Hechos 17:2 - Sinia' Jlamtis 1994

^2-3 Pablo siupa iniwone, ti yiyetaja japa isi', 'yuyi'ni japa 'najla'wet, ti yiyetaja siojopa jloma ti i'nio 'wanjlijyi'n. Kiajatak'i'ni puwa jlomas paj ti itijwa isia'm puwa i'nio 'wanjlijiyis najape, iyone'ne 'ate papo i'nio': —Sinia' jlamtis yi'i 'ni ji'wet ijwi'il pa Sinia' jijliujwanik ti Injwajieti, ti ja wujwa ti janilayiti siupa ja tiwonaja ti ja tiliana. 'Yina jano kisie'e ti jantajli pa a'no'. Siunie Jesús ti je pajk'i ajwel'ni, nak Injwajieti ti Sinia' jijliujwanik.

Hechos 17:2 ပူးပေါင်းရင်းမြစ်များ

Mateo 26:24

Siunie I'nio' Jlas janejiam'ne siunie jawo ti janilayiti siunie ja jiliayeja' ti ja tiliana, iyo jla'am niwa inamtis t'ipi. 'Yina ¡jap'ijliusieja' nak siunie ti janwe'en, kajeyepa ti jitis japoye! ¡'Est'itiejepi ka laja ape'e 'ni ajnat!

Lucas 4:16

Jesús yapiliet'ipi Nazarette, siujlieja ajnat ji'wett'iyijpe. Siojopa jloma i'nio 'wanjlijyi'n siupi jike' iyont'iyi'nijpe, ijioyet'ipi kiajwe japa 'najla'wet. Takasitiet'ipi ti yamtijie'n puwa Sinia' jlamtis yi'i pa ji'wet.

Juan 18:20

Jesús isiujlie ti iyo'ate: —Siuti amti je anijweki, eni'ni jitieyi'i wikie'eyi napo i'nio', jla'yi ti aka'neyasanata eni'ni kiajwe siuniwa 'najla'wetis je wus, siu'neje jana wuj, siu'neje niwa yi'i 'ni napo Judíojos ti initotietak'i wita'm. 'Yina lajk'ipa ka yi'i ka inijwek ti amtiyeta.

Hechos 13:14

Yamat'iyis'nijne, yiyet'iyispe Antioquíaja siojopa yiji japa ajnat Pisidia. Japaka siojopa jloma ti i'nio 'wanjlijyi'n 'yuyet'iyisipi papo Judíojos ti iyoyis t'ajlayeja', sekyi'i yiyet'iyisimpe paka'a.

Hechos 13:5

Ti yiyeyisi siojopa isi' Salamina, sek tajlapits'i'ne ti iyoyis jlamtikie', ti ijwi'il puwa Sinia' jlamtis, ijioyits'i puwa t'ajla'wetis papo Judíojos. Siojo Juan Marcos yamk'i japoka ti iniuyeje.

Hechos 14:1

Ti Pablo jla'yi ja Bernabé yiyis Icóniojo, 'yuyisi'ni papo Judíojos ti yiyis kiajwe japa t'ajla'wetis. Iyo'ate ti yiyis Antioquíaja, ti tipe'yakie ti iyoyis jlamtikie', 'loj papo i'nio' iyo jlosikis ink'iejyisa', Judíojos siu'neje papo je Judíojos.

Hechos 17:10

Jlampa ajnaja siupapo Sinia' jilis jla'm iyonayisi'ni 'ate iyoyeyi ka ijloyis ja Pablo siu'neje ja Silas 'niji yi'i japa isi' jle' iyo'ate Berea. 'Nes'ni ti yamitayisi ti ijioyisi japa Judíojos t'ajla'wet.

Hechos 17:17

Tempi it'imina ti je iliyi'ni siupuwa Judíojos t'ajla'wetis ti takamtijniene'ni papo Judíojos, siu'neje papo i'nio' ijia ti je iliyi ti ijiunitis pa Sinia'. Jla'yi ti je iliyi'ni japa aj'leje'n siojopa jikiowe'e japa isi', ti takamtijniene pa yi'i pa ti sek i'wi'ne.

Hechos 18:4

Yiyi japa jloma ti i'nio 'wanjlijyi'n, ijioyeyi'ijyi japa t'ajla'wet papo Judíojos, ti takamtijniene, siu'neje papo je Judíojos, jlam 'yijijienta'a ka namitis isia'm puwa Sinia' jlamtis.

Hechos 19:8

Pablo jika we'lajas najape ti sekyi'i japak isi'. Jika jlomas je initiajnati ti ijioyi'ni japa t'ajla'wet papo Judíojos, t'otale t'o'n ti ijwi'il pa Sinia' jika anechijiayas, ti ijialasta ka 'najanisi siupa iyo ti ijwijla'm papo i'nio'.

Hechos 24:25

Je 'esiji ti ipi'yayeyi ja Pablo ti yiyiji naka ti iyo'ate, “Janilesaniji ni i'nio', jla'yi ti jan'ye'en siupa janwoyi, siu'neje ti japoye jana jloma ti Sinia' jan'ye'en ti ja'nakajanitk'i ape'e siupa jitis jawo.” Naka'ne siunie ti Félix jnots'inaja ti ipi'yaye, sekyi'i iyo'ne 'ate: —'Esiji. Maj. Jlam jayana'anie'eje ka pajata ka itimtieje'nina'a.

Hechos 28:23

Jakiak siojokia jloma ti yitinisi k'iye, ti 'loj japo Judíojos ti ijioyi'ni ja Pablo siupa yi'i. Yapijle'e ti yamtiyi k'iye japo i'nio' kiwa Sinia' jlamtis ti ijwi'il pa Sinia' jika anechijiayas. 'Yiyasane kiwa Sinia' jlamtis kajeyepa ti ijialaskintaja pet ka intant'iejesi pa Jesús, ti yijnapeje pa Moisés jika'neyasajnaye, siu'neje puwa injwejlanawos jilisajnat'ipi.

Hechos 8:35

Felipe itiajlate siupuwa Sinia' jlamtis ti yamtijie'n pa i'nio' Etiopía jlele, jla'm iyonayi 'ate ti yamtiyi k'iye puwa inamtis ti ijwi'il pa Jesús.

Hechos 9:20

Ijioyits'i puwa Judíojos t'ajla'wetis, ti ijwijla'm papo i'nio' ti Jesús pak Sinia' jlas.

1 Corintios 15:3

Ta'ape ti 'eyasanayi siunie ti kia'iyo akimpe ilia'm. 'Yina nak 'eyasanayijpe: ti Sijwajieti jla'am ti iniwe'n ape'e niwa sakeyis, pakayi ti 'ya'al, iyo niwa inamtis t'ipi ti yi'i ni ji'wet.