Hechos 16:13 - Sinia' Jlamtis 1994

¹³ Siojokia jloma ti i'nio 'wanjlijyi'n, akinieja'ni ti ajoki ja tewuk, tojmap ts'ijiye jlaja isi', yi'i 'ni japo Judíojos ti iyoyetajas t'ajlayeja'. Ti awakieyi, asejniayep'ajne napo a'wena ti initotk'i wita'm. Sekyi'i ti awakiek'iji'n, awokieyi siunie awoki ti amtiyeje k'iye na Sinia' jika'niye ti 'es.

Hechos 16:13 ပူးပေါင်းရင်းမြစ်များ

Mateo 13:2

I'ye'en ti 'lojwa japo i'nio' ti inijwoseje, sekyi'i ti tisiomajiam'ne jlaja kasejkana, yiyeje'n, jlam'ne japo i'nio' yiyisk'iji'n jikiuts'i jlaja tewuk iliyi.

Marcos 16:15

Siupa ti iyone 'ate: —Maye'ni tejwa'yi ape'e 'ni ajnat, ti jajwelajia'm napo yi' ape'e siunie inka'niye ti ijwi'il niwa Sinia' jlamtis ti isis ti ijwil jana injwajieti.

Lucas 13:10

Yit'iyipe japa jloma, ijyiwitajam'ni siojopa jloma ti i'nio 'wanjlijyi'n, Jesús taka'neyasa'n yi'i japa 'najla'wet.

Juan 8:2

Siukia ti jlomaye'eje ti k'iejli mot, yapilieyi'ijyi jlaja 'najla'wet. I'nio' 'yakapajlayisi, sekyi'i yiyeje'n ti 'yiyasajne'n japok i'nio'.

Hechos 13:14

Yamat'iyis'nijne, yiyet'iyispe Antioquíaja siojopa yiji japa ajnat Pisidia. Japaka siojopa jloma ti i'nio 'wanjlijyi'n 'yuyet'iyisipi papo Judíojos ti iyoyis t'ajlayeja', sekyi'i yiyet'iyisimpe paka'a.

Hechos 13:42

Pablo siu'neje japo jla'yis, ti iniuyet'ik'ipe kisie'e ti tajlis kiajwe japa t'ajla'wet papo Judíojos, ijliuyet'iyisijpe ja Pablo, ti iyo'ate: —Apiliemetna'aja, jane'yi japa jlomaye, siuka netiejenie'eje siojopa jloma ti i'nio 'wanjlijyi'n, ti jajwelakiu'ujwe niwaka.

Hechos 16:16

Po' jakia jloma ti akinie'ni ti ajoki siojo ininene'e'ni japo ti iyo t'ajlayeja', sek a'wena'a'ne jlaja jlosie ti imosik yiji, jijweye iwijna'm ka 'nakajanitk'i ape'e papo i'nio' siupa iyoyi. Inkipinki jlajaka jlosie, wuj laja wikiniet'aj 'yakajli siojopo i'yena, ka lajak'i jlajak siujlieja jlosie siupa iyo ti isimataja'n.

Hechos 16:6

'Yina ti Sinia' jikimet ti 'es je itiliak'i k'iye ja Pablo siu'neje japo jla'yis ka ijnoyisi jlaja Asia, jak je iyoyiji ti iniuyis 'niji yi'i jlaja Frigia, siu'neje jlaja Galacia.

Hechos 17:2

Pablo siupa iniwone, ti yiyetaja japa isi', 'yuyi'ni japa 'najla'wet, ti yiyetaja siojopa jloma ti i'nio 'wanjlijyi'n. Kiajatak'i'ni puwa jlomas paj ti itijwa isia'm puwa i'nio 'wanjlijiyis najape, iyone'ne 'ate papo i'nio': —Sinia' jlamtis yi'i 'ni ji'wet ijwi'il pa Sinia' jijliujwanik ti Injwajieti, ti ja wujwa ti janilayiti siupa ja tiwonaja ti ja tiliana. 'Yina jano kisie'e ti jantajli pa a'no'. Siunie Jesús ti je pajk'i ajwel'ni, nak Injwajieti ti Sinia' jijliujwanik.

Hechos 18:4

Yiyi japa jloma ti i'nio 'wanjlijyi'n, ijioyeyi'ijyi japa t'ajla'wet papo Judíojos, ti takamtijniene, siu'neje papo je Judíojos, jlam 'yijijienta'a ka namitis isia'm puwa Sinia' jlamtis.

Hechos 20:7

Siojokia jloma inkijmaye, anitotiek'i'ne wita'm ti anikijwana ti a'yaki jakia Saka'niona Jlak ti 'Es. Pablo iyo jlamtikie' k'iye japo i'nio', paj ti je k'iejeyeyi'i, paj ti ajnaj kioweja ti je iliyi. 'Yina ti 'yakatate ti iyo jlamtikie', kajeyepa ti iyo ka nek jakayi siukia ti k'iejli mot.

Hechos 21:5

Ti awakiek'i siukiwa jlomas aninenaja, sekyi'i ti akinieja'ni ti jatiajlaja japo si'lijwas. Pajlat ti namisek'i kisie'e jlaja isi', jijwa'yis namisik'i pet, jilis kia'iyojliyi. Ti awakie jikiuts'i ja i'niat lajlik'i, sek awak'i ti ts'akosjlete'l ateyejayijk'iji'n, ti awok ts'ajlayeja', kaswikie'eyi ti awok ts'ajlayeja'.

Hechos 9:20

Ijioyits'i puwa Judíojos t'ajla'wetis, ti ijwijla'm papo i'nio' ti Jesús pak Sinia' jlas.

Gálatas 3:28

'Yina je a'yena ka Judío pa, ni'ne ka nakaye ni je Judío. Je a'yena ka inkipinikie' pa, ni'ne ka jeye, siu'neje ka ayinieja' pa, ni'ne ka asejniaye japa. Kajeyepa siuti jini'nopijietayi ni Sijwajieti sekyi'i ti ijiatayi ti injwanjliyeyik'i.

Colosenses 1:23

Jak je iyoyiji je 'esiji ka leyeyi siunie astankiujnieye ti 'es; ká anitajlina', nit'onitie pijia'm, ká alanayi wita'm siojona asnejejwiye ti tajle pak Sinia' jika'niye ti pajk'i ti jipe'yaye. 'Yina siunie inka'niye itij'w ape'e 'ni ajnat ti tijwela, siuti ya'am ti Pablok'i'm, ya'am ti Sinia' jikawok'i'm.