Hechos 16:9 - Sinia' Jlamtis 1994

⁹ Ti ajnaja Pablo jijwejlik poye, i'wi'in pa Macedonia jlele ti takasiti'n ape'e ti iyone'ate, ti inip'elisini ti ijialas'ni: —Ká akamna'a sitipe'e ti awak Macedóniaja, noyijts'e'm wata'a.

Hechos 16:9 ပူးပေါင်းရင်းမြစ်များ

Hechos 10:3

Yit'i'yipe japa jloma ti kilie' iyoyeta'ate isia'm, ti i'winat'ipi ilia'm pa Saka'niona jijliujwanik poli jlele ti ijioyi siupa yi'i. Injlojwanik poli jlele iyone'ate: —¡Cornelio!

Hechos 10:30

Cornelio isiujlie ti iyo'ate: —'Neyek'i jlampa kilie' iyoye 'ate isia'm, 'yake'nijne ti awo'ni 'yejlayeja' 'ne i'wit'e. Jakayi ti inikajanitk'i'm ni i'nio' ti wuj ti isis niwa ji'wuye.

Hechos 16:10

Ti kasts'ajanayi ki iyo ki Pablo jijwejlik, jlam awokiek'i'ni 'ate ti aniwakajlanitie ti jajiok Macedóniaja, lapakawo ti jlam je awoki ti kassetia'n pa Sinia' ka iyok samtikie' ka ijwila niwa jlamtis ti isis.

Hechos 16:12

'Yina sek atajla'a ti ajokie 'niji yi'i jlaja Filipos, isi' ti Románojos wuj ti ijiunitis, kajeyepa ti Roma jlele papok yiji jlajak ajnat. Sek kas'wanjliye'e paj ti jlomas 'nak nojwaja'm ti sek awak'i.

Hechos 18:5

Silas jla'yi ja Timoteo 'nes'ni 'ne ti tajlis Macedóniaja, sekyi'i ti Pablo iliyeyi ti isima puwa 'nejes, pajataja jla'am ti 'yu'we ti iyoye'ni jlamtikie', ti ijwil pa Jesús, ti pak Injwajieti ti Sinia' jijliujwanik.

Hechos 19:21

Jlampa yama 'niji siupa iyoyisi, Pablo itienkiun'ni ti iyo'ate: —'Estaja ka ijio Macedóniaja, sekjane'yi ka ijioyena'aja Acáyaja, kayoyena'a 'ate 'niji Jerusalenne. Paj ka yiyena'a Rómaja.

Hechos 19:22

Sekyi'i ti ijliuye siojopo jla'yis, siojopo times, ti iniuye'eje 'niji Macedóniaja, japoka japo Timoteo jla'yi ja Erasto. 'Yina Pablo 'wanjli jlam seka'a Ásiaja.

Hechos 19:29

Jlampa iyoyets'i'ni papo i'nio' yiji japak isi'. Yamisi'ni ja Gayo siu'neje ja Aristarco, siojopo Pablo jla'yis, ji'wet yi' Macedóniaja, ijioyisi'ne ts'e yi'i'ni papo ti kia'iyo ti initotk'i wita'm.

Hechos 20:1

Ti nojwa isia'm siukia iyo papo i'nio', ti jlampa iyoyisits'i'ni, Pablo tanayi papo Sinia' jilis, ti ijliuye ti ijwijla'm siupa 'es ka iniwonisi. Itime ti inijwelayi papo ti iyoyeyi ka inek ti ijio Macedóniaja, itioyi'i ki iyo ti tamti ti 'yakela papo i'nio'. Paj ti yiye Gréciaja,

Hechos 20:3

jika we'lajas najape ti sek yi'i. 'Yina k'iejli pa iyoye'ijyi ka inilan pijia'm ti jota inek, iliyeyiji ti iyotaja ka nekk'i japa kasejkana, iniuye wek ajnatk'i ti yapilie'eje 'niji tajli ti 'nelanjie'e, siojo iniu Macedóniaja.

Hechos 27:2

Akiniek'i 'ne siujlieja kasejkana, siujlieja tajle pet jlaja yajap'ejen'ni jle' iyo'ate Adramitio, ti awak'i ape'e ti iyo kanek ti yapilie'eje 'niji yi'i siojowa yajap'ek'ijin'ni yi' Ásiaja. Jakayi ti sa'yi ja Aristarco, ji'wet yi' Tesalónicaja, siujlieja yiji pet jlaja Macedonia.

Hechos 9:38

Siupapo Sinia' jilis ti t'ijieyet'iyisijpe ti Pedro yi' Lídaja, je tojwape'n jlaja Jope, ijliuyis'ne papo times ka iwojyi'n. Yiyisi ti iyonat'iyisijpe 'ate: —Jlam woni'ni 'ateye ka jo ts'iji Jópeje.

Romanos 15:26

Siojopo si'lijwas Sinia' jilis pet yiji niwa ajnatis Macedonia siu'neje jlaja Acaya, napoka ti jlosikis po', ti 'yina po' jla'a ijiutis wita'm, sekyi'i ijliuyeyisi'ijyi siunapo si'lijwas p'ijliusis pet yiji jana ajnat Jerusalén.

2 Corintios 11:9

Siuti a'yi aska kiowe'e ti lajatak'ipa ka'wi'in, 'yina je asam'ne ka i'winakitie'ni ka k'iejliyeyi japaka 'yasane, jla'm ijiatayi wek jla'am siunapo yi' Macedóniaja ti po' siojokia atajlajaje jakiaka'ne ti ts'esi. 'Yina awotajank'iye ka je iliki siunie aniwonaja ti je a'wenakitie'ni.

2 Corintios 12:7

Siuti Sinia' je iyojonk'iye ka iniwuniti niwak siuniwa ti isis ti jla'am ti i'winkink'i'm, sekyi'i'ne ti iwink'i'm siu'nie iyo ni iwit'ia ti anilayiti ti iyot'i 'ate pa k'itie'n ti 'yita'm ni 'najwes, 'yiniye ka sitiejiejwa imosik intajle ka jlam kiak iwonk'i.

2 Corintios 7:5

Siuti 'nelanjie'e awakie Macedóniaja, ta'a ti iyo 'ni awoki, ti lajk'i japa ka jlomaye ka 'yakajmak. Awaki pi awaki ti istie' ni si'niayi. Yi'i ti poye siunie iyonts'e napo i'nio' ti teje selia'm, yi'i ti ijiate ti sitiej enaja'ni 'ate siuniwa wask'i'nelaja, sekyi'i ti je kasjweyeyi'iji.

2 Corintios 8:1

'Nakayi, i'lijwas, awotajank'iye pet ka 'najanayi paka awonayi siunie Sinia' iyone napo jilis yi' Macedóniaja, ti wuj ti ip'ilisijne'n.

2 Corintios 9:2

kajeyepa ti pajk'i ti sitiant'ieje siunie jiniwonayi pet, ti wuj ti jlemina' ti je jinik'iuye. Naka'ne ni siunie ti ajwejla'm japo Macedonia jlele ti awo'ate, “Ateme wat japo si'lijwas Corinto jlele yiji jlaja ajnat Acaya, ti pajk'i ta'a ti initemis, ti iyo ka inoyeje siunapo p'ijliusis ti kia'iyo Sinia' jilis pet yiji jana Judea.” Jak je iyoyi ti sipe'yayisie ti ajwela, sekyi'i kia'iyoyeyi 'lojwa pet japo kiak iniwone kajeyepa ti itiliajask'i siunie jiniwonayi ti jikimats'iji'n.

1 Tesalonicenses 4:10

siunie jiwonayi papo si'lijwas yiji jana Macedonia. Ijiatjliyi i'lijwas, awotajank'iye ka ak'iuyek'i'm, siunie ti ajlo'wase'm, ka ijiatayi ka aninemina'.