Hechos 17:13 - Sinia' Jlamtis 1994

¹³ Siupapo Judíojos Tesalónica jlele ti 'yijenayisi pi iyonisi, ti Pablo iyo jlamtikie' Beréaja, yam'ni'ne ti ijiutisik'iji'n, ti jla'm iyo ka jwesinis papo i'nio' sek yi'i.

Hechos 17:13 ပူးပေါင်းရင်းမြစ်များ

Mateo 23:13

Jesús kiak iyonayi'ijyi 'ate: —¡Aswet'ia japoye ti Fariséojosts'ase'm, siu'neje ti asampet ti jiwosts'ase'm nak Moisés jika'neyasajnaye! ¡Ijnoski'lanajyi'n! Jip'onajia'm ni jika 'wuk kiwet ni Sinia' jika anechijiayas k'iye napo i'nio' ti iyotajas ka 'noyisi. Tiwet'ianaja ka asama wek pet ka 'oyeyi, ni'ne ka asama ka wenayi napo i'nio' ti iyoyistaja'ni ka 'noyisi.

Lucas 12:51

¿Jijwelat'e ka inkama 'napo i'nio' yi'ne ajnat'e siuti ana'am? Jeyi, siuti a'nes atajietk'i wita'm 'napo i'nio'.

Hechos 14:2

Jlam'ne papo Judíojos siupapo je iyoyisink'iye, papoka'ne ti 'yijijie'ne papo je Judíojos ka inta'yi ilia'm, ti ijwil ka impe'ya'ni ja Pablo ka poye paka wo.

Hechos 17:1

Pablo jla'yi ja Silas iniuyisk'i jaka 'nayi siojo teje'ni yi'i jlaja isi' jle' iyo'ate Anfípolis, siu'neje jlaja Apolonia, paj ti yiyeyis 'niji yi'i japa Tesalónica, isi' ti wuj. Siupapo Judíojos t'ajla'wet po' japa sekyi'i, yi'i japak isi'.

Hechos 17:10

Jlampa ajnaja siupapo Sinia' jilis jla'm iyonayisi'ni 'ate iyoyeyi ka ijloyis ja Pablo siu'neje ja Silas 'niji yi'i japa isi' jle' iyo'ate Berea. 'Nes'ni ti yamitayisi ti ijioyisi japa Judíojos t'ajla'wet.

Hechos 17:5

Siupapo Judíojos kakiujnietas tanat'iyipi siupapo i'nio' jlam sek yik'i'ni yi'i japa isi', ti kajlojoties, ijliuye'ne ka ijwesinis papo i'nio'. Ijioyis'ne ji'wete pa i'nio' jle' iyo'ate Jasón, ti iyoyistajyin'ni ja Pablo ti iyotajas ka intonis kisie'e kan'wenis, kanekiajle papo i'nio'.

Hechos 20:4

Siojopo 'yunink'i ja Pablo, japoka Sofater, Pirro jlas Berea jlele, siu'neje ja Aristarco jla'yi ja Segundo ti tajlis Tesalónicaja, Gayo ti tal Dérbeje, jla'yi ja Timoteo, Títico, Trófimo ti tajlis Ásiaja.

Hechos 21:27

Jlampa majleyeyi ka nets'i siojokia i'nio 'wanjlijyi'n, 'nesa'nijpe siojopo Judíojos tal Ásiaja, i'wi'in ja Pablo yi'i jlaja 'najla'wet. Ijwisin'ne japo i'nio', sekyi'i t'ekiyejayi ja Pablo, ti isimits'i.

Hechos 6:12

'Yina siuti kia'iyo, ijwisin'ne papo i'nio', siu'neje papo kijilas t'ipi, jla'yi papo taka'neyasane pa Moisés jika'neyasajnaye. T'ekiyet'iyisijpe pa Esteban, isimits'i'ne ti 'yutits'i a'laja'm. Sekyi'i ti yamayisi ti itiunisi papo jlosikis jiwos, siupapo jlamt'iyijipe.

2 Corintios 11:26

Je ijwienjliyiji ti askiujni'n ape'e 'ni ajnat, ni'ne ti iliaye yitaja niwa tewukis, ni'ne ti napoka kajlajnatas, ni'ne ti napoka siunapo ya'm ijia Judíojos ti ijwienjli jana ajnat si'wet pi iyonk'i, napoka 'neje siunapo 'wena jana ajnat tajla'm. Siu'neje ti iliaye ataltajajam'ni jana isi', siu'neje ni ajnat laj i'nioye'e, i'niat lajlik'i kia'iyojliyi, siu'neje ti iliaye ataltajaja'ni siunapo ijwil ka ijiatayi ka napokaye si'lijwas Sinia' jilis iyo ni iyonisk'i.