Hechos 13:51 - Sinia' Jlamtis 1994

⁵¹ Pablo siu'neje ja Bernabé jisieti t'ipa ipiatat'ijyits'ipe, ti 'yakajanit ti jitis je jwajla'a papo i'nio'. Sekyi'i ti yamat'i'nijpe ti ijioyisi siojopa isi' jle' iyo'ate Iconio.

Hechos 13:51 ပူးပေါင်းရင်းမြစ်များ

Mateo 10:14

Siuti ja ke inki'm aselia'm, jla'yi ti ja ke ink'iu'wase'm siunie jijwela', ja atajlayeyijpe japak 'wuk, ni'ne ka isiye, sekjane'yi ka patajieyits'ipe niwa asatis.

Marcos 6:11

Jane'yi siojopa ajnat jijnieyeyi, siuti ja ke inki'm aselia'm siu'neje ni jikinieyiji'n ti ja ke inwo ka ink'iuyisie, sekjane'yi ka tajlayeyijpe, sekjane'yi ka ajnat alanayejyits'ipe niwa asati' ja'nakayeyi ti jan'wena siunie jiwonayi, jitiej inenayisijna'a 'ate ti jitis po'.

Lucas 10:11

“¡Siunie ajnat ti tajla'm jla as'wet, ti yi'i pet niwa sisietis, apatajats'i, 'nak 'yakajanit ti ijiate ti astes po'! ¡'Yina 'esiji ka 'najanayi ti Sinia' jika anechijiayas je pa tojwa'ase'm!”

Lucas 9:5

Siuti japoye papo ti ja ke inki'm aselia'm, siupa isi' jloyetaja, sekjane'yi ka tajlayeyijpe, sekjane'yi ka asatis apatajiets'ipe k'iye, 'nakayi ti jan'wenis ti ijiate ti jiwet'ia japoye, kajeyepa ti je isimits'i aselia'm.

Hechos 14:1

Ti Pablo jla'yi ja Bernabé yiyis Icóniojo, 'yuyisi'ni papo Judíojos ti yiyis kiajwe japa t'ajla'wetis. Iyo'ate ti yiyis Antioquíaja, ti tipe'yakie ti iyoyis jlamtikie', 'loj papo i'nio' iyo jlosikis ink'iejyisa', Judíojos siu'neje papo je Judíojos.

Hechos 14:19

Paj ti 'nesat'i'nijpe papo Judíojos 'nak nojwaja'm, ti tal 'niji yi'i japa Iconio siu'neje japa Antioquía, siojopa yiji pet japa Pisidia. Sekyi'i ti 'wena t'ipa iyoyeyipi pa jitienkiujnieye papo i'nio', ti yiyeyisi papoka sekyi'i ti sisajas titietajat'iyijimpe ja Pablo. 'Yina ti ijwilis ka 'na'al, yamat'iyisijpe kisie'e ti itiajlajna'm japa isi'.

Hechos 14:21

Ti iyoyet'iyispe jlamtikie'e japa Derbe, 'loj papo ininekial ti iniwojwa'n Sinia' jilis ink'iejyisa'. Jlam sek ji'niayisiji yi'i japa Listra, siu'neje japa Iconio, siu'neje japa Antioquía yiji pet japa Pisidia.

Hechos 18:6

Jla'm iliakiyisjli pa Pablo, ti tejeyis ilia'm, jak je iyoyiji'ni ti ipiatits'i puwa ji'wuye, ti 'yakajanit ti wuj ti jitis poyis, sekyi'i iyone'ne 'ate: —Ja asama'yasa'm ti janit'emina ni siunie ti janetiana, je ani'noti 'naka. 'Nak jatiaj'le ti jajioyi siunapo je Judíojos.

2 Timoteo 3:11

Mejla'a ka je 'najane ki iwit'ia iyo ti ape Antioquíaja, siu'neje ti a Icóniojo, siu'neje ti a Lístraja. Wuj ti a'tisk'iji'n siukiwa iyonk'iji japo i'nio', 'yina Saka'niona sijwajiete jakayi.