Hechos 17:11 - Sinia' Jlamtis 1994

¹¹ Siupapo Judíojos jlamp'an je iyo'ate siupapo yi' Tesalónicaja, ti wuj ti t'ojni'n, ti jlam jeye jlamis 'es ti isimits'i niwa Sinia' jlamtis, 'yaka itiliajasi it'imina ti its'iuyisie. Jlomas ti i'ye'en puwa inamtis, ti ijialas ka 'najanisi ka ijiatayi siupa iyo ja Pablo puwa yamtiyi.

Hechos 17:11 ပူးပေါင်းရင်းမြစ်များ

Mateo 13:23

Jlampet niwak inseliaki ti ijniuj'li nak ajnat ti 'ejts'iyi, napoka pet siunapo ti its'iuye niwa Sinia' jlamtis, 'es ti iyoyi. Jak je iyoyiji yiyi ts'iji jla' poye, yi'i japa cien puwa jla' ti tajla'm, ni'ne ti setenta puwa tajla'm, ni'ne ti treinta puwa tajla'm.”

Lucas 1:2

iyopi siojopo ti i'winis ti 'nelanjie'e, ti jlamis ti iyo wosa' kiwa inamtis.

Lucas 11:3

Jlomape ka wents'e'm ni jatiuwa.

Lucas 16:29

'Yina Abraham isiujli ti iyo'ate, “Jla'm ijiattaja ka lajak'ipa ka neyisi siuniwa ilisant'iyijpe pa Moisés, siu'neje niwa jilisajnat'ipi papo injwejlanawos. ¡'Esiji kank'iuye siunie iyoyi!”

Lucas 24:44

Ti itimat'iyijpe sekyi'i iyonat'iyijpe 'ate: —Siukia awo 'neye, ki tiwonak'i, siuniwa ajwe'lasem'ne ta'a ti je atal aska kiowe'e, ti awo'ate, “Janeyi siojona jloma ti ja'nakaj siunie iyo ti sijwe'el ni Moisés jika'neyasajnaye, siu'neje niwa yi'i pet niwa jilisajna' t'ipi pet papo injwejlanawos, jla'yi ti yi'i niwa sálmojos.”

Juan 3:21

Jlam pet siunie iyo ni ijiatk'i, nak lajk'ipa ka woyi ka je injweyi jana kates ti ijioyi, 'yina 'yakaja pet siunie iyo ti its'iuye ni Sinia', ni iyone.

Juan 5:39

Wuj ti ji'yena' niwa inlesajna' kajeyepa ti jijwelayeta ka atajlayiji jana in'wasankiye ti laj jlaja, jlam'ne siuniwa inlesajna' niwak sijwe'el.

Hechos 10:33

'Yina ta'a'ne ti akajlunk'i, 'esiji ti 'nak jle'yi, siu'nie awak'i, ti Sinia' kas'we'en. Awoktajank'iye ka pi'yak siupa jajwelts'e'm, pa Saka'niona iyo'naja.

Hechos 11:1

Siojopo injlojwajnas siu'neje papo Sinia' jilis yi'i jlaja ajnat Judea, ti t'ijieyet'iyisijpe papo i'nio' ti je Judíojos ti iyoyi pa inamtik.

Hechos 17:1

Pablo jla'yi ja Silas iniuyisk'i jaka 'nayi siojo teje'ni yi'i jlaja isi' jle' iyo'ate Anfípolis, siu'neje jlaja Apolonia, paj ti yiyeyis 'niji yi'i japa Tesalónica, isi' ti wuj. Siupapo Judíojos t'ajla'wet po' japa sekyi'i, yi'i japak isi'.

Hechos 2:41

Ijiatjliyi siupapo je takakiunisi siupi iyo ti tamti, papok tiniejienajan'ne. Pak siupa jloma ti tres mil papo i'nio' ti t'opiyiji papo Sinia' jilis.

1 Tesalonicenses 1:6

Asa'am je wet'ianayi kajeyepa jiwoyeyi siunie aniwonaja pit, siu'neje ni iyo ni Saka'niona. 'Yina ti jikima'yi ilia'm niwa Saka'niona jlamtis, it'imina ti wuj ti jinilayitieyi siuniwa iyo'nase napo a'lejwas ti yi'nase'm, 'yina asjweye poye wek k'iye, kajeyepa siunie asnikanitieyi jitiajlayiji jana Sinia' jikimet ti 'es.

1 Tesalonicenses 2:13

Je aleki ti sinikanitiejeye awenaja pi Sinia', kajeyepa ti atankiuniek'i ti awoyepe yamtikie', ti ajwe'lase'm niwa Sinia' jlamtis, ijiate je jit'iumaja ilia'm, 'wenajliyi ti jikima'yi, kajeyepa ti je jikakiunieyi ti Sinia' paka jla'am ti jlamtis, 'yina je tajle paka i'nioye ka jlamtisie'. Ijiatjliyi, paka ti Sinia' jlamtis niwaka, 'yina ti 'yaka siu'niwa tajla'm, ti asa'am ti je jikakiuye.

2 Tesalonicenses 2:10

Jankajli ti janwoyi wikie'eyi siuniwa wuj ti je isis ti jawo ka inkamank'iji'n napo i'nio, napo ijioyi pit naka ni jiliaye ti laj jlaja. Napoka ti je isi'me ni siunie ti ijiatk'i, 'wenajliyi ti iwit'ianisi, 'yina it'imintaja ka injwayis.

Santiago 1:21

It'imina ti awo'nase 'ate: leyeyi wikie'eyi siunie ni ijiate ti jit'iojli po', siu'neje niwa wuj ti je isis. 'Yina nijlasata'yi isia'm, siuti jikima'yi niwa Sinia' jlamtis ti jisiliaki yijinits'i niwa asosikis, 'yina niwak siuniwa jlamtis jijweye po' ka injwajieta.

1 Pedro 2:2

Niwonayi 'ate siunapo kia'lis ti k'iejli yik'iji'n, woyejyi'n ni t'ajka ni inkat'ios siunie ti 'esi, ajwel niwa Sinia' jlamtis, 'yina ti naka ti jantoyetiejyi'n ti ja inkijliyeyi siunie jiwoyeyi ts'ijiye ti ja'nesieyi ka ataja jana asjwajieti,