Hechos 13:52 - Sinia' Jlamtis 1994

⁵² 'Yina wuj ti jikanitieyi po' jla'yi japa Sinia' jikimet ti 'es tipoyiji papo Sinia' jilis.

Hechos 13:52 ပူးပေါင်းရင်းမြစ်များ

Mateo 5:12

Nikanitiejyi'n inkaja'yi siunie as'wajieta siunie ti ja tekiajla'ase ts'iji poliyi. Kiakjin iyopi papo Sinia' jijwejlanawos t'ipi ti i'nio' tejeyits'i ilia'm.

Hechos 2:4

Sinia' jikimet ti 'es tipoyijits'i, sekyi'i ti ji'lija 'wenayeyi. Lapakawo ka kiak je iwo, ti jlam jla'am siojopa Sinia' jikimet ti 'es ti ji'lij iwijnamk'i, it'imina ti kia'iyo.

Hechos 2:46

Kiajatak'i'ni puwa jlomas initotk'i'ni wita'm kiajwe japa Sinia' ji'wuk yi'i japa Jerusalén. Ni'ne ti yinisi 'wet'e siuti ti'yekiujni'n inikijwanisie. 'Yina siuti kiak iniwonisi sekyi'i jijweye poye, pakata jla'am ti 'yuyits'i pa 'es ti iyoyisi.

Hechos 4:31

'Yina ti itimayisi ti iyo t'ajlayeja', ti'wesiyet'ipi siojopa 'wuk ininenisi kiajwe. Sekyi'i Sinia' jikimet ti 'es tipoyijits'i, jak je iyoyiji'ni ka ijnots'iniji'n ti ijwilayis puwa Sinia' jlamtis.

Hechos 5:41

yamat'i'nijpe ti tajlisie papo anechiyasas, wuj ti inkase'n kajeyepa ti Sinia' yina'ate ka kiak tiwonaja ti tiliakik, 'yaka Jesús jle' ti it'imina.

Romanos 14:17

Kajeyepa siunie jika anechijiayas ni Sinia' je naka ni siunie titiuwa paka k'iejliyeyi, 'yina ni'ne ka nakaye ni siunie ti'yaki. 'Yina jla'm ijiatayi jla'am siunie ti ijniejieti ni i'nio', siu'neje ni jikamankiye ni i'nio', siu'neje ni jinikanitiejeye ni i'nio' ti po'. 'Yina niwaka ni siuniwa tajle pit jana Sinia' jikimet ti 'es.

Romanos 15:13

'Esiji ka Sinia' siunie ti iyo sinijijwiyeja' ka imponit'i aswa'am siunie asnikanitieyi, siu'neje ni askamankiye, lapakawo ti naka jla'am siunie astankiujnieye ti 'es, ja 'nakayeyi ti siojona Sinia' jikimet ti 'es ti jijweye po', ja'nets'akanit ni asnejejwijiyeja'.

Romanos 5:3

'Yina je nakata ka kia'iwo, 'yina siunie sijliak'ali kia'iyo sinikanitiejeye yiji lapakawo ti naka ti iyo sijweyeja', it'iminayi pet ti akajlaje ti anilayitieje.

2 Corintios 8:2

'Yina ijiate ti istieyi siunie ji'niayi iyo, je iyojliyisi wek ti inkase'n, 'wanjliyi p'ijliusisieta. 'Yina lapakawo ti wuj ti yimi'n ti iyoyisi'ni ji'wajieta' pa Sinia', 'yinit'iyi ka jwajla'a je insetianis.

Gálatas 5:22

Jlampet siuniwa tajle janak Sinia' jikimet naka ni inemijnaye ti ijiatk'i, inikanitiejeye, inkamankiye, siu'neje ti je inip'elisin'ni pa ti k'iejlitieje pa ti jiwet'ia iyo; siu'neje ti jlosik po' ni i'nio'; wuj ti takap'ijliuski; jla'yi ti intaj tiwomaja.

1 Tesalonicenses 1:6

Asa'am je wet'ianayi kajeyepa jiwoyeyi siunie aniwonaja pit, siu'neje ni iyo ni Saka'niona. 'Yina ti jikima'yi ilia'm niwa Saka'niona jlamtis, it'imina ti wuj ti jinilayitieyi siuniwa iyo'nase napo a'lejwas ti yi'nase'm, 'yina asjweye poye wek k'iye, kajeyepa siunie asnikanitieyi jitiajlayiji jana Sinia' jikimet ti 'es.

Santiago 1:2

I'lijwas, siuti kia'iyo ti yiyeta'ase niwaka inkajejlasayejes ti a'tisk'iji'n ti inijle'en, ja ijiatayijpe pet ka nikanitiejyi'n.

1 Pedro 4:13

'Wenajli wek ti ja anikanitiejyi'n, lapakawo ti yiye'ase pit naka inkajejlasaye ti inilayitt'iyijpe pi Sijwajieti ti kia'iyo, ja 'nakayeyi ti jampo'ase ni asnikanitieyi, ka 'nakajta ni siunie iyo ni jijweye.