Hechos 15:7 - Sinia' Jlamtis 1994

⁷ Jlampa je k'iejeyeyi'i ti tamtits'iji'n, Pedro takasit'ne ti iyo'ate: —I'lijwas, 'najanayi ti siuti a' aska kiowe'e, Sinia' pajk'i ti isimk'i'm ti ijniejietk'i'm siunie isijmaye ka yikiji siunapo 'wanjli witame ti iyoyi ni je 'es niwa Sinia' jlamtis, ja 'nakayeyi pet ti jantant'iejesi ni Sinia'.

Hechos 15:7 ပူးပေါင်းရင်းမြစ်များ

Juan 15:16

Je 'nej 'ninta ka asama ka akimak'i'm, ya'am ijiate ti aki'mase'm. Sekyi'i awo'ne ka ijliuye ka akinie'ni, ka je piniye siupuwa ka asaye ka intajla aswa'm ja ke int'eki. Ja'nakayeyi pet ni Inia' ja k'iejliyeyi siupi jisitiana' ti ja 'ajlayi, janwe'nase'm kajeyepa ti jasetina.

Juan 3:27

Tamti'ne ja Juan ti iyo'ate: —Lajk'ipa ka neyi ni i'nio' siuti Sinia' ka je jla'm ka inwejna'm pi k'iejliyi.

Hechos 1:16

—I'lijwas, lapakawo ti yiyi jana jloma tenat'iyipi, Sinia' jikimet ti 'es iyont'iyijipi pa David ti ijwi'il pet, ti yi'i ni ji'wet, ti ijwi'il kia Judas masa. Kiak sa'yitape, ti iniutiejeje ja Jesús kawo jlamtikie' niwa Sinia' jlamtis. 'Yina je pajtaja ti iyoyeyi siunie iyo, ti iniank'iye japo i'nio' ti isimisie'e ja Jesús.

Hechos 1:24

T'ajlat'ijyimpe, iyonat'iyisijpe 'ate pa t'ajlaye: —Saka'niona, a'am ti intant'ieje ni jlosik ni i'nio'. Awoktajank'iye ka apayiyi sik'ioye siupa a'am pajk'i ti jiki'me siu'napo times,

Hechos 10:19

Jlam'ne je ilitieje'eje ja Pedro ti jitiej yini'ni 'ate siupa iyo pa i'wi'in, Sinia' jikimet takajwejlanat'ijiampe ti iyo'ate: —'Yejne'n, najape napo i'nio' iwojyin'ni.

Hechos 10:20

Kasit, maj, sojmajyi'n. Ká akakiunie'e, majk'ina'a. Yam ajlo'ojwe napoka.

Hechos 13:2

Yit'i'yipe pa jloma, 'yina ti initotk'i'ni wita'm ti ijwilis pa Saka'niona jla'yi ti iyunitis pa Sinia', siu'neje ti ininel'liajanitis, Sinia' jikimet ti 'es iyone'ate japo: —'Wena jotieyi pet its'ioye 'na Bernabé jla'yi 'na Saulo, 'yaka yam ti aki'me ti atajieta ni isijmaye.

Hechos 15:14

Ape'yak 'na Simón ti ijwilts'e'm ti 'nelanjie'e Sinia' ip'ilisijne'n napo i'nio' je Judíojos, ti iyoyeyi ka iwo jika kia'lisa'.

Hechos 15:2

Pablo siu'neje ja Bernabé wuj ti iniewiteje'n papo i'nio', jak je iyoyiji'ni yiyits'ijiye, jlamayis ti tikima'ak'i siu'neje papo ijia ka ijnoyi japo injlojwajnas siu'neje papo ti ijiatt'iyijipe ti Sinia' jilis yiji jlaja Jerusalén, kan'yenis pak siupa iyoyisi ti initajlatisi.

Hechos 15:39

Wuj wata'a siupa iyoyisi ti je ijniul wita'm japo Pablo, paj ti ini'wenakitiet'iyispe. Bernabé jla'yi pet ja Marcos ti yamisk'i japa kasejkana ti ijio Chípreje,

Hechos 20:24

Ejlojli wekie'e, 'yina je awoyi yitinikie' niwaka, kajeyepa ka ikajli wata'a ts'iji ka yitak'i siu'nie yaj jane'yi, siu'nie awo ti akk'i, jla'yi ti aki ni inka'niye ti tajle ni Sinia', siunie Saka'niona Jesús yikialk'i, naka ni Sinia' jikap'ijliuskiye. Wuj ti ts'ajkaj'ni ti kia'iyo.

Hechos 21:16

'Nak nojwaja'm japo si'lijwas tal Cesaréaja 'yuninsek'i. A'nesa'ni ti kassokiejayiji ja sikiecha Mnasón, tajle jlaja ajnat jle' iyo'ate Chipre, inamtik jiwo paj t'ipi. Awakiap'ne kajeyepa ti iyo si'weta'.

Hechos 3:18

'Yina Sinia' yame siupa iyont'iyijipi papo jijwejlanawos, ti ijwijla'm puwa jlamtis ti iyo'ate, “Ja'nes ni Injwajieti ti Sinia' janjlo', jlam wuj ti janilayiti ti ja tiliana.”

Hechos 4:25

Jijwejla'm pa akawo David, ka lajak'i japa akimet ti 'es ti yamtijie'n ti iyo'ate: “¿Yot'iyi'ni ti jwesis napo i'nio' yi' ape'e 'ni ajnat? ¿Yot'iyi'ni ti iyo kawoyisi siunie ti laj lajaye?

Hechos 9:15

'Yina Ananías Sinia' jlam iyonjliyi 'ate: —Maj joyi, lapakawo ti ya'am ti aki'me nak i'nio', jla'am ti ja sijwe'el, jla'yi ti jawo jika'niyejayi siunapo i'nio' lajk'iyipa kawo, siu'neje napo jika anechiyasas, siu'neje napo Israel jika kia'lis.

Filipenses 2:14

Siuti ja k'iejliyeyipe pi jakimayi, ká anilakiye'yi. Ká anawitie,