Hechos 13:43 - Sinia' Jlamtis 1994

⁴³ Ti pajlatat'ik'ipe kisie'e siupapo i'nio' nak nojwaja'm papo Judíojos, siu'neje pa jike' iyonisi papo Judíojos, yamisk'i ja Pablo siu'neje ja Bernabé. Sekyi'i japo Pablo iyonisi'ne 'ate ti ijliuyisie'ni: —Ká akakiunieyi siunie Sinia' jikap'ijliuskiye ti yi'nase'm. Ni'netie, ataj ká alana'yi ti jiwoyeyi.

Hechos 13:43 ပူးပေါင်းရင်းမြစ်များ

Mateo 23:15

“¡Aswet'ia japoye asa'am ti Fariséojosts'ase'm, asam'neje ti jiwosts'ase'm pet nak Moisés jika'neyasajnaye! ¡Ijnoski'lanajyi'n! Jikinieye'ni ti jlekiajla'ni ape'e ni ajnat, jla'yi ti jlekiajla'ni ape'e ni i'niat jlajlik'i, ti jiwoyejyi'n napo i'nio'. ¡'Yina asamk'e'm ti ji'wena ni ijwienjli sekyi'i ti nakaye ti jit'iyasanayi ni aske' siunie jiwoyeyi, jak je iyoyi ti jikajlayeta nakaye ti jit'iminayi'iji ti 'yakamata ape'e ni jitis iyo, jlam'ne ka asama ti 'yu'wase'm ka intatajayi naka ni siunie inlaye 'wet ti laj jlaja!

Hechos 11:23

Wuj ti inkaj'ni ja Bernabé ti 'nesa sekaja, lapakawo ti i'wi'in ti ijiatk'i siupa iyo ti Sinia' jikap'ijliuskiye yiji jlajak isi'. Bernabé 'yakela papo ti iyo'ate: —Ká akalakijiena ti jikinieyi ki iyo ni inamtik, ke ink'asayi pijia'm.

Hechos 13:50

Siupapo Judíojos inijloyisijin'ni siupapo asejnia, ti anechiyaski'l, siu'neje papo ayijnies ti kia'iyo anechiyasas, siupapo je iliyis'ni kiajwe japa 'najla'wet ti ijioyisi. Ijliuye papoka ka poye paka iwonisi ja Pablo ka ijnotis kisie'e.

Hechos 14:22

'Yakela papo i'nio' sek ji'wet'e ti iyone'ate: —Je pajna'a ka aleyeyi ti astaj jiwomayi ni Saka'niona, lapakawo ti siunie i'nio' ni iyo ka ijnoyi ni Sinia' jika anechijiayas wuj ti janilayiti, niwa jiwet'iaye ti jajnoyi.

Hechos 14:3

It'imint'iyijpe ti sek pa'a japo injlojwajnas, wuj ti ini'neti'n ti iyoyis jlamtikie', ti ijwilis pa Sinia' ti takap'ijliuski. Sinia' 'yakajanit siupa iyone ti ijwijla'm pakayi ti jijweye iwijna'm ka inkajli ka inlesane puwa k'iejliyi, siupuwa ti yisi'lietk'i'ni papo i'nio' ti i'winatajas, siu'neje puwa inia'an k'iye siupuwa ja'nakaj.

Hechos 16:14

Jakayi'ne siujlieja i'nioki jle' iyo'ate Lidia, Tiatira jleliki, iwin'ni niwa lotakijnies siuniwa isis ti lasasi'ni wat ape'e. Itienkiuni pa Sinia' jlajaka, 'yina its'iuye'ni ja Pablo ti tamti ti iyo jlamtikie', sekyi'i isim'ne ilia'm, jla'yi ti 'yajlinitk'iye siupa Sinia' iyoneje.

Hechos 17:17

Tempi it'imina ti je iliyi'ni siupuwa Judíojos t'ajla'wetis ti takamtijniene'ni papo Judíojos, siu'neje papo i'nio' ijia ti je iliyi ti ijiunitis pa Sinia'. Jla'yi ti je iliyi'ni japa aj'leje'n siojopa jikiowe'e japa isi', ti takamtijniene pa yi'i pa ti sek i'wi'ne.

Hechos 17:34

'Yina ti po' siupapo je 'yakakiuyis pet. I'nio' pa jle' iyo'ate Dionisio, yiji papo ijnosikis jiwos yi'i japa Areópago, siu'neje japa i'nioki jle' iyo'ate Dámaris, siu'neje papo ijia i'nio'.

Hechos 17:4

Po' papo Judíojos siupapo je takakiunisi niwak inamtis, papoka'ne siupapo iyo jla'yisa' japo Pablo, siu'neje ja Silas. Je papokata, po'neje papo Griégojos, ti ijiunitis pa Sinia', ti je 'yakakiuyis. Je pini 'neje siupapo asejnia ti jle' po' ti tonitie.

Hechos 18:7

Yam'ne ja Pablo ti tajla papo, ijioyeyi pa i'nio' iyoyi pi inamtik, jle' iyo'ate Ticio Justo, ji'wet je tojwape'n japa 'najla'wet.

Hechos 2:10

Frigia jlele, Panfilia jlele, siu'neje Egipto jlele, siu'neje napo tajlits'i siuniwa iniujwape'n pet jana Libia, ti je tojwape'n jana Cirene. Po'neje napo tal 'niji Rómaja.

Hechos 28:23

Jakiak siojokia jloma ti yitinisi k'iye, ti 'loj japo Judíojos ti ijioyi'ni ja Pablo siupa yi'i. Yapijle'e ti yamtiyi k'iye japo i'nio' kiwa Sinia' jlamtis ti ijwi'il pa Sinia' jika anechijiayas. 'Yiyasane kiwa Sinia' jlamtis kajeyepa ti ijialaskintaja pet ka intant'iejesi pa Jesús, ti yijnapeje pa Moisés jika'neyasajnaye, siu'neje puwa injwejlanawos jilisajnat'ipi.

Hechos 6:5

'Yina inikiul'ne papo i'nio'. I'nio' pa jle' iyo 'ate Esteban pak isimits'i, i'nio' ti 'es, ti yame pa inamtik ti iyo, jla'yi ti Sinia' jikimet ti 'es tipoyiji. Siojopo jla'yis jleyis iyo'ate Felipe, Prócoro, Nicanor, Timón, Parmenas, siu'neje ja Nicolás Antioquía jlele siojo ti pajk'i ti iniwojwa'n Judíoja'.

Romanos 11:6

Jak je iyoyiji siuti kia'iyo ti Sinia' ijniejiet'e nak jikap'ijliuskiye, sekyi'i ti 'yakaja pet ti je niwaka ka jikijmayejes kanses kant'emina. 'Yina siut'itie ka niwakaye siuniwa isis ka iwoyi, ijiate kiak je iyotaja'ni ti ijiate ti nak jikap'ijliuskiye.

Romanos 3:24

'Yina Sinia' je lajk'i ki iyo ni jikap'ijliuskiye, it'iminayi ti isisk'i, siu'neje ti je t'aj'l ape'e japa ka lajaye, ka lajak'i ki iyo pi Sijwajieti Jesús ti jla'am ti initojmat.

Romanos 5:2

'Yina ti Sijwajieti jla'am ti it'imina ti a'yakanaja'm nak jikap'ijliuskiye iyo ni Sinia' ti awaki, je lajk'i pet ki iyo ti je akakiunieje. Jak je iyoyiji sinikanitiejeye po', lapakawo ti janesajap nak jiwunitiejeye iyo ni Sinia' ti wuj ti 'es ni anejejwiyejenk'iye.

Romanos 5:21

Iyoyi pet 'ate siunie je 'es ti yi' ape'e napo ti ijioyiji jana 'najlati, 'yina kiak iyoyiyi pet siunie Sinia' jikap'ijliuskiye ti yi' ape'e pet napo i'nio', jla'yi ti ijioyi ni siunie ti tilisanaja'n, 'nakayi ti ja kassoyija'm janak si'wasankiye ti laj jlaja, ka lajak'i pet ni Saka'niona Jesús ti Sijwajieti ti kasts'esi.

2 Corintios 5:11

Jlam'ne kasts'ajane pa awonaja ti naka ti jla'm ijiate jla'am ti ja ke kasjweye, 'ejejiena'a napo i'nio' ka ilesa'n niwak Sinia' jlamtis. Siupa Saka'niona wuj ti itiant'iejts'e, jla'yi ti yiminta ka kia' awoyeyi pet, ka ijiatayiji ka intant'iets'e.

2 Corintios 6:1

Ijiatjliyi, siuti sa'am ti anokieje ni Sinia' ni iyo ni jikijmaye, wuj ti anip'elisi'niase, ká akajyina' naka jikap'ijliuskiye iyo ni Sinia', siunie ti yints'e'm.

Gálatas 5:1

Sijwajieti jlam ti kas'manit, ti sa'am ti inkipijnasts'e'm, it'imina ti 'nakayi ajwayeje ni siwet'ia. 'Yina siuti kia'iyo 'naka'ne ti astaj ja enayi 'ate ti janit'onitieyi pijia'm, je 'es ka ekiajla astepe'e siuniwa asjloye ti kiak jiwoyeyi ti jleyepe kiajwe.

Gálatas 5:4

Asa'am ti jijwela' ka nak int'emina ka Sinia' lesana', kawoyeyi nak Moisés jika'neyasajnaye, jlam'ne je ijnaljliyejiape'n pi Sijwajieti. Siunie iyo pi Sinia' ti takap'ijliuski, kiak iyojliyi intojwajiape'n.

Efesios 2:8

Ijiatjliyi, ka lajak'i ki iyo ni jikap'ijliuskiye, it'imina ti jijwaye ti po 'neje ni astankiujnieye. 'Yina je'ne ka asama ka akajlayi ka pak int'emina ka woyeyi siupa 'es ti askijmayeja', 'wenajliyi ti iyo as'wajieta' pa Sinia'.

Filipenses 3:16

'Yina ja 'yena 'ni si'niayi 'ni anokk'i 'nakayi, sekyi'i janajliyijna'a ti jayoki.

Filipenses 4:1

Jak je iyoyiji, japo i'lijwas ti yimijna'ase'm, je pi sik'iejie'e ti awotaja'ni ka i'wina, jla'yi ti asa'am ti inikanitiejeye'ase'm, asa'am siunie i'wiejiet ti ja'yakajli, yimijna'. Ká ajlasata'yi isia'm siunie jiniwonayi; ká aleyeyi ni Saka'niona.

Colosenses 1:23

Jak je iyoyiji je 'esiji ka leyeyi siunie astankiujnieye ti 'es; ká anitajlina', nit'onitie pijia'm, ká alanayi wita'm siojona asnejejwiye ti tajle pak Sinia' jika'niye ti pajk'i ti jipe'yaye. 'Yina siunie inka'niye itij'w ape'e 'ni ajnat ti tijwela, siuti ya'am ti Pablok'i'm, ya'am ti Sinia' jikawok'i'm.

Colosenses 1:28

Ajwela ape'e wikie'eyi napo i'nio' pi Jesús, siu'neje ti akelaja'ni, je lajk'i siunie awoki ti kasts'ajajne'n ti tajle pi Sinia' ti 'eyasanaja'n, kajeyepa ti awotajank'iye ka ijnol wita'm siunie jitienkiujnieye ti 'es jitieyi'i pa Sinia'. 'Yina jak je iyoyiji Sinia' jan'we'en ti wakal ti yiyisiap pi Sijwajieti.

Tito 2:11

Sinia' pajk'i ti 'yakajanitk'i siunie ti wuj ti ip'ilisi'n wikie'eyi napo i'nio', kajeyepa ti iyojonk'iye ka injwa'a.

Hebreos 12:15

Ni'notatayiji 'nakayi ti ja lajak'ipa ka inleyi siunie jikap'ijliuskiye ti Sinia' pajk'i ti iwijna'm. 'Yina jawoyena'a 'ate siojona a'la' ti jijwetisi'l pa'a, sekyi'i ikajyi'n niwa ijia siu'neje ti iliajne'n.

Hebreos 13:9

Nit'onitiek'iye siuniwa inka'neyasajnayejes ka ne'yi pa siunie 'wenayiji ka pakaye ka intonajyi'n. Nak sitiliataja pet ka je akinieyi siuniwa jikeyis iyone napo i'nio' ape'e ni siuniwa inkas, 'yina siuniwa asosikis jawoyi jijweyeja' pet naka siunie Sinia' jikap'ijliuskiye iyo, kajeyepa ti siunapo i'nio' yame pet niwa ajwel'ni, je iniuyeje.

1 Pedro 5:12

Isiecha 'ni iniuyijk'i'm ti 'eti' siu'nie imp'esinik ti je itioyi'i siu'nie awoyi, 'naka Silvano. A'we'en ti ijiate wek jla'am ni iyo. Awotajank'iye ka 'yijijie'nase'm wikie'eyi siuniwa yiji 'ni ip'isinik ka ikajanitk'i ask'ioye siunie ti Sinia' wuj ti imp'elisina'. Kia'iyo, ká aleyeyi siunie jiniwonayi ti jleyejyi siunie jlemijnaye ni Sinia'.

2 Pedro 3:14

Ijiatjliyi, napo i'lijwas, siuti niwaka ti jinijijwiyejyin k'iye, jwajla'a paka woyeyi ni'netie, 'nakayeyijna'a ti jan'wena ti ijiate ti jikamaja ti jlam ti it'imina ti kia'iyoyi, ka lajak'ina'a paka intajlat'a'm ka je 'esie, 'yina ti insisie.

1 Jn 2:28

Ilis, siukia awo'ojyi ti ajwe'lase'm ti awo'ate: ke ekiyejiap pi Sijwajieti Jesús, 'nakayeyijna'a siuti janapimet ja ke anikiwitanie'e, ja lajana'a ts'ajwejliye ilia'm jitieyi'i.

2 Juan 1:9

I'nio' ni iyo ka inkajmat ape'e siunie iyo ni Sijwajieti t'eyasajnaye, Sinia' je yijap. Jlampet siunie i'nio' ilisa'n nak inamtik ti 'es, siunie Sinia' jla'yi ni jlas yijap.