Hechos 15:30 - Sinia' Jlamtis 1994

³⁰ Ti itimat'iyisijpe siupuwa jlamtis ti ilisanisi, sekyi'i ti inijwelat'iyipi japok, siojopo yame pa imp'esinik, yam'ni'ne ti ijioyis Antioquíaja. Ti 'nesat'i'nijpe, siojopo Sinia' jilis initotk'i'ne wita'm, sekyi'i ti yikiajlayisi siupa imp'esinik titiunkinaja.

Hechos 15:30 ပူးပေါင်းရင်းမြစ်များ

Hechos 11:19

Jlampa titimajat'iyijpe pa Esteban ti tiliana, iyoyeyi siupa iyo papo i'nio' Sinia' jilis, ti wuj ti inilayiti, ti tejeye ilia'm siupa iyoyisi. Jak je iyoyiji'ni po' papo i'yiltan'ni 'niji yi'i japa Fenicia, ijia papo i'yiltane japa ajnat jle' iyo'ate Chipre, ijia papo ijio Antioquíaja. Yiyi siupa i'yiltanisi jlam ijwiljlijia'm puwa Sinia' jlamtis, papokata tijnayits'i papo Judíojos.

Hechos 11:20

'Yina po' pet siupapo tal Chípreje, siu'neje papo tal Ciréneje, ti tijnayits'i pet jlaja isi' Antioquía, ti iyoyis jlamtikieyi siupapo je Judíojos ti ijwi'il pa Jesús ti Saka'niona.

Hechos 11:27

Pakat'iyik'ipe siupapo Sinia' jijwejlanawos tal Jerusalenne ti ijioyis 'niji Antioquíaja.

Hechos 15:22

Ti itimayi ja Santiago ti tamti, siojopo injlojwajnas siu'neje japo i'nio' jle' po', wikie'eyi japo Sinia' jilis, iyoyet'iyisipi ka inkimits'i japo ti i'yejni'ni siojopo yiji, ka iwoyis jla'yija ja Pablo, jla'yi ja Bernabé, ti ijioyis 'niji yi'i jlaja Antioquía. Isimits'i'ne ja Judas, siukia jle' kiecha iyo'ate Barsabás, siu'neje ja Silas, times napoka ti wuj ti ijia jitiej iyoma.

Hechos 15:31

Itimisi ti yamtijienis, je jlase' pi iyo ti inkase'n, lapakawo ti iniuyeje siupuwa inamtis yi'i pa imp'esinik.

Hechos 16:4

Isi'il pa iniuyits'i ti t'iskiunk'iji'n, ijwilayisia'm papo i'nio' siupa iyo japo injlojwajnas jla'yi siojopo i'nio' jle' po' i'yena japo ijia Sinia' jilis yiji jana Jerusalén, ka kiak iniwonisi siupa iyo ti ijwijla'm.

Hechos 21:22

“¿Tepat'e janiwonaja siuti kia'iyo? Janjie'ya ti ji'nis 'naka'a.

Hechos 23:33

Ti 'nesa'ni, yikiajlayisi ja anechiyas siukia imp'esinik titiunkinieje. Yamtijiena ja anechiyas, itime ti jiwekie'aja ti tekiajlaja ja anechiyas ja Pablo. Sekyi'i ti i'yasayiji'n siojopa ajnat ji'wet yi'i ja Pablo. Ti 'yijenayi ti tal Cilíciaja iyo'ne 'ate siojo anechiyas: —Je ijiat ka je ipi'ya ka 'nesta'nina'a siupapo 'yijene siupa ates iyo. Takajlunieyi ka tokiji siupa anechiyas t'ipi Herodes ji'wet ka sek tena'a, ka wujwa ka ti'yenaja.

Hechos 6:2

Sekyi'i japo itij'we niwa sikioye times tom'niji injlojwajnas ijiut'nek'i wita'm wikie'eyi papo Sinia' jilis. Iyone'ne 'ate: —Ajwel'ni je 'esiji ka iliki ti awok'ni samtikie', sikio' je ijioyi ka iyoki kajeyepa ti sa'am ti awena siu'nie inak.