Hechos 16:16 - Sinia' Jlamtis 1994

¹⁶ Po' jakia jloma ti akinie'ni ti ajoki siojo ininene'e'ni japo ti iyo t'ajlayeja', sek a'wena'a'ne jlaja jlosie ti imosik yiji, jijweye iwijna'm ka 'nakajanitk'i ape'e papo i'nio' siupa iyoyi. Inkipinki jlajaka jlosie, wuj laja wikiniet'aj 'yakajli siojopo i'yena, ka lajak'i jlajak siujlieja jlosie siupa iyo ti isimataja'n.

Hechos 16:16 ပူးပေါင်းရင်းမြစ်များ

Hechos 16:13

Siojokia jloma ti i'nio 'wanjlijyi'n, akinieja'ni ti ajoki ja tewuk, tojmap ts'ijiye jlaja isi', yi'i 'ni japo Judíojos ti iyoyetajas t'ajlayeja'. Ti awakieyi, asejniayep'ajne napo a'wena ti initotk'i wita'm. Sekyi'i ti awakiek'iji'n, awokieyi siunie awoki ti amtiyeje k'iye na Sinia' jika'niye ti 'es.

Hechos 16:18

Je ijwienjliyiji ka kiak je iwo'ni, ti nam'ni sek'i, paj ti Pablo 'netajayi. Sekyi'i ti tejeye ilia'm, iyone'ne 'ate siupa imosik pa yiji: —Etijnape pa Saka'niona Jesús jle' ti Sijwajieti, ¡tajli siujlie'e asejnia! Ka pajayi wata'a ti iniuye kisie'e siupa yiji, jlajaka asejnia.

Hechos 16:19

Siojopo i'yena jlajak asejnia, ti i'winayis ti lajk'i japa ka iwo'ni jika wikijnies t'ejesa', sekyi'i isimits'i'ne japo Pablo jla'yi ja Silas. Yamisiji'ni japo anechiyasas ti iyo'ate,

Hechos 19:24

I'nio' pa jle' iyo'ate Demetrio pak itiajlat ti 'nelanjie'e, siupa wikijnies jlotis jiwo, ilisane'ni niwa k'iejliyi yi'ne'ni pa jipe'el japa dioski Artemisa. Wuj japa wikiniet'aj 'yakajliji'ni siupa jikijmaye iyo, ti jla'yis'ni papo ijia.

Gálatas 5:20

Po' napo yamisi siunie iyo niwa sisajma'l ti tewitanajak'i pi k'iejliyi ti iyunitis, siu'neje ti yame ti iyo aye'wula. Ne'wajamk'i napo ijia, yimi'n ti iniewiti napo ijia; jla'yi ti elijietas; jijwesi je tojwits'i; takalakijiejne'n; 'yakajyi'n napo ijia ti ijwienjli yita'a.

1 Timoteo 6:10

Kajeyepa siunie jijwetis wikie'eyi niwaka je isis, naka ti inemijnaye tena'a jana wikiniet'aj, jla'yi siunapo ti jitienkiujnieye ipijlanitia'm, ti iyojonk'iye ka jlomas intejwe ka je inetiane janak wikiniet'aj, napoka napo yiyi ts'iji initiajnat ni jitienkiujnieye ti 'es, 'yaka ijlie'en, sekyi'i wuj ti inilayiti ti iyo ni jijliak'ali ti iyo ti yiji ni jlosik.

2 Timoteo 3:8

I'nio' siunapo ajwel'ni napoka napo ti netia'n ni jlosik iyo ti 'es, je ika paka iwo, teje'yi ilia'm ni siunie ijiate ti 'es iyoye'ate siupapo i'nio' t'ipi aye'wu'l Janes, siu'neje pa Jambres, ti teje'yi ilia'm pa Moisés t'ipi.

2 Pedro 2:3

'Yina ti jwesiejayisink'iye ka 'wena jana wikiniet'aj, napoka i'nio' jawo jlamayisi siuniwa askijmatis ti ji'wena ti jajna'lase, kajeyepa ti ja ke jwajla'aja siunie jawoyi ni jika'neyasajnaye. 'Yina ke injlak'alak'i wita'm, kajeyepa ti ja jlaj poye siunie iniwonisi, 'yina pajk'i ta'a ti wakal siunie inijijwijyink'iye, naka ti Sinia' jan'ye'en siunie jitis iyo. 'Yina ja lajak'i pa ka iniwonisi, ja ke injwayisi siunie jiliaye.