Hechos 14:4 - Sinia' Jlamtis 1994

⁴ Inik'isa papo i'nio' sek ji'wet'e. Po' papo iyo'ate: —'Esiji jla'am siunapo Judíojos ijwi'il. Ijia papo iyo'ate: —Jla'm ijiate jla'am napo injlojwajnas ti 'es ni ijwi'il. Jlam pak iyots'i'ni papo i'nio'.

Hechos 14:4 ပူးပေါင်းရင်းမြစ်များ

Lucas 2:34

Sekyi'i Simeón jikio' yink'i'ne ape'e, ti iwijna'm pa 'es, sekyi'i iyone'ne 'ate jlaja María: —'Yejne'n, siu'nie kia'le jant'emina napo Israel jlele ti ja 'lojwa napo janetia'n, ni'ne ka injwa'a. Jla'am ti ts'ijiye ka pajata ti ja 'lojwa napo i'nio' ja ke inki'm ilia'm,

Juan 7:43

'Yina Jesús jla'am ti it'imina japo i'nio' ti tejets'i wita'am.

Hechos 13:2

Yit'i'yipe pa jloma, 'yina ti initotk'i'ni wita'm ti ijwilis pa Saka'niona jla'yi ti iyunitis pa Sinia', siu'neje ti ininel'liajanitis, Sinia' jikimet ti 'es iyone'ate japo: —'Wena jotieyi pet its'ioye 'na Bernabé jla'yi 'na Saulo, 'yaka yam ti aki'me ti atajieta ni isijmaye.

Hechos 13:45

Siupapo Judíojos ti i'wina papo i'nio' ti 'loj, sekyi'i jiwak yi'ne'ne japo Pablo, kajeyepa ti ijiulsinaja'm papo. Iliakiyis'ne japo Pablo, jla'yi ti tejeyits'i ilia'm siupa ijwi'il.

Hechos 13:50

Siupapo Judíojos inijloyisijin'ni siupapo asejnia, ti anechiyaski'l, siu'neje papo ayijnies ti kia'iyo anechiyasas, siupapo je iliyis'ni kiajwe japa 'najla'wet ti ijioyisi. Ijliuye papoka ka poye paka iwonisi ja Pablo ka ijnotis kisie'e.

Hechos 14:14

Ti Pablo 'yijenayisi pa iyonisi, its'isatat'iyisimpe puwa ji'wuye jitieyi'i papo i'nio', kajeyepa ti jlam jnots'inijits'i'ni ti kia'iyo. Yamat'ipi jikiowe'e papo ti iyo'ate, ti tani'ni:

Hechos 14:19

Paj ti 'nesat'i'nijpe papo Judíojos 'nak nojwaja'm, ti tal 'niji yi'i japa Iconio siu'neje japa Antioquía, siojopa yiji pet japa Pisidia. Sekyi'i ti 'wena t'ipa iyoyeyipi pa jitienkiujnieye papo i'nio', ti yiyeyisi papoka sekyi'i ti sisajas titietajat'iyijimpe ja Pablo. 'Yina ti ijwilis ka 'na'al, yamat'iyisijpe kisie'e ti itiajlajna'm japa isi'.

Hechos 14:2

Jlam'ne papo Judíojos siupapo je iyoyisink'iye, papoka'ne ti 'yijijie'ne papo je Judíojos ka inta'yi ilia'm, ti ijwil ka impe'ya'ni ja Pablo ka poye paka wo.

Hechos 14:5

Siupapo Judíojos siu'neje papo je Judíojos, siu'neje papo anechiyasas, inikiujlisiap'ne japo injlojwajnas ka inajas'ni, jla'yi ti sisajas iyo ka inkienisi.

Hechos 19:9

Po' siupapo t'ojnine, 'wenajliyi ti 'yakakiuyis, ti ijwilis ka je 'esie siunie 'Nayi Ink'ie' siunie Pablo yamk'i, ti yine jitieyi'i papo i'nio' ti ijwi'il. Pablo tajla'ne, tane'ni siupapo Sinia' jilis, ti ijioyiji japa inka'neyasajnaye 'wet, i'nio' siupa jle' iyo'ate Tiranno jika'neyasajnaye 'wet. Sek yiniji'ni wikie'eyi puwa jlomas ti sek ininenisi'i'ni ti takamtijniejne'n.

Hechos 28:24

Po' papo je takakiuni siupa iyo ja Pablo ti tamti, 'yina po'neje pet siupapo 'yakaja'ayi ti je isimits'i siukiwa iyo ja Pablo.

1 Corintios 9:5

jla'yi ti 'esiji ka poye japaka its'iemjlaye ka iwoyi kiwa Sinia' jlamtis ka ya'yikiye'ni ti askiunietaja'n, iyo napo ijia injlojwajnas, iyo ja Pedro, iyo japo Saka'niona jik'ijnis.

1 Tesalonicenses 2:14

I'lijwas, ti a'wetijwas kiak iyo'nase ti yi'nase'm ni wuj ti je 'es ti jinilayitieyi, jiwoye 'ateyeyi papo Sinia' jilis pet ti yi' Judéaja, ti ininop'ijiete wita'm pa Jesús, kajeyepa ti kia'iyo papo ji'wetijwas pet japo Judíojos wuj ti iliaki.