Hechos 13:16 - Sinia' Jlamtis 1994

¹⁶ Pablo takasitiet'ipi, jikio' yejayi ape'e papo i'nio' ka ink'iuyits'i 'ate, sekyi'i 'esieje'n ti tamti, ti iyo'ate: —Israel jika kia'lis, siu'neje japo je ilijyi ti iyunit pa Sinia', k'iuyek'i'm ti jayamti.

Hechos 13:16 ပူးပေါင်းရင်းမြစ်များ

Mateo 11:15

¡Jane'yi pa siunie jik'iot tiojwa'l po', jipe'yaye!

Lucas 1:22

Paj ti 'nesat'ipi jiwekie'e, jlampa je k'iejeyeyik'i'ni ti yi' kiajwe japa 'najla'wet, 'yina 'wena iyoyeyi'ijyi ji'lij je i'yaka'n, sekyi'i itijnisieyisi papo ti po' pa i'wi'in ts'e jik'ioyi japa ji'wet'ni pa Sinia'. Puwakata jla'am puwa jikioye ti isiene, ti ijwil ka inkamtijniene papo i'nio', jlam kia'iyojliyi ti je 'esiji ka intamti.

Lucas 1:50

Ip'ilisi'n siunapo its'iuye, kajeyepa ti je ijwiyisie, paj ti yiyeyi siunapo jika kia'lis pet ti ink'iejyis.

Lucas 23:40

Siupi jikiecha isiujlie'ne jla'am ti iyo'ate: —¿Ijiatp'aneje ti je jloskiye pa Sinia', jlam'ne kiak jiwo pet jlejyi ni iyo ni inlaye?

Hechos 10:2

Jak i'nio' ti t'oniye 'es, iyunit pa Sinia', ji'wet jlele kia'iyojliyi. Wuj japa wikiniet'aj itijwe'e'ni ti iniuyeje papo Judíojos. Jlomas ti iyo t'ajlayeja'.

Hechos 10:35

'wanjliyi ka je Judío japa, siunapo toskiye pa Sinia', iyo siunie 'es jla'yi ti iyo siunie Sinia' iyo.

Hechos 12:17

Sekyi'i jikiot'ipa yejayiji'nijpe papo, ti ijliuye kank'iuyits'i 'ate, ijwijla'm papo siupa Sinia' iyone. Yine'ne ape'e ti iyo'ate: —Jwelajiamna'a ja Santiago siunie iyo 'na awoyi, siu'neje japo si'lijwas. Yamat'ijyi ti itimayi, ti 'wena ijiojwi.

Hechos 13:26

“I'lijwas ti Abraham jilists'ase'm, siu'neje japo je iliyi ti iyunitis pa Sinia', k'iuyeyi siu'niwa Sinia' jlamtis ti ijwil japa Injwajieti, sa'am ti ijliuts'e.

Hechos 13:46

Pablo jla'yi ja Bernabé ji'lij 'yitiet'ik'ipe pet, ti iyo'ate ti isiujlisie: —Ajwel'ni je akamak'iji'n ti ajnaye'ase, ajwela'ase'm niwa Sinia' jlamtis ti Judíojosts'ase'm. 'Yina siuti je jikima'yi ilia'm, jijwelaye ka je asama ka askimita' siojona in'wasankiye ti laj jlaja. Siuti janaj'ni ti jatiajla'ase'm, jajioki siunapo i'nio' je Judíojos.

Hechos 19:33

Tanaja'ni pa Alejandro, Judíojos papok tane, ka Alejandro injwela ape'e papo, ti jlamis ti Judíojos je ini'noti pak jiwet'ia iyo papo i'nio'. Alejandro jikio' yejayi ape'e papo i'nio' ka ink'iuyits'iate.

Hechos 2:14

Sekyi'i Pedro takasitiet'ipi, kia'iyojliyi siojopo ijia itijwa'm sikioye ijwienjli tom'niji injlojwajnas, ka kia'iwo ka inilaki ti tamtiyet'ipi, ti iyo'ate: —'Napo Judíojos, siu'neje ti asa'am ti as'wet jla'a Jerusalén, k'iuyek'imna'a siunie jayo ti jayamti.

Hechos 2:22

Pedro yinat'iyi ape'e ti iyo'ate: —'Yina k'iuyek'imna'a ti asa'am ti Israel jlele'ase'm, siunie jayo ti jayamti, ti jajwi'il siunie Jesús Nazaret jlele. 'Najanayi ti jlam ti lajk'ipa ka k'iejliyeyi paka Sinia' iwet'ianaja'm, 'yaka ji'wena' ni iyo ti ilisane niwak siuniwa isis tajle pa Sinia', ti kaskelit ti a'wena, siu'neje niwa a'wena ti a'tisk'iji'n.

Hechos 21:40

Ijiatjliyi tokis jika anechiyas 'yajlinit'ne k'iye ka intamti ape'e japo i'nio'. Sekyi'i Pablo takasit'ne, ijio'ne ape'e siojo tiniukk'i'ni, jikio' ijie'ne ape'e japo i'nio' ti iyo ka tik'iukie, ti jantamti. Its'iuyisie 'ate, tamti'ne ti iyo Hebréojos ji'lija', ti iyo'ate:

Hechos 22:22

Sek jla'a siukiwa jlamtis ti tik'iukie ja Pablo, sekyi'i ti ijiatayiji ti tanisi ape'e ti iyoyits'i 'ate: —¡Je 'esiji ka 'wanjliye'e. Lana' jla'm 'esiji ka inetia'n!

Hechos 3:12

Pedro, ti i'wina papo ti 'yakapajle, iyone'ne 'ate: —Israel jlele, ¿yot'iyi'ni ti kas'yen'ni? ¿Jijwelt'e ka sama ka ijwiejieta siu'nie i'nio'? ¿Ent'a jijwela' ka sijweye poye, ni'ne ka nakaye ti je aleki ti awunitie pa Sinia', ka nakaye ka int'emina ka injwa'a?

Apocalipsis 2:11

“¡Siunie jik'iot tiojwa'l po', k'iuyi siunie iyo janak Sinia' jikimet ti 'es ti ijwijla'm napo Sinia' jilis! Jlampet siunie jantate isia'm ni siunie jitiejiejwa, nak ja ke inekiajle'eje ka 'na'al.”

Apocalipsis 2:17

“¡Siunie jik'iot tiojwa'l po', k'iuyi siunie Sinia' jikimet ti 'es iyone napo Sinia' jilis ti ijwijla'm! Siunie i'nio' ni jant'an pijia'm ti jantate isia'm ni jitiejiejwa, nak ja'yakojniene jana maná ti je takajanitie, sek jane'yi ka iwinajamna'a siojona sisaj lemi'ni ti yi'i siunie ine'e ink'ie' ti t'etaja'a, siunie ti je yits'e paka 'najane pa ka iwone 'yina 'wenajliyi jla'am siunie tena jikiojyi ti 'yijene pi iyone.”

Apocalipsis 2:29

“¡Siunie jik'iot tiojwa'l po', k'iuyi siu'nie iyo janak Sinia' jikimet ti 'es ti ijwijla'm napo Sinia' jilis!”

Apocalipsis 2:7

“¡Siunie jik'iot tiojwa'l po', k'iuyi siunie iyo janak Sinia' jikimet ti 'es ti ijwijla'm napok Sinia' jilis! Jlampet siunie jant'an pijia'm nak jawinajamna'a pet siunie jantojw jla' janaka a'la' ti i'wasankiye tajle yiji ni Sinia' jiwasok ti 'es.”