Hechos 17:25 - Sinia' Jlamtis 1994

²⁵ Je isitia'n ka tiniukieje, kajeyepa ti jla'am ti tajle jana in'wasankiye yiyi ni i'nio', jla'yi ni jiyel, siu'neje niwa ijia wask'i'nelaja.

Hechos 17:25 ပူးပေါင်းရင်းမြစ်များ

Mateo 5:45

'Yina siuti jawoyeyi niwaka, siunie Asna' ti yi' poliyi inwoyeyijna'a jilisa'ase'm. Jlam ti i'nisati ni kilie', jlam 'neje ti ijliu' ni pejla ka 'esieyi napo i'nio' 'wanjli ka kia'iwo ka je inses, siu'neje napo isis kia'iyojliyi 'esi.

Mateo 9:13

Maye'ni, ni'neyasanayi siunie iyoyi niwak Sinia' jlamtis t'ipi ti iyo'ate: “Kap'ijliuskiye, nak awojonk'iye. Siunie ti jilianajyi'n niwa wakiajas ti jijwejla ka siwunitie, nak je awojonk'iye.” 'Yina siuti ana'am, je napok ka iniame napo isis, 'wenajliyi jla'am ti aname napok siunapo inkeyis jiliajnis.

Hechos 14:17

'Yina je paj ka leyi ti i'winkina papo ti ijiate jla'am ti Sinia', ti inineniji'ni siupa iyone ti ip'ilisi'n. Jla'am ti ijliu'wase ni pejla, jla'yi siunie ti 'es ti jiliena'yi ni asak. Jlam'neje ti tajle ti po' ni jitiuwa, jla'yi ti 'etsaka, sekyi'i inkasajyin'ne.

Hechos 17:28

Jlam ti si'wasankiye atajlajaja, jlam ti it'imina ti kaspo', jla'yi ti askiuniek'ijin'ni. Iyot'iyipi siupapo asp'esinawos, ti iyo'ate: Sam ti jilists'e'm pa Sinia' ti atomaja pijia'm.

Romanos 11:35

¿Tepa yi'i pa ti k'iejliyeyi ti yikiajle ka nejni pet siupa ti t'ajla? ¡Lajk'ipa!”

1 Timoteo 6:17

Awojonk'iye ka jwejla'm napoka i'nio' ti jwajla'a i'wi'in, ka wone'ate, “Ká anipajayi niwak askijmatis ti po', ti jijwela ka niwakaye ti injwajieta', 'yina siuniwa inkijmatis yi' ape'e 'ni ajnat, je t'o'n.” Ja jloye jla'am ka najataja jla'am ka jitiej iwomisie ni Sinia', 'yina ti jlam ti iwints'e'm wikie'eyi niwa wask'i'nelaja ti 'etsaka nakaye'eje ti yits'e ni sinikanitiejeye.