Hechos 11:23 - Sinia' Jlamtis 1994

²³ Wuj ti inkaj'ni ja Bernabé ti 'nesa sekaja, lapakawo ti i'wi'in ti ijiatk'i siupa iyo ti Sinia' jikap'ijliuskiye yiji jlajak isi'. Bernabé 'yakela papo ti iyo'ate: —Ká akalakijiena ti jikinieyi ki iyo ni inamtik, ke ink'asayi pijia'm.

Hechos 11:23 ပူးပေါင်းရင်းမြစ်များ

Mateo 16:24

Sekyi'i Jesús kiak iyonayi japo t'eyasajnas: —I'nio' ni jawo ka iwo 'yiyasanikie', 'esiji kanleyi siunie iyo ti jla'am siunie iyo'neje ni jikijmaye, jantejlia jana jika cruz, sekjane'yi ka inamana'a ijyik'i.

Marcos 2:5

Jesús i'wi'in ti jitienkiujnieye po' pa i'nio', sekyi'i ti kiak iyonayijipi: —Yas, siuniwa akeyis netia'n.

Juan 15:4

Si'niayi janjwanjli, jawo'ate awo'nase ti ya'am je alejliyi'iji ti ani'nopijiet'ase. Siunie jik'as jana ts'ejniek jit'io, ka lajak'i jana jitisiuk, je 'esiji ka iwo jlaye, kajeyepa lajk'i japa ka intajle. Kiak iyo'ni pet ti asa'am siuti si'niayi je ijwienjli, lajk'i pet pa ka intaj'l aswa'm ka 'esie ka woyeyi.

Hechos 13:43

Ti pajlatat'ik'ipe kisie'e siupapo i'nio' nak nojwaja'm papo Judíojos, siu'neje pa jike' iyonisi papo Judíojos, yamisk'i ja Pablo siu'neje ja Bernabé. Sekyi'i japo Pablo iyonisi'ne 'ate ti ijliuyisie'ni: —Ká akakiunieyi siunie Sinia' jikap'ijliuskiye ti yi'nase'm. Ni'netie, ataj ká alana'yi ti jiwoyeyi.

Hechos 14:22

'Yakela papo i'nio' sek ji'wet'e ti iyone'ate: —Je pajna'a ka aleyeyi ti astaj jiwomayi ni Saka'niona, lapakawo ti siunie i'nio' ni iyo ka ijnoyi ni Sinia' jika anechijiayas wuj ti janilayiti, niwa jiwet'iaye ti jajnoyi.

Hechos 14:26

Sek tajlits'i ti yiyis kasejkanaja, ti ijioyis 'niji Antioquíaja, isi' siujlieja yiji jlaja ajnat Siria, siujlieja ijioyist'iyipi'iji. Pakayi ti 'yakela papo Sinia' jilis ka inkatate puwa Sinia' jlamtis ka inwoyisi, siupa ti jiwekie'aja ti itimisi pa jikijmayejes.

Hechos 15:40

Pablo iyo pet jla'yija' ja Silas. Sinia' jilis wuj ti 'yejlanis'ni ka Sinia' inoyeje ti yamat'i'nijpe.

Hechos 20:24

Ejlojli wekie'e, 'yina je awoyi yitinikie' niwaka, kajeyepa ka ikajli wata'a ts'iji ka yitak'i siu'nie yaj jane'yi, siu'nie awo ti akk'i, jla'yi ti aki ni inka'niye ti tajle ni Sinia', siunie Saka'niona Jesús yikialk'i, naka ni Sinia' jikap'ijliuskiye. Wuj ti ts'ajkaj'ni ti kia'iyo.

Hechos 20:32

“'Nakayi 'esiji ka Sinia', jla'yi niwa jlamtis ti takap'ijliuski, jan'ye'nase'm, jla'yi kanoye'ase'm. Siuniwa jlamtis 'yijene 'neje kanoye'ase'm ka ijiatayi ka astankiujnieye poye, jla'yi kawe'nase'm ni jikap'ijliuskiye, jikimet napo Sinia' jilis ti isis.

Hechos 4:36

Iyoye'ate iyot'iyipi ja i'nio' jle' iyo'ate José, (injlojwajnas iyont'iyisi'nijpe 'ate Bernabé, ti iyo'ate “Je k'ijliaja”), tajla'm papo Leví t'ipi, ji'wett'iyijpe japa Chipre, i'niat iniujwape'n.

Romanos 12:8

Siuti a'm ti jiniuyeje'ni napo a'lejwas ti jikela'ni, ká aleyi ti jikela'ni. Siuti k'iejliyi pa jiwejna'm ni akiecha, 'esiji ka intajla'm ni ajosik ti 'es siunie jiwoyi. Siuka tijniejieta'a'm ka 'yena siunapo Sinia' jilis, 'esiji ka wujwa ka'yena. Siuti tijniejieta'a'm ka p'elisijne'n napo a'lejwas, nikanit'i siuti jiwoyetaja ni akijmaye.

1 Corintios 15:58

I'lijwas ti yimijna'yase'm, tempi it'imina ti kiak awo'nase, 'esiji ka kiajatajak'i'ni niwa jlomas ti jawoyeyi ká aleyeyi, ja kat'ajayi pet ti jani'netie'yi siunie ti jiniuyeyeje ni Saka'niona. Jlam'ne 'najanayi pi jiwonayi siunie askijmaye ti jiwoyeyi ti asa'am ti Sinia' jilists'ase'm ti je wekie'e, laja po'.

2 Corintios 1:17

Jet'i 'es ti aleyek'i siukia jota iyoyi, ¿jet'i 'yu'we ka kiak je awonak'i 'ate? Je 'yaka paka iwoyi. ¿Ni'ne ka si'wena ti yam ya'am ti talk'i siunie awoyi, siuti awo'ate, “Kiak jayonie'e”, 'yina paj ti aleyiji siunie awo ka iyoyi?

2 Corintios 6:1

Ijiatjliyi, siuti sa'am ti anokieje ni Sinia' ni iyo ni jikijmaye, wuj ti anip'elisi'niase, ká akajyina' naka jikap'ijliuskiye iyo ni Sinia', siunie ti yints'e'm.

Colosenses 1:6

Naka ni siunie Sinia' jika'niye ti yi'ase. 'Nakayi ti'wena ti jlam yamjlijyi'n pet, ti iyo jlaye jayo, wikie'eyi ape'e 'ni ajnat, iyoye pet 'ate jiwoyeyi 'nakayi, tajlape ti k'iejli 'najanayi pi jiwonayi pi Sinia' ti takap'ijliuski, siu'neje ti ijiate ti imp'elisina'.

2 Timoteo 3:10

'Esiji ti 'wena je t'iasap'e siunie 'yaka'neyasajnaye iyo, jla'yi siunie awone, siu'neje ni ajalas ka iyoyi, siunie iyo ni itienkiujnieye ti 'es, jla'yi ni awo ti akama, siu'neje ti yimijnaye po', jla'yi ni ijwiye iyo ti ato'm ilia'm ni iyo napo i'nio' ti teje'yi ijyilia'm, siu'neje ti anilayiti ni ijliak'ali iyo.

1 Pedro 5:12

Isiecha 'ni iniuyijk'i'm ti 'eti' siu'nie imp'esinik ti je itioyi'i siu'nie awoyi, 'naka Silvano. A'we'en ti ijiate wek jla'am ni iyo. Awotajank'iye ka 'yijijie'nase'm wikie'eyi siuniwa yiji 'ni ip'isinik ka ikajanitk'i ask'ioye siunie ti Sinia' wuj ti imp'elisina'. Kia'iyo, ká aleyeyi siunie jiniwonayi ti jleyejyi siunie jlemijnaye ni Sinia'.

1 Jn 2:28

Ilis, siukia awo'ojyi ti ajwe'lase'm ti awo'ate: ke ekiyejiap pi Sijwajieti Jesús, 'nakayeyijna'a siuti janapimet ja ke anikiwitanie'e, ja lajana'a ts'ajwejliye ilia'm jitieyi'i.

3 JuanMary Thureson 1:4

Lajk'ipa ka k'ieyeyi ki iyo ni inikanitieyi ti ajieyeyi japo ilis ti yame ki iyo naka ti ijiatk'i.

Judas 1:4

Kajeyepa ti po' siunapo i'nio' ijiuski'lajne'n ti ini'not'i aswa'm ti yi' aska kiowe'e, 'yiniye ka ijiatayiji ka intaj'l aswa'm, lapakawo ti inip'o'nase wek. Sekyi'i ti ijwila ka ijiatayiji ka ineki siunie jikap'ijliuskiye ni Sinia', 'yina nak isienayi siuniwa ti iyo ni siuniwa itiliaja ka iwoyi siuniwa je isis. Ijiate ti 'yakajanitk'i ti 'yakakiu pi Sijwajieti Jesús, ti jla'am ti ijwienjli ti saka anechiyas. Napoka siunapo i'nio' ijwilt'ipi siuniwa inamtis ti isis, ti 'yaka ti jajnoyi ni siunie jiwet'ia napo ti netiajne'n.