Hechos 13:2 - Sinia' Jlamtis 1994

² Yit'i'yipe pa jloma, 'yina ti initotk'i'ni wita'm ti ijwilis pa Saka'niona jla'yi ti iyunitis pa Sinia', siu'neje ti ininel'liajanitis, Sinia' jikimet ti 'es iyone'ate japo: —'Wena jotieyi pet its'ioye 'na Bernabé jla'yi 'na Saulo, 'yaka yam ti aki'me ti atajieta ni isijmaye.

Hechos 13:2 ပူးပေါင်းရင်းမြစ်များ

Mateo 6:16

Siuti jininel'liajanitie ti jiwoyeyi ni asts'ajlaye, ká aniwonaye 'ate napoka napo sintijyis ti initoniti'n. Inikajanit ti je inkase'n, iniwone 'ate siunapo ti jijliak'ali po', ti iyojonk'iye ka ti'wena ti ininel'lianiti'n. Ijiate siunie jajwi'lase'm, nak it'imina ti 'yakajli, siunie ti tonitieje ni iyoyisi.

Mateo 9:38

Naka'ne ni siunie ti ja 'ajlayi ni jikimet nak inwomik, ka injlo' napo inkijmayewos ka inla'ne.

Lucas 10:1

Jlampa paja'ni ape'e siupuwa iyot'iyipi, Saka'niona isimat'i'yik'ijpe papo setenta y dos t'eyasajnas. Timesiamk'i'ni ti ijliuyet'i'nijpe ti iniajnate'n jik'ioye ti ijioyits'i siupuwa isi'il ji'wetis papo i'nio', siupuwa iyo ka ijnoyits'i.

Lucas 2:37

Jlampa ochenta y cuátroja puwa jika najakapis ti iyo ask'iliekiye. Je yi'i japa ka jlomaye ka inleyi jlaja Sinia' ji'wuk, jlomas ti iyunit pa Saka'niona. Jlomas itijwe siu'neje puwa ajnajas ti ininel'liajanit'ni ti iyoyi pa t'ajlaye.

Hechos 10:19

Jlam'ne je ilitieje'eje ja Pedro ti jitiej yini'ni 'ate siupa iyo pa i'wi'in, Sinia' jikimet takajwejlanat'ijiampe ti iyo'ate: —'Yejne'n, najape napo i'nio' iwojyin'ni.

Hechos 10:30

Cornelio isiujlie ti iyo'ate: —'Neyek'i jlampa kilie' iyoye 'ate isia'm, 'yake'nijne ti awo'ni 'yejlayeja' 'ne i'wit'e. Jakayi ti inikajanitk'i'm ni i'nio' ti wuj ti isis niwa ji'wuye.

Hechos 13:3

Jlampa iliyet'iyisijpe japo i'nio' ti ininel'liajaniti'n, jla'yi ti iyoyis t'ajlayeja', inkioye tenajat'ipi ape'e, sekyi'i ti inijwelaja'm japo ti iyoyeyi ka nek'ni.

Hechos 13:4

Sinia' jikimet ti 'es ijliu' 'niji yi'i japa Seleucia. Sekyi'i ti yiyet'iyispe kasejkanaja, ti ijioyis 'niji yi'i japa ajnat jle' iyo'ate Chipre, i'niat lajlik'i tijwajiape'n.

Hechos 14:26

Sek tajlits'i ti yiyis kasejkanaja, ti ijioyis 'niji Antioquíaja, isi' siujlieja yiji jlaja ajnat Siria, siujlieja ijioyist'iyipi'iji. Pakayi ti 'yakela papo Sinia' jilis ka inkatate puwa Sinia' jlamtis ka inwoyisi, siupa ti jiwekie'aja ti itimisi pa jikijmayejes.

Hechos 20:28

Ká anikiwaliye, ni'notatayiji, 'yenayi napo 'eyasajnas Sinia' jilis. Sinia' jikimet ti 'es pajk'i ti inwojwana sontas jiwosa', ka 'yenayi siunapo Sinia' iyo jika kia'lisa', ti takat'ini ape'e pa jlas ji'woyis ti yamayi.

Hechos 22:21

“Saka'niona isiulk'i'm ti iyo'ate, “Maj, kajeyepa ti ya'am ti jajliu'. Jajliu'wa siunapo i'nio' ji'wetis je jnanjliyi, ti je Judíojos”.”

Hechos 4:36

Iyoye'ate iyot'iyipi ja i'nio' jle' iyo'ate José, (injlojwajnas iyont'iyisi'nijpe 'ate Bernabé, ti iyo'ate “Je k'ijliaja”), tajla'm papo Leví t'ipi, ji'wett'iyijpe japa Chipre, i'niat iniujwape'n.

Hechos 6:4

Sa'am ka'yukiena'a na ts'ajlaye, jla'yi ti jayok samtikie' niwa Sinia' jlamtis.

Hechos 8:29

Sinia' jikimet iyone'ne 'ate: —Maj ka esitk'iye siojona kaleta.

Hechos 9:15

'Yina Ananías Sinia' jlam iyonjliyi 'ate: —Maj joyi, lapakawo ti ya'am ti aki'me nak i'nio', jla'am ti ja sijwe'el, jla'yi ti jawo jika'niyejayi siunapo i'nio' lajk'iyipa kawo, siu'neje napo jika anechiyasas, siu'neje napo Israel jika kia'lis.

Romanos 1:1

Asampey i'lijwas, ya'am ti Pablok'i'm ti atate'ase siu'nie ip'isinik. Sinia' jla'am ti tank'i, sekyi'i ijniejietk'i'm siu'nie isijmaye ka iyo Sijwajieti Jesús jijliujwanikie' ti sitiejieta naka ka yikiji'n ka ijwi'il siunie jika'niye ti 'es.

Romanos 10:15

'Yina, ¿tepa jawo ka inamtik jiwos ijnoyi ti lajk'ipa ka injloyi? Iyo niwa Sinia' jlamtis ti iyo'ate, “¡Ijiat ti 'es wat ti 'nes'ni siunapo ti name nak inka'niye ti 'es!”

Romanos 15:16

siunie ti siwojwa'n Sijwajieti jikawoyek'i'm, 'nakayi ti janiuyeje siunapo i'nio' ti je Judíojos. Awoye 'ate siunie pa'yi ti ajwe'el siunie Sinia' jika'niye, 'nakayi ti janiwojwa'nate siunie Sinia' ji'wajiet ti ikanit'ni, siu'neje ti siojona Sinia' jikimet ti 'es ja'notat.

1 Corintios 12:11

'Yina wikie'eyi niwaka, ti je ijwienjli paka k'iejliyeyi paka jikijmaye kanwone, jlam'ne ijwienjli jla'am siojona Sinia' jikimet ti tajle, ti iwijna'm pi iyo ka iwejna'm.

1 Corintios 7:5

'Yina ká akawoye siunie iyo ka woyi ni ak'iemjla, siu'neje ti a'am ti asejnia'a'm. Siuti po' jana jloma ti kiak jawoyeyi, ti jawoyeyi ni asts'ajlaye, 'esiji ka ijnojlie wita'm, ent'a jawoye 'ate, “'Esiji ka anilayiti kiu wata'a ka je akienk'i'm, kiak jayo'ojyi pet ti ya'am, kajeyepa ti jayoki ni ts'ajlaye, jla'm ijiate ka pajata wata'a.” Jlampet ti 'wenayi siunie jiwoyeyi, ijiate je sitiana' ka kiak awoyeyi, ti jinikiujlie'ni ape'e. Ijiatjliyi siuti yamata 'niji siunie ti it'imina ti kiak jiniwonayi, sekjane'yi ka ekiajla'ayijna'a siunie jiniwonayi ti 'nelanjie'e, iyo napo jijwa'yis po'. 'Lojwinie'e ka sitiejiejwa imosik inkajla', siuti kiak jawoyeyi, ti ja ke alesanayik'iyi siunie jiwoyeyi ti ajwa'yis po', sek jantaj'le ka awayeyinie'e siunie aske'.

2 Corintios 11:27

Yi'i ti ijiate ti ikanowe silia'an ti akijme'n, siu'neje ti ijnieti anilankine. Nel'lia siu'neje ni na'la. Po' kiwa jlomas ti je a'yekiu'n, je ijwienjliyiji ka wi'yit je sijlien'ni, ni'ne ti ijiate ti lajk'ipa ka 'yuts'i.

2 Corintios 6:5

siu'neje na ti kask'ajakietaja'n, siu'neje ti kasts'otiejatak'i a'laja'm, siu'neje ti ti'yikisanajatats'e, siu'neje ni sikijmaye ti kiojieti, siunie ti ijnieti anilankinaja, naka 'neje ni nel'lia.

Gálatas 1:15

Jlamp'a'nepe Sinia' pajk'i pi iyonk'iji ti siwakajlanit ti je ajliyi'n kiu', lapakawo ti wuj ti sip'elisi'n it'imina ti tank'i. 'Yina ti jla'am ti tajle ka kiak iyoyi,

Efesios 3:7

Siuti ya'am je ani'nojonit'i siu'nie awoyi ti anoyeje pi Sinia', ti ajwel niwa jlamtis, 'yina ti jlam ti jijweye po' it'iminayi pet ti akajli ti awoyi.

Colosenses 4:17

Jwelajia'm ja Arquipo siu'nie i'lij, ti awo'ate, “Tankiuni ka teme wikie'eyi siunie akijmaye ti Saka'niona yikiaj'la ka woyi.”

1 Timoteo 2:7

Jak je iyoyiji ti Sinia' siwojwa'n jijliujwanik'i'm, ka ijwile ni siunie inka'niye napoka siunapo ti je Judíojos, ka 'yiyasane naka ni siunie intankiujnieye ti 'es, siu'neje ni ijiatk'i. Jlajme awoyi, ijiatk'i siunie awoyi.

2 Timoteo 1:11

Ya'am ti Sinia' jikawok'i'm ka ijwil 'nak jika'niye, jla'yi ti jijliujwanik'i'm, jla'yi ti iyo ka'yiyasaneje'n niwa jlamtis ti isis napo i'nio'.

2 Timoteo 2:2

Siuniwa jipe'yape ti ene jitieyi'i japo i'nio' ti 'loj, ti ajwe'la'm, nak jajwejla'm pet siunapo ti je tikiwitaja, ti ji'we'en ti 'yakajli ti iyoyi, 'nakayijna'a pet ka 'neyasajne'n napo ijia.

2 Timoteo 4:11

Ijwienjliye jla'am 'ni Lucas ti je taj'l ijiap. 'Esiji ka wojyin'ni ja Marcos, a'asina'a, janoyijk'imna'a ti awoyeta yamtikie'.

2 Timoteo 4:5

Ke wujwa ka awoyi ajlak'aliye, ti k'iejlitieje pa; siunie ajlak'ali nilayiti; woyi amitikie' siuniwa Sinia' jlamtis ti isis; nilesaniji ti jiwoyi ni akijmaye, ti a'm ti Sinia' jikawo'wa'm.

Hebreos 5:4

Je ti'wena paka ka jlama jiwek jla'am ka kiak iniwone iyo ni pa'yijis jika anechiyas wuj, 'yina ijiatjliyi jla'am pi Sinia' ti tane ka kiak iwo, nakaye ti yikiajle siunie ti iyo anechiyasa', iyot'iyipi pa Aarón t'ipi.