Hechos 12:3 - Sinia' Jlamtis 1994

³ Pakat'iyijpe ti Judíojos iyo jiliakijnieyeja' ti jijlinkitis je yijnits'i puwa woyejes, 'yina Herodes i'wi'in ti Judíojos itiliaja siupa iyo ti ilia'an pa Santiago, iyoyet'ipi 'ate: —Jwanayi'i jiat'eje na Pedro ka 'otie a'laja'm.

Hechos 12:3 ပူးပေါင်းရင်းမြစ်များ

Mateo 26:17

Ti yiyeyi jakiak jloma Judíojos jiliakijnieye, siojona jloma ti jijlinkitis je tenajats'i niwa woyejes niwa jikas. Siojona jloma inia'ne janak inlakijnieye t'eyasajnas ijioyi'ni ti iyone'ate: —Jla'ak Pascua jla'a awakia'm, ¿tempi ji'wet siupa jleminta ka iyinaja'a ka iwiakajlanitie ta'a siupa jatojw?

Juan 12:43

Najata jla'am siunie i'yenis ka i'nio' ijnoniti jlam'ne kan'yenis ka Sinia' ijnoniti.

Juan 19:11

Sekyi'i ja Jesús isiujlie ti iyo'ate: —Siunie at'oni ti yi'a, ka je intal Siniayi je 'najane paka wone ka siniujwa'n kisie'e. Jak je iyoyiji'ni siunie ti sekial ka ama ka si'ye'en, jitis 'yaka'm ape'e siunie iyo ni ates.

Juan 21:18

Ijiatk'i siunie jajwi'la'm, am ti jwemik'ia'm ti jiwo ka ak paka ajojwi, jiwoye a'wuye. 'Yina siuti ja kijila'm ja 'akajnie k'iye ni akio', 'yina ja 'wenayeyi siupi ja'nojienk'ipi ja a'wuye, jajnokijipi ja ijnokiji, siupi je am ka awo ka ajojwi.

Hechos 12:4

Sekyi'i t'otiej'ne a'laja'm, tokis ijniujlits'i papo i'yena, kiajatak'i'ni ti inik'iuyejesi'ni, ijniujlits'i'ni papo its'iuyejesi'ni. Iyotaja ka no isia'm japa inlakijnieye, jiwekie'ejejata ka titiona kisie'e, ka tena jitieyi'i papo i'nio', ka jlam iwonisiji ka ijnotkinisi paka jitis iwo.

Hechos 2:14

Sekyi'i Pedro takasitiet'ipi, kia'iyojliyi siojopo ijia itijwa'm sikioye ijwienjli tom'niji injlojwajnas, ka kia'iwo ka inilaki ti tamtiyet'ipi, ti iyo'ate: —'Napo Judíojos, siu'neje ti asa'am ti as'wet jla'a Jerusalén, k'iuyek'imna'a siunie jayo ti jayamti.

Hechos 20:6

Ti yama 'niji siojokia jloma ti inlakijnieye, ti titiuwajata niwa woyejes laj jijlinkitajets'i, akinie'ni 'ne ti atajla Filíposse. Ja ke iyoyiji'ni jlomas ijwienjli sikio' itij'we ti ejejlajayi ts'e Tróasse, sek kas'wanjle'e'ne paj ti saka i'nio 'wanjlijyi'n ijwienjliye ti sek awak'i.

Hechos 24:27

Paj ti yiyeyi kiwa najkapis times ti kiak iyo'ni, jlampa yiyet'iyipe pet ja Porcio Festo ti iyo anechiyasa', ti its'iuye 'wet'e ja Félix. Félix 'yina ti iyojonk'iye ka 'esieyi wita'm papo Judíojos, it'imina'ne ti jlam sek iliyeyi'i wek insat jiweje ja Pablo ti iliyeyi ti iyo anechiyasa'.

Hechos 25:9

'Yina ja Festo ti iyojonk'iye ka 'esieyi wita'm japo Judíojos, it'imina'ne ti i'yase'n ja Pablo ti iyo'ate: —¿Ma jiwoyi ka ajo Jerusalenne, ka'ye'en sekaja siupa ates iyo?

Hechos 4:13

Siupapo anechiyasas ti i'wi'in japo Pedro ti t'otale t'o'n ti tamtits'iji'n, 'yina je jlase' pi iyo ti 'yakelit kajeyepa ti itiant'iejesi ti jwajla'a je 'yijene japo i'nio'. Sekyi'i ti itijnisieyisi ti japok Jesús jla'yis.

Gálatas 1:10

Ji'we'en ti je nak ka iyojyi'n ka sonit papo i'nio' ti 'es ni isijmaye iyo, najata jla'am siunie awojyin'ni ka jlama jla'am pa Sinia' ka soniti ni isijmaye awone ka 'esie. ¡Yot'iyi'ni ka kiak je iwo ti, siuti jayojyi'n naka, ka sonit napo i'nio'! ¿Jot'e ka 'nok'i'm ti yam ti Sijwajieti jikawok'i'm?

1 Tesalonicenses 2:4

Sinia' pajk'i ti kassejlit ka ijiatayi ni awoki, 'yina kas'wen'ne, it'imina ti je isiwitits'e'm niwa jlamtis, jak je iyoyiji 'ni iyo'ni amtiki ti je niliak. Je napoka napo i'nio' ka iyojonk'iye ka 'yakanitie'ni, 'wenajlitieje pa Sinia' ti awoktajank'iye ka 'yakajanitie'ni, ti jla'am ti kas'ye'en iyo niwa sikiojwa'l.