Hechos 15:9 - Sinia' Jlamtis 1994

⁹ Kiak iyoyeyi, siunie iyonts'ejepi, ti ilij ni sosik, ti ijiatayiji ti atankiunieje.

Hechos 15:9 ပူးပေါင်းရင်းမြစ်များ

Hechos 10:15

Pesiejat'iyi'iji siupa ina'lap ti iyo'ate: —Ká ajwel ka je 'esie siunie Sinia' pajk'i ti 'yotat.

Hechos 10:28

Pedro iyonat'iyijpe 'ate papo i'nio': —Mejla'ala ka je 'najanayi ti je 'esiji napo Judíojos ka 'nojia'm papo i'nio' 'wenayeyi. Je int'ayeyiji'n 'neje siunie ti je 'esiji ka 'wenayeyi ka 'no ji'wuk kiajwe. 'Yina Sinia' ts'eyasane ka je ts'achiye paka ne'yi pa.

Hechos 10:34

Ti Pedro 'nelanjie'e iyoye jlamtikie', kiak t'ipa iyoyeyipi: —'Yejne'n, 'nakayi k'iejliyi ti ts'ajane pa awone ti Sinia' je i'winakit paka i'nioye siunie iyo ni jlemijnaye ti yi'ne napo i'nio',

Hechos 11:12

Sinia' jikimet takajwejlank'i'm ti iyo'ate, “Pedro, ke int'o'nina'a k'iye siunapo i'nio' na'ma. Majk'ina'a.” “Ijiatjliyi akk'i'ne, ijwienjli sikio' itij'we ijwienjli tom'niji japo si'lijwas 'yunin'n ijyik'i sek ji'wet'e. Ayi ja ji'wet siojo i'nio' takajlunk'i, “'Oyeyi”.

Hechos 14:1

Ti Pablo jla'yi ja Bernabé yiyis Icóniojo, 'yuyisi'ni papo Judíojos ti yiyis kiajwe japa t'ajla'wetis. Iyo'ate ti yiyis Antioquíaja, ti tipe'yakie ti iyoyis jlamtikie', 'loj papo i'nio' iyo jlosikis ink'iejyisa', Judíojos siu'neje papo je Judíojos.

Hechos 14:27

Ti 'nesat'i'nijpe, tanat'iyipi papo i'nio' Sinia' jilis ti initotisk'i wita'm ti ijwijla'm wikie'eyi siupuwa Sinia' iyone, jla'yi ti iyo 'niayija papo i'nio' je Judíojos, ka kia'iwo ka intankiunisi pet pa Sinia'.

Romanos 3:22

Sinia' jla'am ti ilisajne'n siunapo ti je 'yakakiuyis ni Jesús ti Injwajieti Sinia' jijliujwanik. 'Yina kiak iyone 'neje wikie'eyi siunapo je 'yakakiu kajeyepa ti je i'ye'en paka t'oniyeja' paka i'nioye',

Romanos 3:9

Siuti kia'iyo, ¿ti sa'am ti Judíojosts'e'm samt'e ti a'na ape'e siunapo 'wenayi? ¡Jeyi! Jlam'ne pajk'i ti a'wena ti sam ti Judíojosts'e'm, siu'neje napo ti je Judíojos, lajk'iyipa ka int'ane pijia'm. Kasjnojlits'i ti awak kiajwe ni siunie je 'es.

Romanos 9:24

Je samkata ti sa'am ti atajlaja'm pet napo Judíojos ti tants'e, siupet ti asa'am ti jitiajlayi siunapo je Judíojos kiak jiwoyeyi i'yajts'ase pit.

1 Corintios 7:18

Siuti Sinia' tane, siunie ti po' siunie tiwonat'iyipi ti iyo kia'leja', ti t'isie'n jiwa tejwak'i, je 'es ka injwek pet naka. Jlampet ti Sinia' tane siunie ti lajk'ipa ka neyi naka, tiwonat'iyijipi papo kia'lis, 'esiji pet ka je jwesiejayijink'iye ka kiak tiwonaja.

Gálatas 3:28

'Yina je a'yena ka Judío pa, ni'ne ka nakaye ni je Judío. Je a'yena ka inkipinikie' pa, ni'ne ka jeye, siu'neje ka ayinieja' pa, ni'ne ka asejniaye japa. Kajeyepa siuti jini'nopijietayi ni Sijwajieti sekyi'i ti ijiatayi ti injwanjliyeyik'i.

Gálatas 5:6

Jak je iyoyi siunie ti ini'nopijieteje ni Sijwajieti, 'yina 'wanjliyi ka kia'iwo pa ka kiak tiwonaja ka t'isie'n jiwa tejwak'i, ni'ne ka lajak'ipa ka neyi naka. Jla'm ijiate jla'am siunie sitienkiujnieye ti 'es ti po' ti laja po', 'yina naka'ne siunie ti janwo asemijnayeja', ti ja ena'yi napo as'lejwas.

Efesios 3:6

'Naka siu'nie ti Sinia' ip'io'n ape'e ti ka lajak'i niwa Sinia' jlamtis ti ijwi'il ni injwajieti. It'imina 'nakayi napo ti je Judíojos kia'iyo jikimetayis pet siuniwa isis wask'i'nelaja tajle pi Sinia' ti jla'm ilisan'ni k'iye napo jilis, iyo'ate iyo napo Judíojos. Je pi iyoye 'ate ti pajk'i, ti ijiate ti 'wenayiji ijiaja napo Judíojos. Jak je iyoyi siunie Sinia' pajk'i ti ijwil'ni, kia'iyoyeyi pit tijnaye'e pet, 'yina ti pakayi pet ti Sijwajieti Jesús iyoyeyi siupi iyo.

Colosenses 3:11

'Yina je 'esiji'ne ka poye paka in'yene ka jikiecha ti Judío, ni'ne ka nakaye je Judío, ni'ne ka nakaye siunie jikiecha siunie ti po' ni tiwonaja ti t'isie'n jiwa tejwak'i, ni'ne ka napokaye siunapo ti lajk'ipa ka neyi ka kiak tiwonaja, ni'ne ka nakaye siunie ajnat 'wenayi jana tajla'm, siu'neje ni 'lan jlele, siu'neje ni inkipinik, ni'ne ka nakaye siunie ti je inkipinik. Ke iwo pa ti Sijwajieti ijwienjli lajk'ipa kawo'ate ni laja iyo, siu'neje ti jla'am ti ijwienjli inena'yi.

1 Pedro 1:22

'Nakayi siuti jik'iuyeyi niwa Sinia' jlamtis ti ijiatk'i, sekyi'i ti je k'emijieta napo as'lejwas ti i'namajayi kajeyepa ti jilija niwa asosikis. Jak je iyoyiji'ni siuti janikimayi siunie asemijnaye, pejlati'n ni asjweye siu'neje ni asosik nayi wita'm ti jawoyeyi.