Hechos 13:36 - Sinia' Jlamtis 1994

³⁶ “Ijiate pa David ti iyoyi siupa Sinia' iyone, ti yi' ape'e 'ni ajnat, 'yina ti 'yalat'ipi, t'o' tenajap papo jiniewot mases, insoti puwa t'ajwes t'ipi kajeyepa.

Hechos 13:36 ပူးပေါင်းရင်းမြစ်များ

Mateo 25:16

Jlajmiliet siupi yikiajle japa ijwienjli sikio' itij'we taléntojos je iyo ka ji'wetjliyeyi'i'ni, yamat'ipi ti isijmajne'n, 'yina 'yakajmatayi ape'e japak siojopa tena kiojyi, puwa ijwienjli sikio' itij'we taléntojos.

Juan 11:39

Sekyi'i ti iyo'ne 'ate: —'Omaja ts'ijiye ni jip'ot. Marta, siujlieja Lázaro jikitia ape'e, iyo'ne 'ate: —'Yaka'niona, atejnistieje ka insotieje, kajeyepa ijniujliejets'i kiwa jlomas yamk'i ti yi' ajnat kiajwe.

Hechos 13:22

'Nak nojwaja'm puwa jika najkapis yiji ti iyota anechiyasa', ti Sinia' ijialayi pa jijweye ti iyo anechiyasa'. Siupa jikijmaye iyotaja pa Saúl, yikiajle pa David, Isaí jlas ti iyojwa'n anechiyasa'. Paka siupa ti Sinia' iyo'ate ti ijwil'ni, “A'we'en na David, Isaí jlas, wuj ti ts'ajka'a, 'yina ti iyoyi wikie'eyi siuniwa awo ka iyoyi.”

Hechos 2:29

'Napo i'lijwas, ijiatk'i siunie jayo ti jajwi'il pa sitis t'ipi David, jla'am je k'iejets'i'ni ti 'ya'al. Jleli yik'i 'na siu'nie awak'i.

Hechos 20:27

Kajeyepa ti pajk'i ta'a ti ajwe'lase'm siunie iyo ni Sinia' ka woyi, je ajwek'iase'm.

Hechos 7:60

Sekyi'i ti t'akosjlete'l itiyeyiji'n, 'yakets'ijiap ti iyo'ate: —'Yaka'niona, ká atajlatajna'a siunie iyo ni jike'. Yiyik'i ti kia'iyo, sekyi'i ti 'yala.

Hechos 8:1

Saulo jitienkiujnieye iyone'ate, “'Esiji ti 'ya'al.” Po' papo i'nio' ti ijiatt'iyijipe ti iyoyi puwa Sinia' jlamtis, papoka'ne siupapo itijisk'iye jla'yi ti yapits'i ape'e pa Esteban. Pakayi siupa ti wuj ti inilayiti papo Sinia' jilis yiji jlaja Jerusalén, ti tisiejek'i'yi. Wikie'eyi papoka ti netiank'iji'n ape'e siupuwa ajnatis Judea siu'neje japa Samaria. Japokata japo injlojwajnas sek 'wanjle'e yi'i jlaja Jerusalén.

1 Corintios 15:18

Siuti kiak jiwoyeyi, siupapo 'yalt'ijyimpe ti kia'iyo je 'yakakiuyis pi Sijwajieti, 'yajle'n ti 'yajlene.

1 Corintios 15:6

Paj'ni ape'e kia'iyo ini'wenkinaja'ajme japok i'nio' ti 'yakamt'i ape'e japo quinientos (500). 'Yina pajk'i ti 'yajle'n papoka i'wint'iyispe, 'yina je pini 'neje siupapo 'wasajne'n siu'nie jloma.

1 Tesalonicenses 4:13

I'lijwas, jlampet siukiapo pajk'i ti 'yajle'n, awoktajank'iye ka 'najanayi pet paka wonayi, 'nakayi ti astankiujnieyi ja ke inlanayi, ka woye 'ate siunapo ijia lajk'iyi paka iwo ka nejejwijyink'iye pet.