Hechos 15:3 - Sinia' Jlamtis 1994

³ Sinia' jilis siojopo yiji jlaja Antioquía japok ijliu' japo Pablo. Iniuyeyits'i jawa ajnatis Fenicia, siu'neje jlaja Samaria, ti ijwilk'i papo siupa iyo papo je Judíojos, ti iyo jlosikis ink'iejyisa'. Wuj ti inkase'n japo i'nio' Sinia' jilis ti 'yijenayi pi iyone.

Hechos 15:3 ပူးပေါင်းရင်းမြစ်များ

Lucas 15:32

'Nakayi ti awok siliakijnieyeja' 'yu'we kajeyepa ti kaskask'i wita'm. Siunie a'yini ti 'yalta'ne, 'nakayi 'wasa'n. Netian'ne, 'nakayi a'wena”.”

Hechos 1:15

'Yina po' japa jloma siupapo Sinia' jilis initotisk'i wita'm ciento veinte papo i'nio' t'ipi. Sekyi'i ja Pedro ti takasitiet'ipi, iyoyet'ipi 'ate:

Hechos 13:48

I'nio' siupapo je Judíojos ipi'yayis ti kia'iyo, wuj ti inkase'n. Iyoyet'iyispe 'ate: —¡Wuj wata'a ti 'es 'ni Saka'niona jlamtik! 'Yina siupapo Sinia' ijniejiet'e japa in'wasankiye ti laj jlaja, papok'ne siupapo iyo jlosikis ink'iejyisa'.

Hechos 13:52

'Yina wuj ti jikanitieyi po' jla'yi japa Sinia' jikimet ti 'es tipoyiji papo Sinia' jilis.

Hechos 14:27

Ti 'nesat'i'nijpe, tanat'iyipi papo i'nio' Sinia' jilis ti initotisk'i wita'm ti ijwijla'm wikie'eyi siupuwa Sinia' iyone, jla'yi ti iyo 'niayija papo i'nio' je Judíojos, ka kia'iwo ka intankiunisi pet pa Sinia'.

Hechos 15:1

Pak siupa jlomat'ipi siupapo i'nio' tal Judéaja ti ijioyis 'niji Antioquíaja, 'yiyasajne'n papo i'nio' ti iyo'ate: —Siuti ja ke ajwankita ka woyeyi siunie iyo ni Moisés jika'neyasajnaye, ti tejwak'i ni t'isie'n ni kia'le, ja ke 'najanayi siupa janiwonayi ka ajwaye.

Hechos 15:12

Itime ti tamti japoka, ti takasitie t'ipi pet ja Pablo jla'yi ja Bernabé. Ijwil pet pa Sinia' iyone, ti 'yakajli ti ilisane siupuwa a'tisk'iji'n wask'i'nelaja, siu'neje puwa iniank'iye siupuwa ja'nakaj ts'ijiye, jitieyi'i papo i'nio' je Judíojos. Ti yiyeyi puwaka yaka jla'm iwo japo i'nio' 'yakamaja ti its'iuyisie.

Hechos 15:22

Ti itimayi ja Santiago ti tamti, siojopo injlojwajnas siu'neje japo i'nio' jle' po', wikie'eyi japo Sinia' jilis, iyoyet'iyisipi ka inkimits'i japo ti i'yejni'ni siojopo yiji, ka iwoyis jla'yija ja Pablo, jla'yi ja Bernabé, ti ijioyis 'niji yi'i jlaja Antioquía. Isimits'i'ne ja Judas, siukia jle' kiecha iyo'ate Barsabás, siu'neje ja Silas, times napoka ti wuj ti ijia jitiej iyoma.

Hechos 15:32

'Yina ja Judas jla'yi ja Silas, ti po' pa yiyisi ti Sinia' iyojwa'n jijwejlanawosa', it'imina'ne ti wuj ti 'yakela japo ijia.

Hechos 15:4

Pablo siu'neje ja Bernabé ti 'nesat'iyis'nijpe Jerusalenne, siojopo Sinia' jilis siu'neje japo injlojwajnas, siu'neje japo i'yena japo ijia Sinia' jilis, japok wuj ti 'es ti i'ye'n ilia'm. Sekyi'i ijwijla'm wikie'eyi siupa Sinia' iyone.

Hechos 17:15

Pablo jla'yis po', je iyo ka leyisk'i, paj ti yiyeyis Aténasse, siojopa isi' wuj. Paj ti yapilieyi ts'iji Beréaja, yamisi siupa ji'lij ja Pablo ti ijliuye ja Silas jla'yi ja Timoteo ti iyo'ate: —Ká apajanitiek'inie'e ka joyek'i.

Hechos 20:38

Pak ilia'an japo ti jitiej yinisi'ni 'ate siupa Pablo 'lij ti iyo'ate, “Ka pajana'a ka si'wena'.” Sekyi'i yamayisik'i ti ijioyeyi jlaja kasejkana.

Hechos 21:5

Ti awakiek'i siukiwa jlomas aninenaja, sekyi'i ti akinieja'ni ti jatiajlaja japo si'lijwas. Pajlat ti namisek'i kisie'e jlaja isi', jijwa'yis namisik'i pet, jilis kia'iyojliyi. Ti awakie jikiuts'i ja i'niat lajlik'i, sek awak'i ti ts'akosjlete'l ateyejayijk'iji'n, ti awok ts'ajlayeja', kaswikie'eyi ti awok ts'ajlayeja'.

Hechos 28:15

Jlamp'an 'ne pajp'ank'i ti t'ijiets'e japo si'lijwas Sinia' jilis ti ja'nisa'ni, namat'ipi selia'm ts'e yi'i jlaja Foro de Apio, awaki jlaja In'ya'a Ji'wet Najape'eje'n, sek ani'wenajayi'iji napo ijia. Pablo, ti i'wina japoka si'lijwas, iyoye jinikanitiejayi pa Sinia', sekyi'i ti jijweye poye'eje.

Hechos 8:14

Siojopo injlojwajnas ti t'ijieyeyi papo Samaria jlele ti isimits'i pa inamtik, sek ijliuyisi'ne japo Pedro jla'yi ja Juan.

Romanos 15:24

'Nakayi siu'nie isiowe awone awo'ate, “Ka ijiotajna'a Espáñaja, 'nakt'e ja'yakajli'ni ka ijiuti astepe'e ka ijioyi japo yi' Rómaja.” 'Yina siuti kia'iyo awojonk'iye ka yi' aska kiowe'e, ajwel'ni ja'yenak'i'm siupa jasitia'n ka sek itialta'ana'a.

1 Corintios 16:11

Je 'es ka je a'yenajyi'n. Noyeyeje siuti t'iskiunietaja'n, ja'nakayeyi ti ja ke inwo jijliak'aliye pi ji'niayi, 'nakayi ti jankajli ka ijnok'i. Kastejlajan'n k'iye napo si'lijwas ijia.

1 Corintios 16:6

Je 'yaka'aja ajwelta ka 'nak nojwaja'm jiwek puwa jlomas ka yi' asap, ni'ne ka ijniujlietk'i pet siunie ti wi'yitiepata, 'nakayeyi ti janoyeyijk'i'm siupa jatiejyi ka yiktiejna'a.

2 Corintios 1:16

Siunie awotajapi ka iyoyi, ka ijio 'niji Macedóniaja, sekyi'i ka 'yuyetaja astepe'e ka yapimet. Ka noyeyetajak'i'm siupa ka k'iejliyeyi ka isitia'n, ti jajio 'niji Judéaja.

Tito 3:13

'Esiji ka ijiatayi ka noyeje siojo tamti'ni ape'e napo jitis po' jle' iyo'ate Zena, siu'neje ja Apolos, ti iyo kant'iskiujni'n, 'nakayi ti japoye paka 'esieyi 'najk'i.