Hechos 17:20 - Sinia' Jlamtis 1994

²⁰ kajeyepa ti 'wena yiji. Awoktajank'iye ka kasts'ajaneje siupa iyoyiyi.

Hechos 17:20 ပူးပေါင်းရင်းမြစ်များ

Marcos 9:10

Ijiatjliyi, kiaka'ne siukia ti je iyo ka intanisi'ni, 'wenajliyi ti jlamis jiwek jla'am ti 'yijenisi pi iyonisi kiaka, siu'neje ti 'yotatis. 'Yina ejlo'o jiwek ti ininekiajlisi ti ini'yasis, ti iyoyis 'ate: —¿Tepat'e iyo siukia ti iyo'ate, “I'nio' Jlas jano kisie'e ti jantajli ni a'no'”?

Juan 6:60

'Loj japo i'nio' siojopo yamk'i ja Jesús, ti ipi'yayeyis siukia iyo ti taka'neyasa'n. Iyoyis'ne 'ate: —Atejnistieje ka insta' niwaka. ¿Tempa jank'iuye?

Hechos 10:17

Pedro jitiej yini'ni 'ate siupa iyo pa i'wi'in, 'yina iyo'ate, “¿Tepat'e jawo siu'nie a'we'en?” Jlampa yiyet'iyispe 'wuk kiwit'e siupapo Cornelio kawos, ti ti'yasanisi'ni pa Simón ji'wet.

Hechos 17:19

Pablo tokiji'ni siojopa yi'i papo ijnosikis jiwos, siojopa jle' iyo'ate Areópago. Sek tenajayi'i ti ti'yasa'ni, ti tiwonaja 'ate: —Awoktajank'iye ka kasts'ajane paka iyonaja, siunie i'neyasajnaye jiniamets'e,

Hechos 17:21

Tepa jawo ka kiak je iwoyisi ti, pakata jla'am ti iyoyisi, papoka Atenas jlele, siu'neje papo jlam pak talk'i'ni, ti its'iuyisijyin'ni ka ink'ieye paka inka'neyasajnayeja' paka impe'yayis, jla'yi ka ink'ieye paka injwelis papo i'nio'.

Hechos 2:12

'Yakelit papo i'nio'. Je 'yaka paka jitienkiujnieye inojwatits'i. Jak je iyoyiji ka je ininekiajlisi, ti iyoyits'iate: —¿Tepit'i iyo ti kia'iyo?

1 Corintios 1:18

Siunapo i'nio' ijioyi ti janetia'n, napoka napo ijwi'il ka laja lajaye siuniwa Sinia' jlamtis ti ijwi'il ni Sijwajieti jiliaye iyo ti yi' ape'e japa cruz. 'Yina jlampet ti sa'am ti atayeje jana sijwajieti, kasts'ajane ti siuniwa Sinia' jlamtis naka jijweye jla'am.

1 Corintios 1:23

jlampet ti sa'am awoki samtikie' naka ni siunie Injwajieti ti Sinia' jijliujwanik ti tena'a pijia'm japa cruz. Naka'ne ti siunapo Judíojos ti ijwi'il ikajyi'n ni jitienkiujnieye ti 'es, siunapo ijia i'nio' iyoyits'i 'ate, “Ijiat ti jiniliaki naka.”

1 Corintios 2:14

Jlampet siunapo i'nio' janaka jana Sinia' jikimet ti je yiji, kajeyepa ti je isimits'i ilia'm, je itiant'iejesi. Sekyi'i iyoyets'i 'ate, “Je 'es. Laj lajaye.” Je itijnisisk'i siunie iyoyi, jak je iyoyiji ti ijwi'il kan'yenis, je 'yijenisi paka inwonisi ka injwelis ka inka'yejnajne'n.

Hebreos 5:11

Je ajlan'ni siunie awotaja ka ijwi'lase'm, je 'wena pa ka ijwi'il niwaka siuniwa ajwel'ni, 'wanjlit'itieje ka ijialas ka 'najanayi. 'Yina je jitijnisiek'i siunie ijio'we, kajeyepa ti int'onie' ti i'neyasanatajyi'n je ta'a ka intant'iejats'iji'n.

1 Pedro 4:4

'Nakayi ti je jleyejyi napoka, ti iyoyi naka ti wuj ti je 'es, sekyi'i jlam jnots'inayijits'i'ni, sekyi'i inlakiyeyi siunie jiwoyeyi.