Hechos 15:22 - Sinia' Jlamtis 1994

²² Ti itimayi ja Santiago ti tamti, siojopo injlojwajnas siu'neje japo i'nio' jle' po', wikie'eyi japo Sinia' jilis, iyoyet'iyisipi ka inkimits'i japo ti i'yejni'ni siojopo yiji, ka iwoyis jla'yija ja Pablo, jla'yi ja Bernabé, ti ijioyis 'niji yi'i jlaja Antioquía. Isimits'i'ne ja Judas, siukia jle' kiecha iyo'ate Barsabás, siu'neje ja Silas, times napoka ti wuj ti ijia jitiej iyoma.

Hechos 15:22 ပူးပေါင်းရင်းမြစ်များ

Hechos 1:23

Ijiatjliyi times'ne siojopo i'yenis'ni, jak José jle' kiecha iyo'ate Justo, siu'neje ja jle' iyo'ate Barsabás siojo jle' jikiecha iyo'ate Matías.

Hechos 11:19

Jlampa titimajat'iyijpe pa Esteban ti tiliana, iyoyeyi siupa iyo papo i'nio' Sinia' jilis, ti wuj ti inilayiti, ti tejeye ilia'm siupa iyoyisi. Jak je iyoyiji'ni po' papo i'yiltan'ni 'niji yi'i japa Fenicia, ijia papo i'yiltane japa ajnat jle' iyo'ate Chipre, ijia papo ijio Antioquíaja. Yiyi siupa i'yiltanisi jlam ijwiljlijia'm puwa Sinia' jlamtis, papokata tijnayits'i papo Judíojos.

Hechos 11:20

'Yina po' pet siupapo tal Chípreje, siu'neje papo tal Ciréneje, ti tijnayits'i pet jlaja isi' Antioquía, ti iyoyis jlamtikieyi siupapo je Judíojos ti ijwi'il pa Jesús ti Saka'niona.

Hechos 11:22

Sinia' jilis siupapo yi' Jerusalenne, ti t'ijieyeyisi pet ijliuyis'ne ja Bernabé, yi'i jlaja ajnat Antioquía.

Hechos 11:27

Pakat'iyik'ipe siupapo Sinia' jijwejlanawos tal Jerusalenne ti ijioyis 'niji Antioquíaja.

Hechos 15:23

Itiunkinisi siu'nie jip'esinik ti iyo'ate: “Asampey i'lijwas, asam ti je Judíojosts'ase'm, ti as'wet pet jana Antioquía; asam'neje as'wet jana Siria, siu'neje napo ti jleyejyi jana Cilicia. Wuj ti atejwila'ase. Sam ti injlojwajnasts'e'm. Sam'neje ti kijilasts'e'm pet.

Hechos 15:25

It'imina'ne ti anikiujlie ti awokieyi ka ijliuk siu'napo si'lijwas, ka'nonink'i napo si'lijwas ti wuj ti kasts'amaja, Pablo jla'yi na Bernabé.

Hechos 15:27

“Ijiatjliyi ajlok'ne napoka si'lijwas Judas jla'yi na Silas, napok ti janama'ase ti janjwe'lase'm wikie'eyi siuniwa wask'i'nelaja, ja'nakayeyijna'a ti ja 'najanayi pet pa jawonayi.

Hechos 15:3

Sinia' jilis siojopo yiji jlaja Antioquía japok ijliu' japo Pablo. Iniuyeyits'i jawa ajnatis Fenicia, siu'neje jlaja Samaria, ti ijwilk'i papo siupa iyo papo je Judíojos, ti iyo jlosikis ink'iejyisa'. Wuj ti inkase'n japo i'nio' Sinia' jilis ti 'yijenayi pi iyone.

Hechos 15:30

Ti itimat'iyisijpe siupuwa jlamtis ti ilisanisi, sekyi'i ti inijwelat'iyipi japok, siojopo yame pa imp'esinik, yam'ni'ne ti ijioyis Antioquíaja. Ti 'nesat'i'nijpe, siojopo Sinia' jilis initotk'i'ne wita'm, sekyi'i ti yikiajlayisi siupa imp'esinik titiunkinaja.

Hechos 15:32

'Yina ja Judas jla'yi ja Silas, ti po' pa yiyisi ti Sinia' iyojwa'n jijwejlanawosa', it'imina'ne ti wuj ti 'yakela japo ijia.

Hechos 15:40

Pablo iyo pet jla'yija' ja Silas. Sinia' jilis wuj ti 'yejlanis'ni ka Sinia' inoyeje ti yamat'i'nijpe.

Hechos 16:19

Siojopo i'yena jlajak asejnia, ti i'winayis ti lajk'i japa ka iwo'ni jika wikijnies t'ejesa', sekyi'i isimits'i'ne japo Pablo jla'yi ja Silas. Yamisiji'ni japo anechiyasas ti iyo'ate,

Hechos 16:25

Ti ajnaj kioweja ja Pablo jla'yi ja Silas, iyoyisie t'ajlayeja', jla'yi ti yinits'i kiwa Saka'niona ka'leja, 'yina japo yiji jlaja insat jiweje its'iuyisi'ni jiwekie'e.

Hechos 16:29

'Nayiwo jla'm iyoye'ni 'ate, ti takajliunijyin'ni jakia kates. T'osiyeyi ja yi'i japo Pablo, kititiyeyi'ni lapakawo ti jnots'ijni, yiyi ti t'opiyeyi kiajwe.

Hechos 17:10

Jlampa ajnaja siupapo Sinia' jilis jla'm iyonayisi'ni 'ate iyoyeyi ka ijloyis ja Pablo siu'neje ja Silas 'niji yi'i japa isi' jle' iyo'ate Berea. 'Nes'ni ti yamitayisi ti ijioyisi japa Judíojos t'ajla'wet.

Hechos 17:14

Jlam yititjliyis japo Pablo ti ijliuyis, ijliuyisie'ne ka ino kiusk'i pa i'niat lajlik'i. 'Yina Silas jla'yi ja Timoteo sek 'wanjliyits'i 'ne jlamis Beréaja.

Hechos 17:4

Po' papo Judíojos siupapo je takakiunisi niwak inamtis, papoka'ne siupapo iyo jla'yisa' japo Pablo, siu'neje ja Silas. Je papokata, po'neje papo Griégojos, ti ijiunitis pa Sinia', ti je 'yakakiuyis. Je pini 'neje siupapo asejnia ti jle' po' ti tonitie.

Hechos 18:5

Silas jla'yi ja Timoteo 'nes'ni 'ne ti tajlis Macedóniaja, sekyi'i ti Pablo iliyeyi ti isima puwa 'nejes, pajataja jla'am ti 'yu'we ti iyoye'ni jlamtikie', ti ijwil pa Jesús, ti pak Injwajieti ti Sinia' jijliujwanik.

Hechos 8:14

Siojopo injlojwajnas ti t'ijieyeyi papo Samaria jlele ti isimits'i pa inamtik, sek ijliuyisi'ne japo Pedro jla'yi ja Juan.

2 Corintios 1:19

Kajeyepa ti nakape ti awoki samtikie', japo Silvano siu'neje ja Timoteo, ti awak aska kiowe'e, ajwel ni Sijwajieti Jesús ti Sinia' jlas. 'Yina je naka ni siunie ‘ji'lija itimisiete’, 'yina naka ni siunie Sinia' jlonisik ti iyoyi siunie ijiatk'i.

1 Tesalonicenses 1:1

Asampey i'lijwas ti Sinia' jilists'ase'm, ti jleye'yi jana Tesalónica. Ya'am Pablok'i'm, ya'yi ni sikiecha Silvano, Timoteo 'neje, sa'am sip'esinik siu'nie ajlok'iase. Asa'am ti jini'nopijietayi wita'm pa Sinia', jla'yi pa Saka'niona Jesús ti Sijwajieti. 'Esiji ka Sinia' imp'elisina', jla'yi ti jane'yi asap.

2 Tesalonicenses 1:1

Asampey, i'lijwas ti Sinia' jilists'ase'm, ti as'wet pet jlajak isi' Tesalónica. Ya'am Pablok'i'm, ya'yi 'ni sikiecha Silvano, siu'neje 'ni Timoteo, sa'am ti sip'esinik ti ajlok'iase, asa'am ti ijwanjliyeyik'i pa Sinia', jla'yi pi Saka'niona Jesús ti Sijwajieti.

1 Pedro 5:12

Isiecha 'ni iniuyijk'i'm ti 'eti' siu'nie imp'esinik ti je itioyi'i siu'nie awoyi, 'naka Silvano. A'we'en ti ijiate wek jla'am ni iyo. Awotajank'iye ka 'yijijie'nase'm wikie'eyi siuniwa yiji 'ni ip'isinik ka ikajanitk'i ask'ioye siunie ti Sinia' wuj ti imp'elisina'. Kia'iyo, ká aleyeyi siunie jiniwonayi ti jleyejyi siunie jlemijnaye ni Sinia'.