Hechos 13:39 - Sinia' Jlamtis 1994

³⁹ Jla'am ti it'imina ti netia'n siunie jitis napoka, siunie Moisés jika'neyasajnaye je 'yijene paka wone ka netiajnat, ajwe'el siunapo je 'yakakiu.

Hechos 13:39 ပူးပေါင်းရင်းမြစ်များ

Lucas 10:25

Siupapo taka'neyasane pak Moisés jika'neyasajnaye, ijwienjli'ne siupa ijioyi pa Jesús ti jankamtijniene, ti iyo ka ijnejlit, ti iyone'ate: —Inka'neyasajnawo, ¿tepat'e ka iniwontaja ka ya'm ape'e siojopa in'wasankiye ti laj jlaja?

Lucas 10:28

Jesús iyone'ne 'ate: —Jlewiteje. Siuti jawoyi niwaka, ja'we'en janaka a'wasankiye.

Lucas 18:14

Jesús sekyi'i iyo'ne 'ate: —Jajwi'lase'm ti siupa i'nio' ti yapiliet'ipi ijiate Sinia' ip'ilisi'n, jlampet pa Fariseo je ilik'i ti jitis po'. Siunie i'nio' initonit ja tijliasata isia'm, jlampet siunie inijlasat isia'm ja tijliasata pet pijia'm.

Juan 1:17

Siunie inka'neyasajnaye ti tajle pi Moisés t'ipi ti tekiajlaja, siunie inemijnaye jla'yi ni ijiatk'i yisajap lapakawo ti naka jla'am Sijwajieti Jesús ti it'imina.

Juan 5:24

“Ijiate, ijiatk'i siunie jayo ti jajwi'lase'm, ti siunie i'nio' ti its'iuye siunie ajwe'el, jla'yi ti je 'yakakiu siunie sijliu', itiej jana ji'wasankiye ti laj jlaja. Nak ja ke tisiejek'i lapakawo ti tijwajyi ni jota jiliayeja', yiyeja'm pet jana in'wasankiye.

Hechos 10:43

Pajt'ik'ipe ta'a papo jijwejlanawos ti ijwilis ja Jesús, ti iyo'ate, “I'nio' pa ja ke inkakiu, pak ja ke titiajlatajayijpe siupa jitis iyo.””

Romanos 10:10

Kajeyepa ti jayini'ni isiowe'e siunie awoyi ti je akakiu, siuti awo ka Sinia' silisajne'n. Sek jane'yi ti jayoyi pet yamtikie' siunie ti je akakiu, 'nakayi ti jajwie'.

Romanos 10:4

Siunie Moisés jika'neyasajnaye, Sijwajieti pak jlam ti iyo jlaja, kajeyepa ti naka ti 'yijene pi iyone siunie ijialasink'iye ni siunie je 'yakakiu, 'yina janakaye'eje pet ti Sinia' janlesajne'n.

Romanos 3:19

'Nak siunie Sinia' jlamtis ijwi'il. Kasts'ajane pa awonaja ti siuniwa Sinia' jlamtis yi'i ni ji'wet napok ijwi'il siunapo ti iyoyi, 'nakayi ti ja lajak'ipa ka intamti ka wo'ate, “Ya'am laj itisa'”, jla'yi ti ja wikie'eyeyi ti Sinia' ja ke injla'an ti jan'ye'en siunie jitis iyo.

Romanos 3:20

Kajeyepa ti Sinia' ja ke inets'e paka inlesajne'n 'wanjliyi ka kia'iwo ka na'am ape'e ki iyo ki inka'neyasajnaye. Ka kiak je iwoyi pa ti 'nakata wek jla'am ti tejeye ka kasts'ajane paka iyonaja ti sa'am ti i'niolts'e'm ti sakeyis po'.

Romanos 4:15

'Yina paka jla'am siupa Moisés jika'neyasajnaye ti itiojne'n ni Sinia' jiwak; siupa ajnat inka'neyasajnaye je yi'i, 'yina lajk'ipa ka inta'yi ilia'm, sek jane'yi ka inlaki kajeyepa lajk'ipa.

Romanos 4:24

Kia'iyo sam'neje ti tijnats'e'm, kajeyepa ti Sinia' kaslesajne'n 'yina lajk'ipa ka int'emina ti kia'iyo ti je akakiuk ti jla'am ti iniujwa'n kisie'e pa Saka'niona Jesús ti tajli pa a'no'.

Romanos 5:1

Ijiate ti wuj ti kasts'isisi siunie ti je akakiunie, jak je iyoyiji'ni Sinia' kaslesajne'n. Sekyi'i Saka'niona Jesús ti Sijwajieti nak it'imina pet ti akajmakie.

Romanos 5:20

Ti yiyemet pet kiak Moisés jika'neyasajnaye, sekyi'i ti kat'ajayi pet ni siunie je 'es ti yajme'n, sekyi'i Sinia' ijiatayi pet ti 'yakajanit ni jikap'ijliuskiye iyoyi.

Romanos 5:9

'Nakayi siuti kiak iyoyi ti Sinia' kaslesajne'n, ijiate ti jajwieyeje pet siunie Sinia' jiwak ts'ijiye ka netie jlaja niwa jlomas.

Romanos 8:1

Siunapo i'nio' napo ini'nopijieteje ni Sijwajieti Jesús, napok 'yaka pet ti laj jitisa'.

Romanos 8:3

Sinia' jla'am ti 'yijene pi iyone siunie Moisés jika'neyasajnaye t'ipi je 'yijene paka iwone, kajeyepa ti tajle ti sa'am ti i'niolts'e'm nak it'imina. Pakayi ti ijliu' pa jlas ti t'oniye kiak iyone iyo ni i'nio' ti inke' jilianik, jla'am ti ininekiaj'l ape'e ni i'nio' ti tejeyi jana 'najlati. Jak je iyoyiji siuti iyoyi kiaka, sekyi'i itietayi isia'm siunie jijweye pet naka inke'.

Romanos 9:31

Jlam'ne pet siunapo Judíojos ti je ijlienis ti iyoyisi nak inka'neyasajnaye ti ijwilis janakaye ka 'esieyisi, ka nakayi ka inses, 'yina je i'winis ka kiak iwoyi.

1 Corintios 6:11

Ti pajk'i, siuniwa ajwel'ni je awo'ate je woyeyipi, siuti asa'am po' siunapo yit'ijyipi. 'Yina 'nakayi insisie kajeyepa ti Sinia' pajk'i ti inlejajyi'n, jla'yi ti initiajnat ask'ioye ki astes iyo, ka lajak'i pet ni jle' iyo ni Saka'niona Jesús ti Sijwajieti, siu'neje japa Sinia' jikimet.

Gálatas 2:16

'Yina lajk'ipa ka je 'najane paka wone ti lajk'ipa ka ne'yi paka Moisés jika'neyasajnaye inlesajne'n 'nakayi, 'wenajliyi jla'am pa ti itienkiuni pa Sijwajieti Jesús, ti je 'yakakiu. 'Yina je 'wena 'neje pet paka itiajlataja siunie ti Sinia' ka lesajne'n ni sitis iyo, naka ti atankiunieje ni Jesús ti je akakiuk, je ka intajle siuka ya'm ape'e ki iyo ni inka'neyasajnaye siunie iyo ka iyoki, ka sek ine'yi ka Sinia' inetiajnat pi sitis iyo. Siunie awone je nak kant'emina ka Sinia' inlesajne'n pi i'nio' siunie ti jantej'we ka woyi siunie iyo ka tiwoki ni Moisés jika'neyasajnaye.

Gálatas 2:19

Siuti ya'am masak'i'm jitieyi'i nak inka'neyasajnaye, tepa jawo ka kiak je iwo ti jilianikk'i'm, sekyi'i nak tajleje pit ti si'wasana'aja, sekyi'i Ika'niona pa Sinia'. Kajeyepa ti 'yiniye ka iliaye inoyi wita'm pi Sijwajieti ti tik'iejwata'a japa cruz,

Gálatas 3:8

Ti pajk'i siuniwa Sinia' jlamtis ti paj ijwi'il ta'a siukia jawoyi ti Sinia' janlesajne'n siupapo je Judíojos ti ja ke inkakiuyis. Ijwilat'ijiampe pi Abraham siuniwa jlamtis ti isis ti iyo'ate, “Ka inlajk'i jant'eminajna'a napo i'nio' yi' ape'e 'ni ajnat ti ja wikie'eyeyi ti Sinia' jamp'elisijne'n.”

Gálatas 5:3

Jayikiajle'eje k'iye siunapo ti kiak iniwone ti t'isie'n jiwa yiwa'a, ti je 'es 'neje pet ka je ilesaniji wikie'eyi siunie iyo niwaka iyo ka tiwoki ni Moisés jika'neyasajnaye.

Hebreos 10:11

Wikie'eyi siunapo pa'yijis ti tajla'm napo Judíojos jlomas itijw ti isimk'iji'n, je iliyi ki iyo ti iliajnen'ni siuniwa k'iejliyi ti yikiajle'ni ni Sinia'. Jlam'ne je 'yakajle'n siunie i'nio' ka ijnale niwa jikeyis.

Hebreos 10:4

'Yaka siunie ji'woyis niwaka sontas, siu'neje niwa wakiajas, je 'yakal ka ijnale ni jike' napo i'nio'.

Hebreos 7:19

Kajeyepa ti i'nio' je ilisajne'n ka 'esieyi, naka Moisés jika'neyasajnaye. Sekyi'i its'iuyeja 'wet'e nak sinijijwiyeje ti je jiniliak, siu'neje ti si'niayi poye ti ajoki pa Sinia'.