Hechos 16:6 - Sinia' Jlamtis 1994

⁶ 'Yina ti Sinia' jikimet ti 'es je itiliak'i k'iye ja Pablo siu'neje japo jla'yis ka ijnoyisi jlaja Asia, jak je iyoyiji ti iniuyis 'niji yi'i jlaja Frigia, siu'neje jlaja Galacia.

Hechos 16:6 ပူးပေါင်းရင်းမြစ်များ

Lucas 1:2

iyopi siojopo ti i'winis ti 'nelanjie'e, ti jlamis ti iyo wosa' kiwa inamtis.

Hechos 10:19

Jlam'ne je ilitieje'eje ja Pedro ti jitiej yini'ni 'ate siupa iyo pa i'wi'in, Sinia' jikimet takajwejlanat'ijiampe ti iyo'ate: —'Yejne'n, najape napo i'nio' iwojyin'ni.

Hechos 11:12

Sinia' jikimet takajwejlank'i'm ti iyo'ate, “Pedro, ke int'o'nina'a k'iye siunapo i'nio' na'ma. Majk'ina'a.” “Ijiatjliyi akk'i'ne, ijwienjli sikio' itij'we ijwienjli tom'niji japo si'lijwas 'yunin'n ijyik'i sek ji'wet'e. Ayi ja ji'wet siojo i'nio' takajlunk'i, “'Oyeyi”.

Hechos 16:7

Paj ti yiyeyis 'niji yi'i jlaja Misia. Sekyi'i ti iyoyeyisi ka intayis 'niji Bitíniaja, kia' iyoye'ijyi siojopa Jesús jikimet je itiliak'i k'iye.

Hechos 18:23

Jlampa paja'ni seka'a, ti yikiajlayi'iji ti ijioyits'i papo ti ijwienjli tajlap'e, ti iniuyeje papo Sinia' jilis ti 'yakela, siupapo yi'i Galáciaja, siu'neje papo yi'i Frígiaja.

Hechos 19:10

Paj ti jika najkapis timesie ti kiak iyoyi, jak je iyoyiji siupapo i'nio' siupapo tajle japa ajnat Asia, siu'neje papo Judíojos siu'neje papo je Judíojos, tipechiyeyi puwa Sinia' jlamtis.

Hechos 20:16

Kiak iyoyi siukia awoki, kajeyepa ti Pablo je iyo ka pajaja'n Ásiaja, it'imina ti je yam Éfesoje, ti neyat ts'iji Jerusalenne, ti je iyo ka inetiajnati siojokia jloma ti Pentecostés.

Hechos 20:28

Ká anikiwaliye, ni'notatayiji, 'yenayi napo 'eyasajnas Sinia' jilis. Sinia' jikimet ti 'es pajk'i ti inwojwana sontas jiwosa', ka 'yenayi siunapo Sinia' iyo jika kia'lisa', ti takat'ini ape'e pa jlas ji'woyis ti yamayi.

Hechos 20:4

Siojopo 'yunink'i ja Pablo, japoka Sofater, Pirro jlas Berea jlele, siu'neje ja Aristarco jla'yi ja Segundo ti tajlis Tesalónicaja, Gayo ti tal Dérbeje, jla'yi ja Timoteo, Títico, Trófimo ti tajlis Ásiaja.

Hechos 21:27

Jlampa majleyeyi ka nets'i siojokia i'nio 'wanjlijyi'n, 'nesa'nijpe siojopo Judíojos tal Ásiaja, i'wi'in ja Pablo yi'i jlaja 'najla'wet. Ijwisin'ne japo i'nio', sekyi'i t'ekiyejayi ja Pablo, ti isimits'i.

Hechos 6:9

Siupapo Judíojos t'ajla'wet jle' iyo'ate “Inkipijnaspe T'ajla'wet”, papok siupapo iniewiti pa Esteban. Cirene jlele, Alejandría jlele, ijia papo tajle siupuwa ajnatis Cilicia, jla'yi japa Asia.

Hechos 8:29

Sinia' jikimet iyone'ne 'ate: —Maj ka esitk'iye siojona kaleta.

Romanos 16:5

Siu'neje japo si'lijwas ininenisi'ni ji'wet'e japo Prisca siu'neje ja Aquila, ti iyunitis pa Saka'niona, japok atejwile. Siu'neje ja isiecha Epeneto, ti awoyi 'yijejnajwaye, atejwile. Jla'am ti iniane ki inamtik ti iyoyi ti je 'yakakiu pa Sijwajieti, ts'ijiye ajnat Ásiaja.

1 Corintios 12:11

'Yina wikie'eyi niwaka, ti je ijwienjli paka k'iejliyeyi paka jikijmaye kanwone, jlam'ne ijwienjli jla'am siojona Sinia' jikimet ti tajle, ti iwijna'm pi iyo ka iwejna'm.

1 Corintios 16:1

Jayiyiji'ni siojona wikiniet'aj, ti jajiutie'ni wita'm k'iye siunapo Sinia' jilis yiji jana Judea. 'Yina wonayi 'ate siunie awo ka woyi japo Sinia' jilis yiji pet jana Galacia.

1 Corintios 16:19

Wikie'eyi siunapo Sinia' jilis pet ti yi'i jana ajnat Asia itijwi'lase pit, siu'neje japo Aquila, Prisca, siu'neje napo Sinia' jilis siojopo yinisik'i'ni ji'wetits'ik'i ti nojwatajas wita'm, kia'iyo itijwi'lase, injwanjliyeyik'i ni iyo pi Saka'niona.

2 Corintios 1:8

I'lijwas, awotajank'iye ka 'najanayi ti siuti a 'nijiye yi'i jlaja ajnat Asia, wuj ti kiojieti ki yik'i, paj ti ijiatayiji ti je ato'm ilia'm, jlaje. Sekyi'i anilekie'ni jiwek, kajeyepa ti je aninaye'e.

Gálatas 1:2

Ya'am, wikie'eyi siu'napo si'lijwas yi' ijiap, atejwila'ase, asa'am ti jleyejyi janak ajnat Galacia, ti Sinia' jilists'ase'm.

Gálatas 3:1

¡Ijiate wat ti 'ne'liats'ase'm, asa'am ti Galacia jlele'ase'm! Jlam'ne siuti 'eyasanajyi'n, 'yiniye ka ijiatayiji ka astate i'we'en pi Sijwajieti Jesús, sekyi'i ti intant'iejayiji, jla'yi ti 'yiniye ka 'wenayi ti yi'i japa cruz ti tik'iejwata'a. 'Es ti jik'iuyek'i'm, ¡'ye'en, 'nakayi 'yiniye ka poye paka aye'wuye ka 'neyasana', ti it'imina ti ikajyi'n siunie astankiujnieye ti 'es!

2 Timoteo 1:15

'Najane ala pi jiwone ti pajk'i ilik'i siojopo ji'wet jana ajnat Asia, ejlo'ne ka japokataja ja Figelo siu'neje ja Hermógenes.

2 Timoteo 4:10

Demas lapakawo ti yimi'n siu'niwa wask'i'nelaja yi'i 'ni ajnat, it'imina ti ilik'i, 'nakayi teje 'niji Tesalónicaja. Jlampet ja Crescente ijio 'niji Galáciaja, 'yina Tito teje Dalmáciaja.

Hebreos 11:8

Siupa Abraham ti je 'yakakiu pa Sinia', jak je iyo ka t'onieyi'i pet k'iye ti tanayi, sekyi'i iwise'ni siupa ajnat Sinia' pajk'i ti ijwijla'm ti yikiajle ka ne'yi. Jak je iyoyi siuti yamat'ipi ti janjlase japak ajnat tijwelaja'm, 'yina jlam ya'am jiwekie'e ti je 'yijene paka intajyi.

1 Pedro 1:1

Atejwi'lase i'lijwas, asa'am ti inetianajyi'n ape'e ni ajnat, ti jiwaye'yi niwa ajnatis ti je as'wet, ti jleyejyits'i niwa ajnatis ti jayitink'i'ni: Ponto, Galacia, Capadocia, Asia, janaka 'neje jana Bitinia. Ya'am Pedrok'i'm, Sijwajieti Jesús jijliujwanik'i'm, asa'am ti atajiet'ase ni ip'isinik. Asa'am ti Sinia' pajk'i ti isi'mase'm, lapakawo ti jlam jla'am ti tajle siunie iyo'nase, jla'yi ti ilesana ti inlejayi jana jikimet ti 'es ka k'iuyeyi ti jla'am pa Sinia', jla'yi ti ka lajak'i pa Saka'niona 'woyis ti insisieyi ti ilij ki iyo niwa askeyis. 'Esiji ka Sinia' wujwa ka imp'elisina', 'nakayipe ti ja akamaja.

Apocalipsis 1:11

ti iyonk'i 'ate: —'Ete'e siuniwa ji'we'en, 'yina e'ne pa imp'esinikie. Sek jane'yi ka jloyeyinie'e siunapo Sinia' jilis yiyits'i siuniwa ji'wetis ijwienjli sikio' itij'we times tom'niji yiji janaka ajnat Asia: Sinia' jilis yiji jana Éfeso, siunapo yiji jana Esmirna, siu'neje jana Pérgamo, siojona Tiatira, siojona Sardis, siu'neje jana Filadelfia, janaka 'neje jla'am siojona Laodicea.

Apocalipsis 1:4

Ya'am Juank'i'm, ya'am ti ajloyi siu'nie imp'esinik siojopo Sinia' jilis yiyits'i ni ji'wetis ijwienjli sikio' itij'we times tom'niji, yiji pet siojona ajnat Asia. Siunie Sinia' jikap'ijliuskiye siu'neje na askamankiye ti jitiajlayiji siunie ti jla'am jane'yasap, siu'neje na ti 'nelanjie'e t'ipi ti po' ta'a, siu'neje na ti ja'nejts'eje, tajle 'neje jla'am napok ijwienjli sikio' itij'we times tom'niji Sinia' jikimet ti 'es ti initaj ti ijniul wita'm ti teje'yi siupa yi'iji'n ti jla'am ti anechiyas.