Hechos 15:1 - Sinia' Jlamtis 1994

¹ Pak siupa jlomat'ipi siupapo i'nio' tal Judéaja ti ijioyis 'niji Antioquíaja, 'yiyasajne'n papo i'nio' ti iyo'ate: —Siuti ja ke ajwankita ka woyeyi siunie iyo ni Moisés jika'neyasajnaye, ti tejwak'i ni t'isie'n ni kia'le, ja ke 'najanayi siupa janiwonayi ka ajwaye.

Hechos 15:1 ပူးပေါင်းရင်းမြစ်များ

Juan 7:22

'Yejne'n siu'nie jayoyi, siupa Moisés t'ipi ijiate ti 'yijie'na'm ka woyeyi siunie ti jiwa tejwak'i pa, (jlam'ne ki iyo ti je jla'am ka intajle, 'wenajlit'iyijpe jla'am ti papok tajle siupapo aska kijilas t'ipi jike' iyont'iyisijpe). 'Wanjliyi ka janakaye siojona jloma ti i'nio 'wanjlijyi'n, je woyejliyi ti jlenayiji ti kiak jiwonayi napo kia'lis ti t'isie'n jiwa jlewajak'i.

Hechos 1:15

'Yina po' japa jloma siupapo Sinia' jilis initotisk'i wita'm ciento veinte papo i'nio' t'ipi. Sekyi'i ja Pedro ti takasitiet'ipi, iyoyet'ipi 'ate:

Hechos 15:22

Ti itimayi ja Santiago ti tamti, siojopo injlojwajnas siu'neje japo i'nio' jle' po', wikie'eyi japo Sinia' jilis, iyoyet'iyisipi ka inkimits'i japo ti i'yejni'ni siojopo yiji, ka iwoyis jla'yija ja Pablo, jla'yi ja Bernabé, ti ijioyis 'niji yi'i jlaja Antioquía. Isimits'i'ne ja Judas, siukia jle' kiecha iyo'ate Barsabás, siu'neje ja Silas, times napoka ti wuj ti ijia jitiej iyoma.

Hechos 15:23

Itiunkinisi siu'nie jip'esinik ti iyo'ate: “Asampey i'lijwas, asam ti je Judíojosts'ase'm, ti as'wet pet jana Antioquía; asam'neje as'wet jana Siria, siu'neje napo ti jleyejyi jana Cilicia. Wuj ti atejwila'ase. Sam ti injlojwajnasts'e'm. Sam'neje ti kijilasts'e'm pet.

Hechos 15:24

Ajieyeje ti po' papo ijio'wase ti tajla'm jla'a si'wet ti je inena'yate, ti injlak'alitie siunie iyo niwa inamtis jiniliaja ti inkajyina siunie astankiujnieye iyo. Je sa'am ka intalts'e siunie iyoyisi.

Hechos 15:3

Sinia' jilis siojopo yiji jlaja Antioquía japok ijliu' japo Pablo. Iniuyeyits'i jawa ajnatis Fenicia, siu'neje jlaja Samaria, ti ijwilk'i papo siupa iyo papo je Judíojos, ti iyo jlosikis ink'iejyisa'. Wuj ti inkase'n japo i'nio' Sinia' jilis ti 'yijenayi pi iyone.

Hechos 15:32

'Yina ja Judas jla'yi ja Silas, ti po' pa yiyisi ti Sinia' iyojwa'n jijwejlanawosa', it'imina'ne ti wuj ti 'yakela japo ijia.

Hechos 15:5

Po' siupapo Fariséojos ti yame pet siupa Jesús iyoyi. Papoka'ne siupapo takasitk'i ti iyoyis 'ate: —Siunapo i'nio' je Judíojos, 'yina ti iyoyis jlosikis ink'iejyisa', 'esiji ka woyi siunie Moisés jika'neyasajnaye, ti t'isie'n jiwa tejwak'i.

Hechos 21:20

Jak je iyoyiji'ni ti ipi'yayisie, iyunitisie pa Sinia'. Sekyi'i iyonayisi 'ate ja Pablo: —'Na isiecha, ji'wen 'neje ti 'loj napo Judíojos ti je takakiunisi pa Jesús 'nakayi, ti je iyoyisink'iye ka je tiwoki siunie jike' iyonisi pet, siunie iyo ni Moisés jika'neyasajnaye.

Hechos 6:14

Ape'yakpe ti ijwi'il pa Jesús Nazaret jlele je ijiat ka je inetiajnate'n siujlie'e ji'wuk pa Sinia', jla'yi ti janetiajnat siunie iyo pet ni Moisés jika'neyasajnaye, ti ja ink'ieye siupa janwone.

Gálatas 2:1

Najkapis times sikio' itij'we ijniujlits'i tom'niji kiwa yam'niji, ekiajlayi'iji ti ajo Jerusalenne, ti ya'yi ja Bernabé, sekyi'i ti ane ja Tito ka 'nonin sek'i.

Gálatas 5:6

Jak je iyoyi siunie ti ini'nopijieteje ni Sijwajieti, 'yina 'wanjliyi ka kia'iwo pa ka kiak tiwonaja ka t'isie'n jiwa tejwak'i, ni'ne ka lajak'ipa ka neyi naka. Jla'm ijiate jla'am siunie sitienkiujnieye ti 'es ti po' ti laja po', 'yina naka'ne siunie ti janwo asemijnayeja', ti ja ena'yi napo as'lejwas.

Gálatas 6:12

Siunapo i'nio' ti 'yijie'nase'm ka kiak iwo'nase iyo jlamis, ti t'isie'n jiwa yiwa'aja'n, tepa jawo ka kiak je iwoyisi, kajeyepa ti iyo ka 'esieyi wita'm napo i'nio'. Jla'yi ti 'yijene pi iyone ti, siuti janjwankitis ka nekisi pet ki iyo ni Sijwajieti ti 'ya'al ti yi' ape'e japa cruz, ti janjwelis ape'e 'ni ajnat ti ja titiajlataja.

Colosenses 2:16

'Yina je 'esiji'ne 'nakayi ka ne'yipa ka inlakiyeyi siupa jitiuwa', siu'neje ni ji'yayejyi, siu'neje niwa jlomas ti inlakijnieyejes, siu'neje jana jloma ti i'nio 'wanjlijyi'n, siu'neje ti we'la ink'ieyeta.

Colosenses 2:8

Joskiyeyi, ká ak'iuyeyi siunapo ti ijwi'il ka 'najajne'n 'lojwinie'e ka inkajmanats'iji'n, kajeyepa siuniwa jitienkiujnieyejes laj lajaye, siu'neje ti jawo jikipijnasa'ase'm. 'Yina siuniwa iyo ti 'yijejne'n, je paka ka intajle pi Sijwajieti, 'wenajliyi jla'am siuniwa jiket'i iyopi papo i'nio' ti 'yotatis, siu'neje ti tajle niwaka injweyejes ti je ti'wena, ti iyo jikimita 'ni ajnat.