 'nesta. Ja jlama ti jankajanit'i ape'e ti janejni na jla'al ni jloma wikie'eyi niwa wask'i'nelaja tijwekiek'iji'n yiji ni ajnaj. Sekjane'yi ti jankajanit'iji ape'e napo i'nio' siunie iyo ni yiji ni jlosik. Jiwekie'ejana'a ka Sinia' iwejna'm pa jane'yi siunie ti ja tonitieje, kajeyepa ti 'yakajli.

2 Corintios 5:10

Kajeyepa ti ja lajak'i pa ka injwel ka in'yilta'n k'iye pa Saka'niona, ka inetiejenie'e siojopa jloma ka 'yenta wikie'eyi napo i'nio' siupi jitis iyo. Japakayeyi ti ja kasjwanjlajamk'i'ni siupa ja tiwonats'e pi iyo siupa titiajlatats'e'm, ti ja tenaja siupa awokt'iyipi ti awak'i 'ni ajnat, ka 'esiet'ipi ni'ne ka jeye.

2 Timoteo 4:1

'Yejne'n, jlam enjliyi ape'e ti ajlo'wa'm, jitieyi'i pi Sinia', jla'yi pi Sijwajieti Jesús, siunie anechiyas ti je ijiat ka je i'nes ti janapimet, ti jankajanit ni jitis iyo napoka siunapo 'wasanjliyine, siu'neje napo pajk'i ti 'yajle'n.

Hebreos 6:2

siu'neje ni inka'neyasajnaye ape'e pet siunie inajiejnaye, siu'neje na ti inkio' tena ape'e napo Sinia' jilis, siu'neje napo 'yajle'n ti janok'i kisie'e, siu'neje ni ti jitis jajnotk'i'ni ni i'nio' ka kia'iwotajanie'e ka Sinia' i'yenta.

2 Pedro 3:7

Siunie poli, siu'neje 'ni ajnat, ti je tetitiejli'ijyi ka tinitiajnataja'n. 'Yina ti jla'am pi Sinia' ti ji'lij ka kiak iwo ti itiejietape, ka 'yenta napo i'nio' ni jitis iyo ti jankiene ni jwat napoka siunapo ti 'yakakiu pi Sinia'.