Hechos 13:1 - Sinia' Jlamtis 1994

¹ Sinia' jilis ti yiji jlaja Antioquía po' japo Sinia' jijwejlanawos yiji, siu'neje japo inka'neyasajnawos. Japokajimpe japo Bernabé siu'neje ja Simón, siojo tiwonat'iyi'nijpe 'ate “Isiojwats'i”, siu'neje ja Cirene jlele Lucio, jla'yi ja Manaén, (jijniujliejwa pa Herodes ti iyo kia'lisa', siupa iyo anechiyasa'a jlaja Galilea), siu'neje ja Saulo.

Hechos 13:1 ပူးပေါင်းရင်းမြစ်များ

Mateo 27:32

Jlampa yama'ni ti yamisk'i, 'nayiji sek isiutieyisi'i ni i'nio', siojo jle' iyo'ate Simón, Cirene jlele. Jaka'ne ti its'iuyeje ti itijlia jlajak Jesús jika cruz, kajeyepa ti tijliukieje.

Lucas 3:1

Pakayi ti itijwa'm sikioye ijwienjli sisiet tom'niji puwa najkapis yiji ti iyo anechiyasa' pa i'nio' jle' iyo'ate Tiberio, Roma jlele, anechiyas pet pa Poncio Pilato yi'i jlaja Judea, jlampet pa Herodes yiji jlaja Galilea ti iyo anechiyasa', siupa jikilia Felipe yiji pet jlaja Iturea ti iyo anechiyasa' iyo jla'yi japa Traconite, Abilinia paka pet pa Lisanias ti iyo anechiyasa',

Hechos 12:25

Bernabé jla'yi ja Saulo itimisi siupa jikijmaye, tajlis Jerusalenne, ya'asiyis ja Juan Marcos.

Hechos 13:9

Sekyi'i ja Saulo, jle' 'neje ti iyo'ate Pablo, ti Sinia' jikimet ti 'es tipoyiji, i'yejne'n 'ne pa aye'wu,

Hechos 15:32

'Yina ja Judas jla'yi ja Silas, ti po' pa yiyisi ti Sinia' iyojwa'n jijwejlanawosa', it'imina'ne ti wuj ti 'yakela japo ijia.

Hechos 15:35

Pablo ti jla'yi pet ja Bernabé 'wanjliye'eje pet Antioquíaja, ti 'yiyasajne'n japo i'nio', jla'yi ti iyoyis jlamtikie', siu'neje japo jla'yis.

Hechos 19:6

Ti Pablo jikio' yinak'i ape'e, Sinia' jikimet ti 'es yi'ne ape'e ti jlamis, jlamtis 'wenayi papo i'nio', sekyi'i ti iyoyeyis jika'niyeja' siupa iyo japa Sinia' jikimet ti ijwijla'm.

Hechos 21:9

Jilis japo ijniujlits'i asejnia, laj jijwa'yisa, japoka'ne siojopo iyo injwejlanawokila'.

Hechos 4:36

Iyoye'ate iyot'iyipi ja i'nio' jle' iyo'ate José, (injlojwajnas iyont'iyisi'nijpe 'ate Bernabé, ti iyo'ate “Je k'ijliaja”), tajla'm papo Leví t'ipi, ji'wett'iyijpe japa Chipre, i'niat iniujwape'n.

Hechos 9:1

Saulo je iliyi ti t'olana ka ilajne'n papo i'nio' iyoyi ki inamtik. It'imint'iyijpe ti ijioyi pa pa'yijis jika anechiyas siupa jlamt'iyijpe,

Romanos 16:21

Timoteo siu'nie iniuyijk'im'ni itijwi'lase pit. Siu'neje 'napo saka ajnat ijwienjli pet, 'ni sikiecha Lucio, siu'neje 'na Jasón, siu'neje 'na Sosipater, 'napoka ti itijwi'lase pit.

1 Corintios 11:4

Jak je iyoyiji ti po' ni i'nio' ti iyo t'ajlayeja', ni'ne ti ijwile pijia'm siupa iyo japa Sinia' jikimet ti 'es, ti its'i'n ape'e pi lotakinie japa jletik, 'yina 'yajwejlanit'ni pet siunie ti jletik.

1 Corintios 13:2

Ent'a ja yama siunie ti iyo'ni jika'niyejayi napo ijia Sinia' jilis ti yameje siupi iyo janak Sinia' jikimet; jla'yi ka ts'ajane paka iyone siunie yiji ni Sinia' jlosik siupi iyo kawoyi; siu'neje ti ts'ajane wikie'eyi niwa wask'i'nelaja; jla'yi ka ijiatayi ka itienkiujnieye poye. Ka ts'ajane paka iyone ka itiajla'nik'i niwa tikijnakiyis siuniwa ji'wetis, 'yina ti ja laja yimijnayeja', siliejk'ipa ti ya'am.

1 Corintios 13:8

Siunie inemijnaye ja ke paja jla'am ka ino'we. Jlampet siunapo ti ijwile pijia'm siunie iyo jana Sinia' jikimet ja jlaj japoye; kia'iyojliyi siuniwa inamtis ti je tipe'yak, kia'iyojliyi siuniwa tajle ni Sinia' ti po' ni i'nio' ti 'yije'en.

1 Corintios 14:29

Jlampet siuti po' siunapo ti iyo ka inkasitk'i ti janjwe'el siupa Sinia' jikimet ijwijla'm, siuti ja timesie ni'ne ka najapeja, jlampet siupapo ijia papok jan'yenis siupi iyo ti ijwi'il.

1 Corintios 14:32

Naka ni siunie ti ijwi'il siunie iyo japak Sinia' jikimet, 'esiji ka inlesaniji siupi ji'lij iyone ti tamtiyeta,

1 Corintios 9:6

'Yina, ¿ijiatt'iyi ti samkata, ti ya'yi ni Bernabé, ka je 'esieyiji ka poye japa ka inwents'e'm napo i'nio' pa ka k'iejliyeyi ka kasts'isisi pet?

Gálatas 2:13

Jak je iyoyiji siojopo ijia Judíojos ti i'winayis ja Pedro ti kiak iniwone, sekyi'i ti kia'iyoyeyisi iniuyeyisi pet. 'Yina Bernabé kia'iyojliyi ti ikajlis siunie iyonisi ti ik'emijietis.

Gálatas 2:9

Jak je iyoyiji japo Santiago, Pedro, Juan, ti jlam ti ijia, isi'me ka 'yena ka inkie ape'e, jla'yi ka 'net pijia'm napo Sinia' jilis, je kaskakiuk kajeyepa ti 'yijene pi iyone ti jla'am pa Sinia' ti yikialk'i ni siu'nie. Jak je iyoyiji ti i'winayis ti kia'iyo, isieja sikioyejiamk'i, naka 'neje ni Bernabé, kajeyepa ti ijwilis ijiate ti isim selia'm ka ijwienjli iniuk'i ti jasimak'iji'n. Sekyi'i iyoyis'ne 'ate, “'Esiji ka in'wenayeyi pet siunapo je Judíojos, jlampet ti sa'am kiak jayoki, ja'wijnaki pet napo Judíojos.”

Efesios 4:11

Jla'am ti iwijnamk'i napo i'nio' ni jijweye ti iyoyi ji'wajieta'. Po' napo iwijna'm ka wo jijliujwajnasa', ijia napo iyone jijwejlanawosa', ijia napo iyone inka'niye jiwosa', ijia napo ijniejiet'e kan'yenkina napo jilis, ti 'yiyasajne'n napo i'nio'.

Filipenses 4:22

Kia'iyo wikie'eyi napo Sinia' jilis itijwi'lase. Siu'neje napo isimape'n ni anechiyas Roma jlele wuj ti itijwi'lase.

1 Tesalonicenses 5:20

K'iuyeyi woye lajaye siunie inka'niye yameje'n siunapo ti ijwi'il ki iyo jana Sinia' jikimet ti 'es.