Hechos 13:5 - Sinia' Jlamtis 1994

⁵ Ti yiyeyisi siojopa isi' Salamina, sek tajlapits'i'ne ti iyoyis jlamtikie', ti ijwi'il puwa Sinia' jlamtis, ijioyits'i puwa t'ajla'wetis papo Judíojos. Siojo Juan Marcos yamk'i japoka ti iniuyeje.

Hechos 13:5 ပူးပေါင်းရင်းမြစ်များ

Mateo 20:26

Ti asa'am je 'es ka kiak awoyeyi siunie iniwonisi napoka. Siunie jawo ka ini'najnat astepe'e, 'esiji ka iniwojwa'n aska woye.

Hechos 12:12

Jlampa itijnisieyiji ja Pedro, sekyi'i ijio'ne ji'wete jlaja María, Juan Marcos jlet, sek nojwe'e papo i'nio' ti iyoyis t'ajlayeja'.

Hechos 12:25

Bernabé jla'yi ja Saulo itimisi siupa jikijmaye, tajlis Jerusalenne, ya'asiyis ja Juan Marcos.

Hechos 13:14

Yamat'iyis'nijne, yiyet'iyispe Antioquíaja siojopa yiji japa ajnat Pisidia. Japaka siojopa jloma ti i'nio 'wanjlijyi'n 'yuyet'iyisipi papo Judíojos ti iyoyis t'ajlayeja', sekyi'i yiyet'iyisimpe paka'a.

Hechos 13:46

Pablo jla'yi ja Bernabé ji'lij 'yitiet'ik'ipe pet, ti iyo'ate ti isiujlisie: —Ajwel'ni je akamak'iji'n ti ajnaye'ase, ajwela'ase'm niwa Sinia' jlamtis ti Judíojosts'ase'm. 'Yina siuti je jikima'yi ilia'm, jijwelaye ka je asama ka askimita' siojona in'wasankiye ti laj jlaja. Siuti janaj'ni ti jatiajla'ase'm, jajioki siunapo i'nio' je Judíojos.

Hechos 14:1

Ti Pablo jla'yi ja Bernabé yiyis Icóniojo, 'yuyisi'ni papo Judíojos ti yiyis kiajwe japa t'ajla'wetis. Iyo'ate ti yiyis Antioquíaja, ti tipe'yakie ti iyoyis jlamtikie', 'loj papo i'nio' iyo jlosikis ink'iejyisa', Judíojos siu'neje papo je Judíojos.

Hechos 15:37

Bernabé iyotaja jla'am ka ina'asi ja Juan Marcos,

Hechos 17:17

Tempi it'imina ti je iliyi'ni siupuwa Judíojos t'ajla'wetis ti takamtijniene'ni papo Judíojos, siu'neje papo i'nio' ijia ti je iliyi ti ijiunitis pa Sinia'. Jla'yi ti je iliyi'ni japa aj'leje'n siojopa jikiowe'e japa isi', ti takamtijniene pa yi'i pa ti sek i'wi'ne.

Hechos 18:4

Yiyi japa jloma ti i'nio 'wanjlijyi'n, ijioyeyi'ijyi japa t'ajla'wet papo Judíojos, ti takamtijniene, siu'neje papo je Judíojos, jlam 'yijijienta'a ka namitis isia'm puwa Sinia' jlamtis.

Hechos 19:22

Sekyi'i ti ijliuye siojopo jla'yis, siojopo times, ti iniuye'eje 'niji Macedóniaja, japoka japo Timoteo jla'yi ja Erasto. 'Yina Pablo 'wanjli jlam seka'a Ásiaja.

Hechos 19:29

Jlampa iyoyets'i'ni papo i'nio' yiji japak isi'. Yamisi'ni ja Gayo siu'neje ja Aristarco, siojopo Pablo jla'yis, ji'wet yi' Macedóniaja, ijioyisi'ne ts'e yi'i'ni papo ti kia'iyo ti initotk'i wita'm.

Hechos 19:8

Pablo jika we'lajas najape ti sekyi'i japak isi'. Jika jlomas je initiajnati ti ijioyi'ni japa t'ajla'wet papo Judíojos, t'otale t'o'n ti ijwi'il pa Sinia' jika anechijiayas, ti ijialasta ka 'najanisi siupa iyo ti ijwijla'm papo i'nio'.

Hechos 9:20

Ijioyits'i puwa Judíojos t'ajla'wetis, ti ijwijla'm papo i'nio' ti Jesús pak Sinia' jlas.

Colosenses 4:10

Aristarco, siu'nie iliaye iniuyi wita'm ti awaki jla'a insat jiwe, itijwi'lase pit. Marcos kia'iyojliyi, siojo Bernabé jikilia jlas. 'Yina je int'ayeyiji'n siunie awotaja ka wonayi ni sikiecha, siuti kiak jawo ti jajno'wase 'esiji ka 'yena'yi ilia'm.

2 Timoteo 4:11

Ijwienjliye jla'am 'ni Lucas ti je taj'l ijiap. 'Esiji ka wojyin'ni ja Marcos, a'asina'a, janoyijk'imna'a ti awoyeta yamtikie'.