Hechos 12:5 - Sinia' Jlamtis 1994

⁵ Ijiatjliyi Pedro yi' insat jiweje, tokis i'yena ka je i'no'o, 'yina jlam t'aljlijyi'n papo Sinia' jilis, ti 'yejlanis ja jikiecha.

Hechos 12:5 ပူးပေါင်းရင်းမြစ်များ

Mateo 18:19

“Kia'iyo ijiatk'i siu'nie jayo'nase ti ja poye napo times ti iyoyi t'ajlaye ti ijniul wita'm ti t'ajle ni Inia' ti yi' poliyi siunie isitia'n, ijiate Inia' janwejna'm ni siunie t'ajle.

Lucas 18:1

Jesús yamtiyi siu'nie ti jla'm i'yejnap jiwek, ti 'yiyasajne'n japo t'eyasajnas ka je inleyisi ka inwoyis'ni t'ajlayeja'.

Hechos 12:12

Jlampa itijnisieyiji ja Pedro, sekyi'i ijio'ne ji'wete jlaja María, Juan Marcos jlet, sek nojwe'e papo i'nio' ti iyoyis t'ajlayeja'.

Hechos 12:4

Sekyi'i t'otiej'ne a'laja'm, tokis ijniujlits'i papo i'yena, kiajatak'i'ni ti inik'iuyejesi'ni, ijniujlits'i'ni papo its'iuyejesi'ni. Iyotaja ka no isia'm japa inlakijnieye, jiwekie'ejejata ka titiona kisie'e, ka tena jitieyi'i papo i'nio', ka jlam iwonisiji ka ijnotkinisi paka jitis iwo.

Hechos 12:6

Japak siojopa ajnaj tomk'iye ti jota ka tena jitieyi'i papo i'nio' ja Pedro, ti jlomaye ti jota ka ti'yasajni. Pedro yi' kiowe'e papo tokis times ti i'yena, ti imia'a. Wikijnies tiilie'nitije jawa jisietis jikioyi kia'iyojliyi. Ijia 'neje papo yiji pa 'wuk kiwet ti i'yena.

1 Corintios 12:26

Siuti po' pa yi'i pa a'tieje, ijiate kia'iyoye'ijyi pet niwa jijwa'al iliatayi'iji pet. Jlampet ti yi'i pa ti inkaj'ni, 'yina kia'iyoye'ijyi pet siuniwa ijia ti ikatayi'iji pet ni iyo ti inkaj'ni.

1 Tesalonicenses 5:17

Je paj ka aleyeyi ti jiwoye asts'ajlayeja'.

Hebreos 13:3

Astaj wunitieyijpe siunapo yi' insat jiweje, askiowe wonayi 'ate ti ijiateje ti aslaye iniuyi wita'm ti jleyejyi janak insat jiwe. Astaj enayijpe 'ate siunapo ti ijia ne'wajamk'i ni siunie tiwonaja kajeyepa ti ent'a ja kiak tiwona'ase ni siunie tiwonaja.

Santiago 5:16

Ijiate, 'esiji ka wikie'eyi janijwela' siuti po' ni je 'es. Mayeyi ni'najlanapi. Siuti kiak janiwonayi, ja ajwayejyi ni aswet'ia iyo. 'Yina siunie 'es ti inipejlanit'i ape'e ni t'ajlaye, jijweye po' pet ni t'ajlaye.